JEREMI 22:17 - Bibəl ta Sar̄

¹⁷ Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

Bible sar

¹⁷ Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

JEREMI 22:17 Referans Kwoze

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

EJEKIEL 19:6

Ni-ndi i dan ɓɔl gə̄ tə́ ō, tél balsáa ɓɔl ō. Ni ndóō loo rə́yā̰ dā̰ naā tə́ ō, əhɔ deē ndul gə̄ əsadə́ ō.

JEREMI 22:3

Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.

2 MBAN̄G 24:4

ni tɔ̄l̄ de kə́ kanjə̄ najə̄ dɔdə́ tə́ ngá̰ý adə̄ majaĺ i ngá̰ý kem ɓē kə́ Jerusalem tə́. I tām̄ najə̄ ń noō tə́ n Kɔ́ɔ̄ɓē gḛyń mā̰ȳ rɔ̄n aĺ ní.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

KOLOSƏ 3:5

I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.

1 KORḚNTƏ 6:10

ngé ɓogə gə̄ ō, ngé rāā kum ndaa yá̰a̰ gə̄ ō, ngé rāā ɓəlo kasə gə̄ ō, ngé tétə̄ najə̄ gə̄ ō, ngé kə́rá yá̰a̰ gə̄ ō, a əngen̄ loo kem Ɓē ko̰o̰ yā Nə́ɓā tə́ alé.

Makətūbə̄ ń Pol ndang adə̄ Rom gə̄ ní 1:29

Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.

Makətūbə̄ yā Job 31:7

Ré róbə́ ń ni njar ní njaḿ əya̰ kɔ̄ɔ́ ō, ré kemḿ un gō kumḿ ō, ré yá̰á̰ kə́ yḛr kógə̄ḿ tákə̄ jīḿ ō anī,

2 YÁ̰A̰ GƏ̄ 36:8

Gotə najə̄ yā Joakim ń na̰y ní ndangən̄ i kem makətūbə̄ yā mban̄g gə̄ kə́ Israel tə́ ō, kə́ Juda tə́ ō. Yá̰a̰ gə̄ ń ɔjən̄ kemeé ní i yá̰á̰ kə́ to yḛr kum gə̄ ń ni-rāā ní ō, yá̰á̰ ń teē dɔn tə́ ní ō. I ngōnən Joakin n o̰o̰ ɓē gotən tə́ ní.

1 MBAN̄G GƏ̄ 21:19

Āw̄ ə́dan na Kɔ́ɔ̄ɓē əda na: Adə̄ ī-tɔ̄l̄ deē ba ī-reē yā taā yá̰a̰ yān dɔ tə́ ní! Gō tə́ anī ə́dan na Kɔ́ɔ̄ɓē əda ɓáý to̰ na: Loo ń bísə gə̄ tō̰nə́n̄ mósə Nabot tū tə́ ní, bísə gə̄ a tō̰nə́n̄ mósí īkɔ́ tū tə́ ō.

JOJUE 7:21

M-á̰a̰ kūbə̄-jī kə́ Sinear kə́ majə ngá̰ý dan yá̰a̰ gə̄ kə́ kəhɔ ta rɔ̄ɔ̄ tə́ ō, m-á̰a̰ gində̄ arjā̰a̰ kə́ kɔȳn i kəlōo jōó ō, m-á̰a̰ lɔ́ŕ kə́ kɔȳn i ngán kəlōo ɓú mí ō, əsōn̄ kumḿ adə̄ m-ɔ́ýdə́. m̄-dubə̄də́ i gíŕ nángāá kem kújə tandā yāḿ tə́ dan looó, m̄-ɓōkə́ gində̄ arjā̰a̰ i gírí pá tá gotə yá̰a̰ gə̄ ń nuū i dɔ tə́.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

Gōsə̄ najə̄ gə̄ 24:2

tɔdɔ̄ nin̄ gírə̄n̄ i dɔ rāā yá̰á̰ kə́ majaĺ kə́ yā rāā tə́ ngóy.

