JEREMI 22:12 - Bibəl ta Sar̄

¹² Tɔdɔ̄ ni a oy loo ń de gə̄ əhɔnən̄ aw̄n̄ seneé tū tə́ ní tə́ ō, a a̰a̰ ɓē ń toō to̰ aĺ ō.

Bible sar

¹² Tɔdɔ̄ ni a oy loo ń de gə̄ əhɔnən̄ aw̄n̄ seneé tū tə́ ní tə́ ō, a a̰a̰ ɓē ń toō to̰ aĺ ō.

JEREMI 22:12 Referans Kwoze

2 MBAN̄G 23:34

Gō tə́ anī əndā Eliakim ngōn̄ Josias mban̄g gotə bɔbə̄n tə́ ba tūr̄ rīn kɔ̄ɔ́, əndā na i Joakim. Joakajə tá aw̄ seneé Ejiptə tə́ adə̄ oy i nú.

JEREMI 22:18

Tā anī najə̄ ń Kɔ́ɔ̄ɓē əda sɔɔ̄ dɔ Joakim kə́ ngōn̄ Josias, mban̄g kə́ Juda tə́ ní n toó: Pā yo ń na: I yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəngam, i yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəyá̰ i yá̰á̰ kə́ to kum kaȳ aĺ kə́ ba̰ý beé, kɔ́ɔ̄ḿ. i yá̰á̰ kə́ to kum kaȳ aĺ kə́ ba̰ý beé, de kə́ bo ní deē a nōōnneé alé.

LEBI GƏ̄ 26:38

Ā óyiī dan nápar de gə̄ tə́ ō, dɔ nang yā madə̄ ba̰ā̰sí gə̄ a ə́sásí ō.

2 MBAN̄G 23:29

I kem ɓāl̄ ko̰o̰ ɓē yān tə́ n Parao̰ Neko, mban̄g kə́ Ejiptə, aw̄ń kə ngé rɔ̄ɔ̄ yān gēé kum kə̄ bā Opəratə tə́ yā kaw̄ dḭḭ̄ń mban̄g kə́ Asiri ní. Mban̄g Josias gḛy kɔgə̄ de kə́ Ejiptə tə́ gə̄ mān̄, adə̄ dan ń Parao̰ a̰a̰n Megido ní tɔ̄lən.

JEREMI 22:27

Adə̄ ā ī-téliī yā kaw̄ gogə́ dɔ nang ń ngur kaw̄ tū tə́ rāāsí ngá̰ý ní tə́ to̰ aĺ bátə́.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.