JEREMI 20:18 - Bibəl ta Sar̄

¹⁸ I tām̄ rí tə́ á m̄-teē kem kó̰ó̰ḿ tə́, yā kadə̄ m-á̰á̰ tápə̄ ō, kadə̄ wurəḿ ɔləm̄ ō, yā kadə̄ m̄-ndi i kə rɔ̄sɔlɔ̄ɔ́ kə dɔ ndɔ̄ gə̄ ń noō malang ō ní?

Bible sar

¹⁸ I tām̄ rí tə́ á m̄-teē kem kó̰ó̰ḿ tə́, yā kadə̄ m-á̰á̰ tápə̄ ō, kadə̄ wurəḿ ɔləm̄ ō, yā kadə̄ m̄-ndi i kə rɔ̄sɔlɔ̄ɔ́ kə dɔ ndɔ̄ gə̄ ń noō malang ō ní?

JEREMI 20:18 Referans Kwoze

Makətūbə̄ yā Job 3:20

Nə́ɓā rāā adə̄ ojən̄ nge rɔ̄ tō ndoō adə̄ a̰a̰ loo kə́ unjə̄ kow i tām̄ rí tə́? Ni-rāā adə̄ ngé gə̄ ń wurdə́ ɔldə́ ngá̰ý ní ndin̄ kə kumdə́ i tām̄ rí tə́?

NŌŌ RƆ̄ 3:1

Mā i de kə́ ndéy wōn̄g yā Kɔ́ɔ̄ɓē rāām̄ adə̄ kumḿ tō ndoō ngá̰ý.

Makətūbə̄ yā Job 14:1

Deē ndul ń dəyá̰ ojən ní, ndɔ̄n gə̄ i ngá̰ý aĺ ō, a̰a̰ tápə̄ ngá̰ý ō.

PĀ GƏ̄ 69:19

Ī-reē ngɔr rɔ̄ḿ tə́, ī-rɔ̄ɔ̄ dɔḿ tə́. Ī-taām̄ jī madə̄ ba̰ā̰ḿ gə̄ tə́.

HEBƏRO 13:13

I beé ní, ādə̄ jə-tə́gāī tají gíŕ yá̰á̰ kə́ to rɔ̄sɔl̄ gə̄ tə́ tītə̄ yān, ba jə-teē j-awī gōn tə́ gidə ɓē tə́ ndágá.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

HEBƏRO 11:36

Mbóon̄ kə ngé kə́rēý gə̄ ō, əndan̄də́ kə mərawaá ō, tṵ́ṵ̄n̄ ngé kə́rēý gə̄ kə súĺ ba ɓōkə́n̄də́ kújə dəngáyá ō.

HEBƏRO 10:36

Majə kadə̄ ī-tə́gāī tasí ī-rāāīneé yá̰á̰ ń Nə́ɓā ndigə ní, yā kəngeń yá̰á̰ ń ni-ənī míndə dɔ tə́ yā kadə̄sí ní ō.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

KƏLA RĀĀ 5:41

Ngámbang kəla gə̄ teēn̄ loo sarya kə́ bo tə́, anī rɔ̄də́ nel̄də́ tām̄ kəndā kə́ Nə́ɓā əndā ma̰ȳdə́ a̰ā̰ kadə̄ asən̄ kadə̄ kídə̄n̄də́ ba rāān̄də́ yá̰á̰ kə́ tōr̄ tām̄ yā rī Jeju tə́.

JA̰A̰ 16:20

Ādə̄ m-ə́dásí najə̄ kə́ bo ngá̰ý, ā ī-nōōī ō, ā ī-sō̰míī ō, ba de kə́ dɔ nang tə́ gə̄ a rāān̄ rɔ̄nel̄. Rɔ̄sí a nel̄sí alé, banī rɔ̄nelāĺ yāsí ní a tél rɔ̄nel̄.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

JEREMI 8:18

Yá̰á̰ kə́ asə kɔr̄ wur kɔl yāḿ gətóo. Rɔ̄ḿ kə taá malang oy yélélé.

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.