IJAI 56:11

Nin̄ i bísə gə̄ kə́ əsan̄ yá̰a̰ malang ō, yá̰a̰ kəsa asə tadə́ nja kógə̄ḿ aĺ ō. Tá nin̄ i ngé kul̄ gír deē yāḿ gə̄! Nin̄ gerə̄n̄ kum yá̰á̰ kógə̄ḿ alé. I yá̰á̰ ń nel̄də́ ní ngóy n nin̄ rāān̄ ní. Nin̄ kógə̄ḿ kógə̄ḿ ní, a sāān̄ i yá̰á̰ kə́ majə tām̄ yādə́ nin̄ kɔ́ gə̄ tə́ ngóy.

JEREMI 6:6

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ī-tə́gāī kāgə̄ gə̄, ɔ́yiī nán̄g ādə̄ rāā dɔ naā tə́ bing kadə Jerusalem tə́, i ɓē kə́ rāānən̄ yá̰á̰ kə́ tōr̄ tām̄ majaĺ yān tə́, de kə́ kemeé gə̄ rāān̄ kum naā ndoō tə́ ngá̰ý.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

JEREMI 17:11

Deē ń ɔsə dɔ dūbə̄ yá̰a̰ kənge naā tə́ kə róbəneé aĺ ní, to i tītə̄ kerwḛy kə́ ɔbə̄ kaa kə́ i ni n ənī ní alé. Teē kə̄ danaá rik anī, yá̰a̰ kənge yān a əya̰n kɔ̄ɔ́ dan majə kə́ ngá̰ý tə́. A əsō ō, a tél de kə́ kur̄ dɔn gətóo kə̄ non tə́ ō.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.

MISE 2:2

Ré ndɔr̄ yā madə̄də́ gə̄ sə̄ngā kumdə́ anī, nin̄ taān̄ ndɔr̄ ní ō, ré gḛyn̄ i kújə yādə́ gə̄ anī, nin̄ táān̄ kújə gə̄ ní ō. Nin̄ ḭḭn̄ gúu dɔ de kə́ dəngam gə̄ tə́ ō, dɔ kojə yādə́ gə̄ tə́ ō, dɔ kɔ́ɔ̄ yá̰a̰ gə̄ tə́ ō, táān̄ yá̰a̰ kənge yādə́ gə̄ dɔ gúú tə́ ō.

MISE 3:10

Sḭḭ̄ ə̄ndāī yá̰a̰ kənge kə́ Siyo̰ i dɔ tɔ̄l̄ de gə̄ tə́. A̰á̰ā̰, sḭḭ̄ ə̄ndāī ɓē kə́ Jerusalem i dɔ yá̰a̰ rāā kə́ gōtə́ aĺ tə́.

1 SAMUEL 8:3

Banī unən̄ gō njan alé. Ngur kənge yá̰a̰ rāādə́, adə̄ táān̄ yá̰a̰ gə̄ ń de gə̄ adə̄n̄də́ kadə̄ əndān̄neé najə̄ yādə́ gə̄ naā tə́ ní. Adə̄ sarya gān̄gdə́ i gōtə́ alé.

2 MBAN̄G 23:37

Joakim rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ yā kaan gə̄.

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

JEREMI 19:4

Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

EJEKIEL 19:7

Ni ɓéngə̄lē ndogə̄ mbal̄ yādə́ kə́ ngan̄g ngá̰ý gə̄ kɔ̄ɔ́ ō, nujə kə ɓē yādə́ gə̄ kɔ̄ɔ́ ō. De kə́ kem ɓēé gə̄ ōōn̄ kōō nōōn anī, ɓōĺ rāādə́ adə̄ nin̄ ndewn̄.

EJEKIEL 19:9

Nin̄ ənīnən̄ kem ngōn̄ kújə́ kə́ rāān̄ kə gindīí tə́ ō, do̰ō̰nən̄ kə gində̄ kə́ ta ruguú ō, ba aw̄n̄ seneé rɔ̄ mban̄g kə́ Babilon tə́. Nin̄ ənīnən̄ kújə dəngáyá yā kadə̄ deē oō ndūn dɔ mbal̄ gə̄ kə́ Israel tə́ to̰ alé.

EJEKIEL 22:6

Ngār kə́ Israel tə́ ń ndin̄ kemií ḭ̄ ɓē kə́ Jerusalem tə́ ní, nin̄ kógə̄ḿ kógə̄ḿ a unən̄ i ko̰o̰ ɓē yādə́ gə̄ n a tɔ̄l̄nəń madə̄də́ gə̄.