JEREMI 21:12 - Bibəl ta Sar̄

¹² Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

Bible sar

¹² Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

JEREMI 21:12 Referans Kwoze

IJAI 1:17

Ī-ndóōī rāā yá̰á̰ kə́ majə. Ī-sāāī ta róbə ɓōĺ gidə yá̰á̰ kə́ súmūú. Deē ń a rējə̄ madə̄n gə̄ kə yá̰a̰ rāā kə́ gōtə́ aĺ ní, ī-tél ī-reēī seneé dɔ róbə́ kə́ majə tə́. Ī-rɔ̄ɔ̄ī dɔ yá̰á̰ kə́ súmūú yā ngán hal gə̄ tə́, úniī najə̄ yā dəyá̰ kə́ ngaa koy gə̄ kə̄ jīsí tə́.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

IJAI 1:31

De kə́ tɔ́gən to a tél yā kəto tītə̄ mu beé ō, yá̰a̰ rāān gə̄ a ton̄ tītə̄ hor kə́ kə́rā beé ō. Hor a o̰o̰də́ jōó mbak ō, de kə́ yā tɔ̄l̄ hor ní a gətóo ō.

SOPONI 3:5

Ɓá tā ba Kɔ́ɔ̄ɓē i kem ɓēé, ni-rāā yá̰á̰ kógə̄ḿ kə́ gōtə́ aĺ alé. Ni-gān̄g sarya yān dəloí kə dɔ ndɔ̄ gə̄. Banī de kə́ majaĺ gə̄ rāān̄ yá̰a̰ kanjə̄ rɔ̄sɔl̄.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

JEREMI 36:7

Majanī ndɔ̄ȳ yādə́ a ugə̄ ta kum Kɔ́ɔ̄ɓē tə́ ō, nin̄ kógə̄ḿ kógə̄ḿ a tūrə̄n̄ yá̰a̰ rāādə́ kə́ majaĺ gə̄ ō, tɔdɔ̄ wōn̄g ō, wōn̄g kə́ ngá̰ý ō ń Kɔ́ɔ̄ɓē rāā kə gír de gə̄ ń toō ní to ɓōĺ ngá̰ý.

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

JEREMI 5:28

Nin̄ boon̄ majə ō, ndə́lēn̄ ō, rāān̄ majaĺ al̄ naā ō. Nin̄ ɓōlə́n̄ ndíl najə̄, aláa yá̰a̰ yā deē aĺ ō, yā ngōn̄ hal aĺ ō. Yá̰a̰ rāādə́ malang teēdə́ yá̰á̰ tə́ usədə́ dɔ najə̄ yā ngé rɔ̄ tō ndoō gə̄ tə́ alé.

Makətūbə̄ ń Pol ndang adə̄ Rom gə̄ ní 13:4

Tɔdɔ̄ ni i nge kəla yā Nə́ɓā tām̄ yāí tə́, yā rāań seí kadə̄ ī-rāā yá̰á̰ kə́ majə gə̄. Ba ré ī-rāā yá̰á̰ kə́ majaĺ tā anī, ādə̄ ɓōĺ rāāī, tɔdɔ̄ ré kaskar i jīn tə́ anī, i karī alé. Tɔdɔ̄ ni i nge kəla yā Nə́ɓā kə́ nge kɔjə wōn̄g yā Nə́ɓā kə̄ ndágá dɔ nge rāā yá̰á̰ kə́ majaĺ tə́.

Najə̄ kə́ Majə yā Jeju ń Luk ndang ní 1:69

Ni teē kə nge kajə de gə̄ kógə̄ḿ kə́ tɔ́gən i ngá̰ý adə̄jí, teē seneé i dan de gə̄ kə́ gír kaa yā nge kəla yān Dabid tə́.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

NŌŌ RƆ̄ 4:11

Wōn̄g rāā Kɔ́ɔ̄ɓē al̄ naā, adə̄ bə̄gā wōn̄g kə́ ngá̰ý ní dɔ ɓē kə́ Siyo̰ tə́. Ni-əla hor dɔ tə́ adə̄ o̰o̰ gír gisə ɓē.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

JEREMI 5:14

I tām̄ najə̄ ń toō tə́ n Kɔ́ɔ̄ɓē Nə́ɓā kə́ Nge tɔgə yá̰a̰ malang əda tītə̄ ń toō beé na: Sḭḭ̄ ɔ̄rī najə̄ beé ɓá ní, m-ā m̄-rāā kadə̄ najə̄ yāḿ ń m-ə̄ndā taí tə́ ní tél hor ō, m-ā m̄-rāā gír de gə̄ ń toō i kīr̄ kə́ yā kadə̄ hor a o̰o̰ tə́ ō.

