JEREMI 20:9 - Bibəl ta Sar̄

⁹ Ba ré m-ə́da na m-ā m̄-gír̄ dɔ tə́ to̰ aĺ ō, m̄-rāā rɔ̄ḿ i kújə dəngáý tə́ tām̄ yā najə̄ ní tə́. M-ə́hɔ rɔ̄ḿ tɔgə yā kɔgə̄n teē ndágá tā ba tɔ́gə́ḿ asə alé.

Bible sar

⁹ Ba ré m-ə́da na m-ā m̄-gír̄ dɔ tə́ to̰ aĺ ō, m̄-rāā rɔ̄ḿ i kújə dəngáý tə́ tām̄ yā najə̄ ní tə́. M-ə́hɔ rɔ̄ḿ tɔgə yā kɔgə̄n teē ndágá tā ba tɔ́gə́ḿ asə alé.

JEREMI 20:9 Referans Kwoze

PĀ GƏ̄ 39:3

Adə̄ m̄-ndi sélélé, m̄-ndi taḿ mbóo. Banī rɔ̄ḿ tɔ̄rə̄m̄ kə́ al̄ naā.

KƏLA RĀĀ 4:20

Jḭḭ tā anī yá̰á̰ ń j-a̰ā̰ ō, j-oō ō ní, j-asə kɔgə̄ rɔ̄jí kəda alé.

EJEKIEL 3:14

Ndíĺ unəm̄ nang tə́ kum kə̄ dɔɔ́ ní, aw̄ seḿ. Kɔ́ɔ̄ɓē əhɔm̄ kə tɔ́gəneé i kəhɔ kə́ m-ásə dum̄ tan aĺ ō, m-āw̄ i kə kemḿ kə́ nelə̄m̄ aĺ ō, wōn̄g rāām̄ ō.

KƏLA RĀĀ 17:16

Dan ń ndi a ngóōdə́ kem ɓē kə́ Aten tə́ ní, wōn̄g asən nák, tɔdɔ̄ ni-a̰a̰ kadə̄ ɓesə̄ gə̄ taān̄ loo kem ɓēé.

JEREMI 6:11

Wōn̄g kə́ ngá̰ý yā Kɔ́ɔ̄ɓē rosə kemḿ. M-ə́hɔ rɔ̄ḿ dɔ tə́ sétə́. I bə̄gā wōn̄g ní dɔ ngáń kə́ kum róbó gə̄ tə́ ō, balsáa gə̄ ń ɔsən̄ dɔdə́ naā tə́ malang ní ō. Əhɔn̄ de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga ō, de kə́ ɓālə̄n i ngá̰ý ō.

Najə̄ kə́ Majə yā Jeju ń Luk ndang ní 9:62

Anī Jeju ədan na: Deē ń əga jīn dɔ kɔsə ndɔr̄ man̄g tə́, ba tél a mbel kə̄ gogə́ ɓáý to̰ ní, i de kə́ rāānən̄ tām̄ yā Ɓē ko̰o̰ yā Nə́ɓā tə́ alé.

KƏLA RĀĀ 18:5

Banī loo ń Silas nin̄ kə Timote ḭḭn̄ Masedəwan reē ugə̄n̄ anī, Pol rāā yá̰á̰ kə́ rang to̰ alé, ba əndā rɔ̄n i ta kəla kɔjə najə̄ tə́ ngóy. Ni ɔjə Jipə gə̄ kadə̄ Jeju i Kərist rɔ̄kum.

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

JEREMI 23:9

Jeremi ɔr̄ najə̄ dɔ ngé koō ta gə̄ tə́ əda na: Ngarā̰ kemḿ nujə ō, m̄-ndew yakə yakə ō. m̄-to tītə̄ nge kasə rāā ń kasə nduú rāān ngá̰ý noō beé, najə̄ yā Kɔ́ɔ̄ɓē tə́ ō, tām̄ najə̄ kə́ táĺ gə̄ tə́ ō.

JEREMI 23:29

Najə̄ yāḿ to i tītə̄ hor kə́ o̰o̰ loo ō, i tītə̄ mūú kə́ tɔ̄ɔ̄ mbal̄ adə̄ tetə ndujə̄ ō aĺ a? Najə̄ ń Kɔ́ɔ̄ɓē əda ní n noó.

EJEKIEL 3:3

Gō tə́ anī ni ədam̄ na: Ḭ̄ ngōn̄ deē, ə́sa ndāŕ ndang najə̄ kə́ ɓír̄ gidə naā tə́ ń m-ādī ní ādə̄ ndān̄ kemií ō, ūləń rɔ̄í ō. Adə̄ m-ə́sa ndāŕ ndang najə̄ ní. Anī ndāŕ ní nel̄ kem taḿ tə́ tītə̄ yibə̄ tejə beé.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?

JONAS 1:2

Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.

JONAS 1:3

Jonas ḭḭ dɔɔ́ əsō róbó, banī i yā ka̰ȳ kaw̄ Tarsis sa̰y kɔ̄ɔ́ rɔ̄ Kɔ́ɔ̄ɓē tə́. Ni ugə̄ Japa. Anī ənge to bo kógə̄ḿ kə́ a aw̄ kə̄ Tarsis. Ni əgā too ní ba al̄ kemeé, yā kaw̄ Tarsis naā tə́ kə ngé rāā kəla kem too bo ní tə́ gə̄, sa̰y kɔ̄ɔ́ ta kum Kɔ́ɔ̄ɓē tə́.