JEREMI 22:15 - Bibəl ta Sar̄

¹⁵ Nelī rāā yá̰a̰ kə kāgə̄ sédər ngá̰ý ní ī-gír̄ i dɔ ko̰o̰ ɓē tə́ ta kaw̄ jóo a? Bɔbí əsa yá̰á̰ ō, a̰ȳ ō aĺ a? Banī ni rɔ̄ɔ̄ dɔ yá̰á̰ kə́ gōtə́ tə́ ō, dɔ yá̰á̰ kə́ súmūú tə́ ō. adə̄ yá̰a̰ malang i kə́ majə tām̄ yān tə́.

Bible sar

¹⁵ Nelī rāā yá̰a̰ kə kāgə̄ sédər ngá̰ý ní ī-gír̄ i dɔ ko̰o̰ ɓē tə́ ta kaw̄ jóo a? Bɔbí əsa yá̰á̰ ō, a̰ȳ ō aĺ a? Banī ni rɔ̄ɔ̄ dɔ yá̰á̰ kə́ gōtə́ tə́ ō, dɔ yá̰á̰ kə́ súmūú tə́ ō. adə̄ yá̰a̰ malang i kə́ majə tām̄ yān tə́.

JEREMI 22:15 Referans Kwoze

2 MBAN̄G 23:25

Mban̄g kə́ kété no mban̄g Josias tə́ kə́ tél reē rɔ̄ Kɔ́ɔ̄ɓē tə́ kə ngarā̰ kemən gēé mámák ō, kə rɔ̄n gēé malang ō, kə tɔ́gən gēé malang ō, tītə̄ ń ndū najə̄ yā Moijə ədań ní gətóo ō, mban̄g kə́ gotən tə́ tītə̄n gətóo ō.

IJAI 3:10

Ngé gə̄ ń oōn̄ ta Nə́ɓā ní, ásiī kəda na nin̄ i ngé rɔ̄nel̄ gə̄. Yá̰á̰ ń nin̄ rāān̄ ní, a əngen̄ yá̰á̰ kə́ majə tām̄ yādə́ tə́ gírí.

KOHELET 10:17

Rɔ̄nel̄ i yā ɓē ń mban̄g kə́ tū tə́ i de kə́ gír yā de kə́ bo gə̄ tə́ ō, de kə́ bo kə́ kemeé gə̄ a əsan̄ yá̰a̰ i kə kum mbangneé yā kəngeń tɔ́gə ba i yā ka̰ȳń kasə kadə̄ rāādə́ aĺ ní ō!

Gōsə̄ najə̄ gə̄ 25:5

Ɔ̄r̄ nge kem ndul kɔ̄ɔ́ no mban̄g tə́, anī ni a mbūsə̄ gír ko̰o̰ ɓē yān kadə̄ ra ngan̄g kə ta kūl̄ rāā yá̰á̰ kə́ gōtə́.

Gōsə̄ najə̄ gə̄ 29:4

Mban̄g rāā adə̄ ɓē ndi majə i kə ta kūl̄ yá̰á̰ kə́ súmūú, banī nge taā tīr̄ kadə̄ al̄ naā i nge nujə ɓē.

2 MBAN̄G 22:2

Josias rāā yá̰á̰ kə́ gōtə́ ta kum Kɔ́ɔ̄ɓē tə́. Ni ndájə̄ kəla rāā kaan Dabid kanjə̄ tɔ̄ɔ̄ geleé aláa ko̰ó̰.

JEREMI 42:6

Ká ré najə̄ ní nel̄jí aáā, nel̄jí aĺ aáā, j-a j-oō najə̄ ta Kɔ́ɔ̄ɓē Nə́ɓā yājí ń j-əlaī rɔ̄n tə́ ní, yā kadə̄ yá̰a̰ malang əsō naā tə́ majə najə̄ koō ń j-oō tan ní tə́.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

Gōsə̄ najə̄ gə̄ 21:3

Rāā yá̰á̰ kə́ gōtə́ ō, kə́ súmūú ō nel̄ Kɔ́ɔ̄ɓē tɔȳ yá̰á̰ kə́ deē tun̄ adə̄n.

1 MBAN̄G GƏ̄ 10:9

Kɔ́ɔ̄ɓē Nə́ɓā yā Salomo̰ ń gə̄rā Salomo̰ kadə̄ o̰o̰ ɓē dɔ Israel gə̄ tə́ ní, ādə̄ de gə̄ ɓōkə́nən̄ tɔ̄ȳ. Kɔ́ɔ̄ɓē na tár Israel gə̄ na i kə́ njɔ́ḿ gə̄ tə́ á na əndā Salomo̰ kadə̄ ni i mban̄g yādə́ kadə̄ gān̄g sarya yādə́ kə gō gēé ní.

2 SAMUEL 8:15

Dabid o̰o̰ ɓē dɔ ngán Israel gə̄ tə́ malang. Ni-gān̄g sarya yā de gə̄ malang i kə gōó.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

KƏLA RĀĀ 2:46

Nin̄-kánə̄n̄ naā ngándáńg kə dɔ ndɔ̄ gə̄ kem kújə yā Kɔ́ɔ̄ɓē tə́ ō, tetən̄ mápa əsan̄ kə ta kújə gə̄ ō, əsan̄ yá̰a̰ yādə́ kə rɔ̄nelēé ō, kə kem kə́ kógə̄ḿ beē ō.