IJAI 1:6

Ḭḭ njasí tə́ bátə́ dɔsí tə́ ní, loosí kógə̄ḿ kə́ yá̰a̰ rāā aĺ gətóo. Rɔ̄sí malang i do ō, gotə ndéy ō, do kə́ ta ra kə wōyōó ō. Deē tə́go ta aĺ ō, deē ndem̄ ta aĺ ō, deē rāā yibə̄ ta tə́ aĺ ō.

Makətūbə̄ yā Job 14:13

Nə́ngētə́ ī-ɓɔ̄ɔ̄m̄ i ɓádá anī, loo ń de kə́ koy gə̄ ton̄ tū tə́ ní anī, nə́ngētə́ ī-ngɔ̄mə̄n̄ i bátə́ kadə̄ wōn̄g yāí mānəń kɔ̄ɔ́ anī, nə́ngētə́ ɔ́jə i ndɔ̄ gə̄ kə́ kadə̄ gíŕdə́ gān̄g a, a əga kemií dɔḿ tə́ anī,

Makətūbə̄ yā Job 5:7

A̰á̰ā̰, ojən̄ deē i yā kadə̄ ndi dan ndoō kə́ al̄ naā tə́, tītə̄ ń hor ndɔ̄bə̄ anī a kə̄rā i kum kə̄ dɔɔ́ ní.

PĀ GƏ̄ 102:3

Ī-lōō tūr̄ gidií kɔ̄ɔ́ taḿ tə́, ndɔ̄ ń wur kɔl əsōń dɔḿ tə́ ní. Ī-nēl̄ mbīí kə̄ rɔ̄ḿ tə́. Ī-ndigəm̄ láẃ ndɔ̄ ń m-ā m-ɓārīneé kadə̄ ī-rāā seḿ tə́ ní.

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

JEREMI 15:10

Kum kaȳ aĺ kə́ ba̰ý beē, kó̰ó̰ḿ! Ḭ̄ ójəm̄ mā ń de kə́ kem ɓēé gə̄ malang mbātə́n̄ najə̄ taḿ tə́ ō, nel̄də́ seḿ aĺ ō ní? M-ādə̄ yá̰a̰ loo ndə̄mā tə́ aĺ ō, m̄-taā yá̰a̰ loo ndə̄mā tə́ aĺ ō, banī de gə̄ malang ndɔ̄ĺmə̄n̄.

HABAKUK 1:3

Ḭ̄ ī-rāā ādə̄ m-á̰á̰ yá̰á̰ kə́ majaĺ i najə̄ rí tə́? Ḭ̄ á̰á̰ yá̰á̰ kə́ tōr̄ rɔ̄jí kanjə̄ rāā yá̰á̰ kógə̄ḿ i najə̄ rí tə́? Loo malang ń gīr̄ gidəḿ ní, de gə̄ a ɔyn̄ i yá̰a̰ yā de gə̄ dɔ gúú tə́ tū tə́ ō, a rāān̄ yá̰a̰ i kə dɔ́nɔ́ tū tə́ ō. De gə̄ a rāān̄ i sarya kə naá ō, a kɔ̄lə̄n̄ i naā ō ngóy.

1 MBAN̄G GƏ̄ 19:4

Nəkɔ́ njə̄rā ndɔ̄ kógə̄ḿ aw̄ń kem dəla loo tə́. Dan ń ugə̄ kem dəla loo tə́ anī, aw̄ ndi gír kāgə̄ jene kógə̄ḿ kə́ ra kə kérneé tə́. Ni ndə̄ngā yo əda na: Ngɔlaā m-ásə to̰ alé. Kɔ́ɔ̄ɓē, ī-taām̄ kə̄ rɔ̄í tə́, tɔdɔ̄ m̄-majə m̄-tɔȳ kaaḿ gə̄ alé.

JEREMI 15:18

I tām̄ rí tə́ á tápə̄ yāḿ i kə́ dum̄ təgā ō, do yāḿ i kə́ dum̄ kedə̄ ō, dum̄ ta kəga gə̄ malang ō ní. Kə́ rɔ̄kum tə́ ní ḭ̄ ī-tél ī-to i tītə̄ kəɓa man̄ kə́ a gól̄ loo beé ō, kə́ deē asə kəndā kemən dɔ tə́ aĺ beé ō tām̄ yāḿ tə́.