IJAI 7:13

Anī Ijai əda na: I beé ní, sḭḭ̄ ń i de gə̄ kə́ gír kojə yā mban̄g Dabid tə́ ní, ōōī! Sḭḭ̄ ī-rāāī de gə̄ adə̄ kɔr rāādə́ ō, tá to tītə̄ kə́ nge ń noō asəsí aĺ ɓáý beē. Sḭḭ̄ ī-rāāī Nə́ɓā yāḿ adə̄ kɔr rāān ō!

IJAI 7:2

Ədan̄ Akaj ń i de kə́ gír yā Dabid tə́ ní ō, de kə́ bo yān gə̄ malang ō na: De kə́ Aram gə̄ əndān̄ gérger yādə́ dɔ nang yā Epəraim tə́. Najə̄ ní yéȳ mban̄g ō, yéȳ gír deē yān gə̄ ō, tītə̄ ń nél a yéyəń kāgə̄ gə̄ ní beē.

PĀ GƏ̄ 101:8

Kə ndɔ̄í kə ndɔ̄ gə̄ malang ní, m-ā m̄-rāā kadə̄ ngé kem ndul kə́ kem ɓēé gə̄ malang ɔrə̄n̄ najə̄ alé, m-ā m-ɔ̄r̄ ngé rāā yá̰a̰ gōtə́ aĺ gə̄ kɔ̄ɔ́ kem ɓē yā Kɔ́ɔ̄ɓē tə́.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

JEREMI 21:5

I mə̄kɔ́ n m-ā m̄-rɔ̄ɔ̄sí ní, kə tɔ́gə jīḿ kə́ ra dɔsí tə́ dɔɔ́. M-ā m̄-rɔ̄ɔ̄sí kə wōngōó, i wōn̄g kə́ to ɓōĺ ngá̰ý ō.

Makətūbə̄ yā Job 29:17

Banī de kə́ nge rāā yá̰a̰ gōtə́ aĺ ní, m̄-tétə̄ səlēn kɔ̄ɔ́ ō, m̄-rāā adə̄ dā̰ kəhɔn teē ta ngāngən tə́ əsō ō.

2 SAMUEL 8:15

Dabid o̰o̰ ɓē dɔ ngán Israel gə̄ tə́ malang. Ni-gān̄g sarya yā de gə̄ malang i kə gōó.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

Teē Ngán Israel gə̄ 18:13

Teē kə ndɔ̄ kə́ noō anī Moijə aw̄ ndi loo sarya tə́ yā gān̄g sarya yā ngán Israel gə̄. Adə̄ ngán Israel gə̄ ran̄ no Moijə tə́ dəloí bátə́ loo sɔl̄ dɔdə́ tə́ gíŕ ngóō kum mbang yādə́ kə́ yā kaw̄ń rɔ̄ Moijə tə́ tə́.

JEREMI 7:5

Ba ī-tūrī háĺsí ō, yá̰a̰ rāāsí gə̄ ō, ādī de gə̄ yá̰á̰ kə́ sɔɔ̄ dɔdə́ kógə̄ḿ kógə̄ḿ ō,

JEREMI 23:2

I tām̄ ń toō tə́ n najə̄ ń Kɔ́ɔ̄ɓē Nə́ɓā yā Israel əda ngé kul̄ yá̰á̰ gə̄ ń i ngé ngɔ̄m̄ gír deē yāḿ gə̄ ní n toó ní: Sḭḭ̄ əya̰ī yá̰a̰ kul̄ yāḿ gə̄ kɔ̄ɔ́ adə̄ aw̄n̄ kə̄ loo gə̄ tə́. Ba mā m-ə̄ndā kumḿ gíŕsí tə́ yā kəndasí tām̄ yá̰a̰ rāāsí kə́ gōtə́ aĺ gə̄ tə́. Najə̄ ń Kɔ́ɔ̄ɓē əda ní n noó.

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.