Najə̄ kə́ Majə yā Jeju ń Luk ndang ní 11:41

I beé ní ādī ngé ndoō gə̄ yá̰a̰ kə́ kem kópə yāsí gə̄ tə́ ō, kə́ kem səmbē yāsí gə̄ tə́ ō, loo ń noō tə́ ɓáa yá̰a̰ malang i kə́ unjə̄ njáý njáý tām̄ yāsí tə́.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

JEREMI 22:18

Tā anī najə̄ ń Kɔ́ɔ̄ɓē əda sɔɔ̄ dɔ Joakim kə́ ngōn̄ Josias, mban̄g kə́ Juda tə́ ní n toó: Pā yo ń na: I yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəngam, i yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəyá̰ i yá̰á̰ kə́ to kum kaȳ aĺ kə́ ba̰ý beé, kɔ́ɔ̄ḿ. i yá̰á̰ kə́ to kum kaȳ aĺ kə́ ba̰ý beé, de kə́ bo ní deē a nōōnneé alé.

JEREMI 22:3

Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.

IJAI 33:16

Deē ngeé ń toō a ndi loo kə́ kḭḭ kə̄ dɔɔ́ tə́ kanjə̄ sōl̄ yá̰á̰ kógə̄ḿ. Mbo̰ō̰ mbal̄ kə́ njar i loo ɓɔ̄ɔ̄ rɔ̄ yān. Ngáńdáńg ni a ənge yá̰á̰ kə́ yā kəsa ō, ni a ənge man̄ kə́ yā ka̰ȳ ō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

KOHELET 2:24

Yá̰á̰ kə́ majə tām̄ yā deē tə́ gətóo, ngá̰ý anī i kəsa yá̰a̰ ō ka̰ȳ ō, i kadə̄ kem deē nelə̄n loo rāā kəla yān tə́ ō ngóy. Mā m-á̰a̰ kadə̄ nge ń noō i Nə́ɓā n i nge kadə̄ deē kə jīneé ō.

Gōsə̄ najə̄ gə̄ 31:9

Ī-teē taí ī-gāngəń sarya kə gō róbə́ kə́ súmūú ō, ɔ̄rəń najə̄ yā nge ndoō ō, de kə́ nge rɔ̄ tō ndoō ō.

Gōsə̄ najə̄ gə̄ 20:28

Kem majə ō, háĺ kə́ sew ō a ngɔ̄m̄ən mban̄g. Kōr̄ kāgə̄ mbang yān ndi ngan̄g i kə ta kūl̄ kem majə yān.

2 YÁ̰A̰ GƏ̄ 34:2

Ni-rāā yá̰á̰ kə́ súmūú ta kum Kɔ́ɔ̄ɓē tə́. Un i gō tóo kaan Dabid kanjə̄ tɔ̄ɔ̄ geleé aké ko̰ó̰.

1 YÁ̰A̰ GƏ̄ 3:15

Rī ngán Josias gə̄ n toó: Nge kə́ nga tɔ́gə i Yohanan, gidən i Joakim, kə́ nge ko̰ mətá i Sedekias, kə́ nge ko̰ sɔ́ i Salum.

NDŪ NAJƏ̄ 4:40

Ndū najə̄ yān gə̄ ō, yá̰a̰ gə̄ ń ni-əndā dɔsí tə́ kadə̄ ī-rāāī ō ń m-ɔ́jə́sí ɓōólaā ní, úniī gō, kadə̄ sḭḭ̄ ō, ngáńsí gə̄ ō, ngán kaasí gə̄ ń a utə̄n̄ gōsí ní ō, ə́ngeīneé rɔ̄nel̄ ō, ī-ndiīneé kə kumsí ta kaw̄ kə̄ jóo dɔ nang ń Kɔ́ɔ̄ɓē Nə́ɓā yāsí adə̄sí kə́ kə́ njɔ́ḿ gə̄ tə́ gə̄ tə́ ní ō.

JEREMI 7:5

Ba ī-tūrī háĺsí ō, yá̰a̰ rāāsí gə̄ ō, ādī de gə̄ yá̰á̰ kə́ sɔɔ̄ dɔdə́ kógə̄ḿ kógə̄ḿ ō,

2 YÁ̰A̰ GƏ̄ 35:22

Banī Josias lōō gír rɔ̄ɔ̄ Neko tə́ alé, tɔdɔ̄ kété gə̄gē ní a sāā i ta róbə́ kə́ yā rɔ̄ɔ̄n̄neé. Adə̄ ni oō najə̄ ń Neko ɔr̄ seneé ní alé. Tá i Nə́ɓā nəkɔ́ n əndā najə̄ ní ta Neko tə́. Josias əla kūbə̄ kə́ kadə deē a̰a̰n a gerə̄n alé rɔ̄n tə́ ba aw̄ rɔ̄ɔ̄ tə́ wól loo kə́ Megido tə́.

2 YÁ̰A̰ GƏ̄ 35:26

Ndangən̄ gotə najə̄ kə́ rang gə̄ yā Josias kem makətūbə̄ yā mban̄g gə̄ kə́ Israel tə́ ō, kə́ Juda tə́ ō. Əlan̄ gír i dɔ nge kə́ ta kəla gíŕ tə́ bátə́ ugə̄n̄neé dɔ nge kə́ ta tɔ̄l̄ ta tə́. Ɔjən̄ gotə háĺ kə́ gōtə́ yān kemeé, tɔdɔ̄ ni-rāā yá̰á̰ ń ndangən̄ kem ndū najə̄ yā Kɔ́ɔ̄ɓē tə́ ní.