JEREMI 20:8 - Bibəl ta Sar̄

⁸ Ré najə̄ to kadə̄ m-ə́da ɓá anī i gáŕ kadə̄ m̄-ɓāríī kadə̄ ī-diīm̄ ō, kadə̄ m-ə́ga kɔŕ ō, na dɔ́nɔ ō, dəngáy ō rāām̄ ngá̰ý. Tɔdɔ̄ tájə̄ ndū ō, lur loo ō, asəm̄ nák gír najə̄ yā Kɔ́ɔ̄ɓē tə́ kə kum mbang gə̄ malang.

Bible sar

⁸ Ré najə̄ to kadə̄ m-ə́da ɓá anī i gáŕ kadə̄ m̄-ɓāríī kadə̄ ī-diīm̄ ō, kadə̄ m-ə́ga kɔŕ ō, na dɔ́nɔ ō, dəngáy ō rāām̄ ngá̰ý. Tɔdɔ̄ tájə̄ ndū ō, lur loo ō, asəm̄ nák gír najə̄ yā Kɔ́ɔ̄ɓē tə́ kə kum mbang gə̄ malang.

JEREMI 20:8 Referans Kwoze

JEREMI 6:10

M-ā m-ɔ̄r̄ najə̄ i kə náā? I náā n i kə́ kum tə́ yāḿ kadə̄ de gə̄ oōneé najə̄ kɔrə̄ḿ ní? Á̰a̰ī, nin̄ mbīdə́ i kə́ kutə̄ kɔ̄ɔ́. Asən̄ nēl̄ mbīdə́ koōń najə̄ alé. Rāān̄ najə̄ yā Kɔ́ɔ̄ɓē i ndū kə́ deē tájə̄ tə́, adə̄ ndigən̄ koō alé.

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

1 PIYER 4:14

Ré tájə̄n̄sí tām̄ yā rī Kərist tə́ anī, ādī rɔ̄sí nel̄sí. Tɔdɔ̄ Ndíĺ kə́ to kɔsə gɔn ń i Ndíĺ Nə́ɓā ní, i dɔsí tə́.

HEBƏRO 13:13

I beé ní, ādə̄ jə-tə́gāī tají gíŕ yá̰á̰ kə́ to rɔ̄sɔl̄ gə̄ tə́ tītə̄ yān, ba jə-teē j-awī gōn tə́ gidə ɓē tə́ ndágá.

HEBƏRO 11:26

Ni gír̄ kadə̄ yá̰á̰ kə́ to rɔ̄sɔl̄ gə̄ ń Kərist ənge ní, i yá̰a̰ kal̄ loo kə́ ngá̰ý tɔȳ dūbə̄ yá̰a̰ kənge gə̄ kə́ Ejiptə tə́. Tɔdɔ̄ kumən i dɔ yá̰a̰ kəndā nja kə́ ndɔ̄ń tə́.

Najə̄ kə́ Majə yā Jeju ń Luk ndang ní 11:45

Anī nge ndóō de gə̄ ndū najə̄ gə̄ kógə̄ḿ əda Jeju na: Ngoljí, ɔ̄r̄ najə̄ tītə̄ ń noō anī ī-tájə̄jí i jḭḭ ō.

JEREMI 28:8

Jóo nəkɔ́ ń toō ní, ngé koō ta gə̄ ń ɔrə̄n̄ najə̄ noḿ mā tə́ ō, noí ḭ̄ tə́ ō ní, ədan̄ i najə̄ kə́ sɔɔ̄ dɔ ɓē kə́ ngá̰ý gə̄ ō, ɓē ko̰o̰ kə́ bo gə̄ ō, adə̄ tāān̄ de gə̄ i najə̄ rɔ̄ɔ̄ ō, yá̰á̰ kə́ to kum kaȳ aĺ ō, mo̰y ngāl̄bɔ̄gīí ō.

