JEREMI 20:4 - Bibəl ta Sar̄

⁴ Tɔdɔ̄ najə̄ ń Kɔ́ɔ̄ɓē əda ní n toó: Á̰a̰ā̰, m-ā m-ādə̄ yá̰á̰ kə́ to ɓōĺ ngá̰ý a əsō dɔí īkɔ́ tə́ ō, madí gə̄ tə́ ō. Madə̄ ba̰ā̰də́ gə̄ a tɔ̄lə̄n̄də́ kə kaskaraá kadə̄ ā á̰a̰ā̰ kə kumií. M-ā m-ə́la de kə́ Juda tə́ gə̄ jī mban̄g kə́ Babilon tə́. A əhɔdə́ dɔ gúú tə́ yā kaw̄ sedə́ Babilon ō, a tɔ̄l̄də́ kə kaskaraá ō.

Bible sar

⁴ Tɔdɔ̄ najə̄ ń Kɔ́ɔ̄ɓē əda ní n toó: Á̰a̰ā̰, m-ā m-ādə̄ yá̰á̰ kə́ to ɓōĺ ngá̰ý a əsō dɔí īkɔ́ tə́ ō, madí gə̄ tə́ ō. Madə̄ ba̰ā̰də́ gə̄ a tɔ̄lə̄n̄də́ kə kaskaraá kadə̄ ā á̰a̰ā̰ kə kumií. M-ā m-ə́la de kə́ *Juda tə́ gə̄ jī mban̄g kə́ *Babilon tə́. A əhɔdə́ dɔ gúú tə́ yā kaw̄ sedə́ Babilon ō, a tɔ̄l̄də́ kə kaskaraá ō.

JEREMI 20:4 Referans Kwoze

JEREMI 29:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda Akab kə́ ngōn̄ Kolaya ō, əda Sedekias, ngōn̄ Maseya ō ń ədan̄sí najə̄ kə́ rɔ̄kum alé kə rīḿ ní n toō: M-ā m-ə́ládə́ kem jī Nabukodonosor, mban̄g kə́ Babilon tə́ kadə̄ a tɔ̄l̄də́ ta kumsí tə́.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 52:27

Mban̄g kə́ Babilon tɔ̄l̄də́ Ribəla, dɔ nang kə́ Hamat tə́. I beé n ɔyn̄neé de kə́ Juda gə̄ dɔ nang yādə́ tə́ aw̄n̄ sedə́ sa̰y kɔ̄ɔ́ ní.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

JEREMI 6:25

Ī-lōō teē kaw̄ bembeé ō, ī-dáȳ kum róbó aĺ ō, tɔdɔ̄ kaskar yā madə̄ ba̰ā̰í əla ɓōĺ kem de gə̄ tə́ kə̄ loo gə̄ tə́ malang.

PĀ GƏ̄ 73:19

Nin̄ nujən̄ sák sák i láẃ ngá̰ý! I nin̄ n gír yādə́ gān̄g kɔ̄ɔ́ ɓá toō, ɓōĺ kə́ ngá̰ý tɔ̄l̄də́ malang kɔ̄ɔ́.

2 MBAN̄G 25:7

Tə́jān̄ míndə ngán Sedekias gə̄ ta kumən tə́. Gō tə́ anī Nabukodonosor tɔ́sə̄ kumən tɔ̄ɔ̄ ō, do̰ō̰n kə súĺ kə́ rāā kə nə̄ngá kasaá adə̄ ngan̄g ō, ba əla seneé Babilon.

1 SAMUEL 2:33

Ɓá tā ba m-ā m-ə́ya̰ deē kógə̄ḿ kə́ gír yāí tə́ kadə̄ a ra ngɔr kadə loo tun̄ yá̰a̰ yāḿ tə́, yā rāań kadə̄ ī-nōō, kadə̄ man̄ nōō ndum kumií dɔí tə́ ō, kadə̄ wōn̄g rāāī ō. Ba gotə de kə́ ngáā ngáā gə̄ malang kə́ gír kojə yāí tə́ a oyn̄ malang.

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

JEREMI 13:19

Ta ɓē gə̄ kə́ Negeb i kə́ kutə̄ kɔ̄ɔ́, deē kógə̄ḿ kə́ reē yā teē gətóo. Aw̄n̄ kə de kə́ Juda tə́ malang dɔ ɓē kə́ rang tə́. I kəhɔ de gə̄ kə taá malang kaw̄ sedə́ dɔ ɓē kə́ rang tə́ dɔ gúú tə́.

JEREMI 20:6

Banī ḭ̄ Pasəhur ō, de gə̄ malang ń ndin̄ kem kújə yāí tə́ ō ní, a əhɔn̄sí yā kaw̄ sesí dɔ ɓē kə́ rang tə́. Ā āw̄ yā kugə̄ Babilon ō, ā óy i noō ō. A dubə̄nī ḭ̄ ō, madí gə̄ malang ń ī-gól̄də́ kə najə̄ kɔrīí kə́ loo nge koō ta kə́ rɔ̄kum aĺ tə́ ní ō i loo ń noō tə́.

JEREMI 46:5

I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.

JEREMI 52:24

Ngol ngé ngɔ̄m̄ dɔ mban̄g ní, əhɔ Seraya kə́ ngol ngé tun̄ yá̰a̰ gə̄ ō, Sepania ń ni i nge tun̄ yá̰á̰ kə́ nge ko̰ jōó ní ō, ngé ngɔ̄m̄ ta róbə gə̄ mətá ō.