JEREMI 21:1 - Bibəl ta Sar̄

¹ Mban̄g Sedekias əla Pasəhur kə́ ngōn̄ Malkiya ō, Sepania kə́ nge tun̄ yá̰á̰ ń i ngōn̄ Maseya ní ō rɔ̄ Jeremi tə́ yā kadə̄ ədanən̄ na:

Bible sar

¹ Mban̄g Sedekias əla Pasəhur kə́ ngōn̄ Malkiya ō, Sepania kə́ *nge tun̄ yá̰á̰ ń i ngōn̄ Maseya ní ō rɔ̄ Jeremi tə́ yā kadə̄ ədanən̄ na:

JEREMI 21:1 Referans Kwoze

JEREMI 37:3

Mban̄g Sedekias əla Yehukal, kə́ ngōn̄ Selemia ō, Sepania nge tun̄ yá̰á̰ kə́ ngōn̄ Maseya ō, rɔ̄ Jeremi nge koō ta tə́ kadə̄ ədanən̄ na: m̄-rāāī ɓɔ́ ba ɔ̄r̄ najə̄ kə Kɔ́ɔ̄ɓē Nə́ɓā yājí tām̄ yājí tə́!

JEREMI 52:24

Ngol ngé ngɔ̄m̄ dɔ mban̄g ní, əhɔ Seraya kə́ ngol ngé tun̄ yá̰a̰ gə̄ ō, Sepania ń ni i nge tun̄ yá̰á̰ kə́ nge ko̰ jōó ní ō, ngé ngɔ̄m̄ ta róbə gə̄ mətá ō.

JEREMI 38:1

Sepatia kə́ ngōn̄ Matan ō, Gedalia kə́ ngōn̄ Pasəhur ō, Yukal kə́ ngōn̄ Selemia ō, Pasəhur kə́ ngōn̄ Malkiya ō, oōn̄ najə̄ gə̄ ń Jeremi tél a əda de gə̄ malang kə̄ nja naā tə́ ni. Ni-əda na:

JEREMI 37:1

Mban̄g Sedekias, ngōn̄ Josias ndi dɔ kōr̄ kāgə̄ mbang tə́ gotə Konia, ngōn̄ Joakim tə́. Nabukodonosor mban̄g kə́ Babilon tə́ əndān adə̄ o̰o̰ ɓē kə́ Juda

1 YÁ̰A̰ GƏ̄ 9:12

Adaya kə́ ngōn̄ Yeroam kə́ ngōn̄ Pasəhur kə́ ngōn̄ Malkia i sedə́ ō. Masai kə́ ngōn̄ Adiel kə́ ngōn̄ Yajera kə́ ngōn̄ Mesulam kə́ ngōn̄ Mesilemit kə́ ngōn̄ Imer i sedə́ ō.

NEHEMI 11:12

ngákó̰ó̰də́ kə́ 822 gə̄ ń a rāān̄ kəla kem kújə yā Nə́ɓā tə́ ní ō. Adaya kə́ ngōn̄ Yeroam kə́ ngōn̄ Pelalya kə́ ngōn̄ Amsi kə́ ngōn̄ Jakari kə́ ngōn̄ Pasəhur kə́ ngōn̄ Malkia ō,

1 YÁ̰A̰ GƏ̄ 3:15

Rī ngán Josias gə̄ n toó: Nge kə́ nga tɔ́gə i Yohanan, gidən i Joakim, kə́ nge ko̰ mətá i Sedekias, kə́ nge ko̰ sɔ́ i Salum.

2 YÁ̰A̰ GƏ̄ 36:17

Ta anī Kɔ́ɔ̄ɓē rāā adə̄ mban̄g kə́ Babilon reē ənīdə́ rɔ̄ɔ̄, tɔ̄l̄ ngé rɔ̄ɔ̄ yādə́ gə̄ bátə́ ugə̄ń kem loo kə́ táĺ yādə́ tə́ gə̄gē kə kaskaraá. Kumən o̰o̰n tām̄ yā balsáá tə́ aĺ ō, mandə tə́ aĺ ō, de kə́ tɔgə nājə̄ tə́ aĺ ō, de kə́ tɔgə ɓə́gá tə́ aĺ ō. Kɔ́ɔ̄ɓē əla yá̰a̰ malang kem jī mban̄g kə́ Babilon tə́.

JEREMI 29:29

Nge tun̄ yá̰a̰ Sepania tə́da makətūbə̄ ní adə̄ nge koō ta Jeremi oō.

JEREMI 37:7

Najə̄ ń mā Kɔ́ɔ̄ɓē, Nə́ɓā yā Israel m-ə́dá ní n toó: Najə̄ ń ā ə́daī mban̄g kə́ Juda tə́ ń əlasí rɔ̄ḿ tə́ ní n toó: Ɓūtə̄ ngé rɔ̄ɔ̄ gə̄ yā Parao̰ ń ḭḭn̄ Ejiptə tə́ ba reēn̄ yā dḭḭ̄sí ní tél aw̄n̄ gogə́ ɓē yādə́ tə́ kɔ̄ɔ́.

JEREMI 37:17

Mban̄g Sedekias əla gōn tə́ adə̄ reē ba dəjen loo mundə̄ tə́ jəke kem kújə yān tə́ ədan na: Kɔ́ɔ̄ɓē əndā kəla taí tə́ aĺ a? Jeremi ədan na: Ni-əndā kəla taḿ tə́! Ni-əda ɓáý to̰ na: A əlanī jī mban̄g kə́ Babilon tə́.

JEREMI 38:14

Mban̄g Sedekias əla gō Jeremi nge koō ta tə́ kadə̄ aw̄n̄ seneé rɔ̄n tə́ ta róbə́ kújə́ kə́ nge ko̰ mətá yā Kɔ́ɔ̄ɓē tə́. Mban̄g əda Jeremi na: M-ā m̄-dəjeī najə̄ kógə̄ḿ, ba ī-mundə̄m̄ yá̰a̰ alé.

2 MBAN̄G 22:13

kə aw̄ kə sāān̄ dɔn tə́ ō, dɔ de kə́ Juda tə́ gə̄ ō, rɔ̄ nge koō ta yā Kɔ́ɔ̄ɓē tə́, tām̄ yā najə̄ kə́ kem makətūbə̄ ń əngen̄ ní tə́. Wōn̄g ń rāā Kɔ́ɔ̄ɓē sedə́ ní na i wōn̄g kə́ ngá̰ý, tɔdɔ̄ yá̰a̰ gə̄ ń i kə́ ndang kem makətūbūú kadə̄ yā rāā ní kaadə́ gə̄ na nēlən̄ mbīdə́ oōnneé aĺ ō, rāān̄ aĺ ō.

JEREMI 35:4

M-āw̄ sedə́ kújə yā Kɔ́ɔ̄ɓē tə́, kem kújə yā ngán Hanan kə́ ngōn̄ Yigədalyahu tə́. Adə̄ i kem kújə́ ń i kadə yā de kə́ bo gə̄ tə́ ō, i dɔɔ́ dɔ kem kújə yā Maseya ngōn̄ Salum kə́ nge ngɔ̄m̄ ta róbə́ kújə yā Kɔ́ɔ̄ɓē tə́ ō ní.