JEREMI 20:7

Kɔ́ɔ̄ɓē ḭ̄ ī-kɔ́ləm̄ ō, m-ə́ya̰ rɔ̄ḿ adə̄ ī-kɔ́l ō, ḭ̄ ī-ngan̄g ī-tɔȳm̄, adə̄ ī-tetəm̄ rɔ̄ɔ̄. De gə̄ lurmə̄n̄ kə kum mbang gə̄ malang, nin̄ malang əgōmə̄n̄ ō.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

JEREMI 5:6

I tām̄ ń toō tə́ n ɓɔl kə́ kem ku kāgə̄ gə̄ tə́ a əhɔdə́ ō, soó kə́ kem kə̄sā gə̄ tə́ a rə́yā̰də́ naā tə́ ō ní. Kagə gə̄ a tə́nīn̄ rɔ̄də́ yā gīr̄ gidə ɓē gə̄ ō, a rə́yā̰n̄ de gə̄ ń a teēn̄ kemeé ní naā tə́ kɔ̄ɔ́ ō. tɔdɔ̄ mbātə́ najə̄ yādə́ al̄ naā ngá̰ý ō, túy taā kem yādə́ to kə̄ ndágá ngá̰ý ō.

JEREMI 5:1

Ī-njə̄rāī kum róbə kɔsə kə́ Jerusalem tə́ gə̄, ə̄ndāī ma̰ȳ loo ō, ī-dəjeī gír najə̄ ō. Āw̄ ī-sāāī loo ndágə loo gə̄ tə́ ké ə́ngeī deē kógə̄ḿ tū tə́ wa. Ké deē kógə̄ḿ kə́ a rɔ̄ɔ̄ tām̄ kadə̄ náā nəkɔ́ ənge yá̰á̰ kə́ sɔɔ̄ dɔn, aláa kə́ nge ra dɔ ndūn tə́ i tū tə́ wa. Ré ə́ngeī anī m-ā m̄-mā̰ȳ rɔ̄ḿ dɔ Jerusalem tə́.

JEREMI 15:10

Kum kaȳ aĺ kə́ ba̰ý beē, kó̰ó̰ḿ! Ḭ̄ ójəm̄ mā ń de kə́ kem ɓēé gə̄ malang mbātə́n̄ najə̄ taḿ tə́ ō, nel̄də́ seḿ aĺ ō ní? M-ādə̄ yá̰a̰ loo ndə̄mā tə́ aĺ ō, m̄-taā yá̰a̰ loo ndə̄mā tə́ aĺ ō, banī de gə̄ malang ndɔ̄ĺmə̄n̄.

JEREMI 15:15

Ḭ̄ Kɔ́ɔ̄ɓē ī-ger̄ yá̰a̰ gə̄ malang, ādə̄ əga kemií dɔḿ tə́, á̰a̰ gōḿ. Ī-dal ba̰ā̰ḿ dɔ ngé rāā kumḿ ndoō tə́ gə̄ tə́. Ī-lōō to gír kəndā ɓam tə́ kadə̄ m̄-nujə. Ī-ger̄ majə kadə̄ m̄-tə́gā taḿ dɔ ndū gə̄ ń a tájə̄mə̄n̄ tə́ ní i najə̄ yāí tə́.

HABAKUK 1:3

Ḭ̄ ī-rāā ādə̄ m-á̰á̰ yá̰á̰ kə́ majaĺ i najə̄ rí tə́? Ḭ̄ á̰á̰ yá̰á̰ kə́ tōr̄ rɔ̄jí kanjə̄ rāā yá̰á̰ kógə̄ḿ i najə̄ rí tə́? Loo malang ń gīr̄ gidəḿ ní, de gə̄ a ɔyn̄ i yá̰a̰ yā de gə̄ dɔ gúú tə́ tū tə́ ō, a rāān̄ yá̰a̰ i kə dɔ́nɔ́ tū tə́ ō. De gə̄ a rāān̄ i sarya kə naá ō, a kɔ̄lə̄n̄ i naā ō ngóy.

2 MBAN̄G 2:23

Elije ḭḭ noó aw̄ Betel. Dan ń ni un róbə́ kə́ əta tan kə̄ dɔɔ́ ta kaw̄ kə̄ Betel anī, ngán kə́ dəngam gə̄ teēn̄ kem ɓēé mbóon̄ seneé ədan na: Nge bay ndə́lē, āw̄ kə̄ noí tə́! Nge bay ndə́lē āw̄ kə̄ noí tə́!

IJAI 57:4

Ā ī-mbóōī i kə náā? Ī-tə́laī ndo̰sí lim lim i gíŕ náā tə́? A̰á̰ā̰, sḭḭ̄ i ngáń kə́ dum̄ naā gə̄, sḭḭ̄ i ɓūtə̄ de kə́ ngé sor̄ gə̄.