JEREMI 20:16 - Bibəl ta Sar̄

¹⁶ Ādə̄ yá̰á̰ ń rāā ɓē gə̄ ń Kɔ́ɔ̄ɓē ɓéngə̄lēdə́ nang tə́ kɔ̄ɔ́ kanjə̄ ndə̄ngā rɔ̄n ní rāā deē ń noō. Ādə̄ əgan̄ kɔŕ dḭḭ̄ naā ta mbīn tə́ kə ndɔ̄ý ō, ādə̄ əgan̄ kɔŕ rɔ̄ɔ̄ ta mbīn tə́ dan kadə ndaá ō.

Bible sar

¹⁶ Ādə̄ yá̰á̰ ń rāā ɓē gə̄ ń Kɔ́ɔ̄ɓē ɓéngə̄lēdə́ nang tə́ kɔ̄ɔ́ kanjə̄ ndə̄ngā rɔ̄n ní rāā deē ń noō. Ādə̄ əgan̄ kɔŕ dḭḭ̄ naā ta mbīn tə́ kə ndɔ̄ý ō, ādə̄ əgan̄ kɔŕ rɔ̄ɔ̄ ta mbīn tə́ dan kadə ndaá ō.

JEREMI 20:16 Referans Kwoze

JEREMI 18:22

Ādə̄ de gə̄ oōn̄ kōō kɔŕ wur kɔl kə́ ɓār̄ ɓēé loodə́, dan ń ā ə́la kə de gēé kadə̄ teēn̄ rétə́ gēé kə̄ rɔ̄də́ tə́ ənīn̄də́ rɔ̄ɔ̄ ɔyn̄neé yā kɔýń yá̰a̰ yādə́ gə̄ ní. Tɔdɔ̄ nin̄ ndērə̄n̄ bəlo gīrə̄n̄neé gidəḿ yā kəhɔm̄ń ō, ənīn̄ réng gír njaḿ tə́. kanjə̄ kadə̄ m̄-ger̄ gō ō.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

2 PIYER 2:6

Nə́ɓā gān̄g sarya dɔ ɓē gə̄ kə́ Sodom tə́ ō, Gomor tə́ ō, ba nujə ɓē gə̄ ní kɔ̄ɔ́ kə horoó. I yá̰á̰ ń kadə̄ a rāā ngé kem ndul gə̄ ní n ni-rāā yá̰á̰ ń noō ɔjəńdə́ kadə̄ gerə̄n̄ ní.

Najə̄ kə́ Majə yā Jeju ń Luk ndang ní 17:29

Ba ndɔ̄ ń Lot teēń kem ɓē kə́ Sodom tə́ ní, Nə́ɓā rāā adə̄ hor ō, hor bursu ō ḭḭn̄ dɔ rā̰ tə́ edən̄ man̄ tə́ kə̄ dɔdə́ tə́, adə̄ nin̄ malang oyn̄ kɔ̄ɔ́.

SOPONI 2:9

I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

SOPONI 1:16

Ndɔ̄ ngeé ń noō tə́ ní, deē a oō kōō áskar gə̄ loo kɔ̄ŕ bərúnjə́ tə́ ō, loo túr̄ kɔĺ rɔ̄ɔ̄ tə́ ō, dɔ ɓē gə̄ kə́ ndogə̄ mbal̄ gə̄ gīrə̄n̄ gidədə́ gə̄ tə́ ō, dɔ kújə́ ngɔ̄m̄ ɓē yādə́ gə̄ kə́ ngāl̄ ɓururu kum kə̄ dɔɔ́ gə̄ tə́ ō.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

JONAS 3:4

Jonas udə kem ɓēé. Ni-njə̄rā ndɔ̄ kógə̄ḿ kə taá. Ni-əda de gə̄ na: Na̰y i ndɔ̄ kutə sɔ́ yā kadə̄ a nujən̄ ɓē kə́ Ninibə kɔ̄ɔ́!

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 2:2

M-ā m-ə́la hor dɔ ɓē kə́ Moab tə́, adə̄ a o̰o̰ kújə́ kə́ majə gə̄ kə́ kem ɓē kə́ Keriyot tə́ kɔ̄ɔ́. Moab a oy i dan kōō yá̰á̰ kə́ ɓār̄ ngá̰ý tə́ ō, kɔĺ rɔ̄ɔ̄ tə́ ō, kōō tōw̄ gajə batə̄ kə́ kɔ̄ĺ tə́ ō.

AMOS 1:14

M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

OJEE 10:14

I tām̄ najə̄ ń noō tə́ n rɔ̄ɔ̄ a təngā dan gír deē yāí gə̄ tə́ ō, a nujən̄ ɓē yāí kə́ ngan̄g gə̄ malang kɔ̄ɔ́ ō ní. Nin̄ a ton̄ tītə̄ Bet Arbel. Dan ń mban̄g Salman ənī ɓē ń toō rɔ̄ɔ̄ ní, ni rējə̄ kó̰ó̰ ngán gə̄ ō, ngáńdə́ gə̄ ō.

EJEKIEL 21:22

Ta i dɔḿ tə́ kadə̄ m̄-ɓir̄ jīḿ m-ə́ndań yá̰a̰ ō, m-ā m-ə́ya̰ kadə̄ wōn̄g yāḿ kə́ ngá̰ý rāā kəla bátə́ ta tɔ̄l̄ ta tə́ ō. I mā Kɔ́ɔ̄ɓē n m-ə́da najə̄ ń noō ní.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

JEREMI 18:8

Ba ré nápar de gə̄ ń m-ɔ̄r̄ najə̄ sɔɔ̄ dɔdə́ ní lōōn̄ gír rāā yá̰á̰ kə́ majaĺ tə́ anī, m-ā m̄-lōō gíŕ yá̰á̰ ń m̄-gír̄ ra sedə́ tə́ ní.

JEREMI 4:19

Kemḿ wa kemḿ wa. Rɔ̄ḿ tōrə̄m̄ mgá̰ý. Kemḿ əgam̄ biting biting. Ángaləḿ ndi sew alé. M-ásə ndi taḿ mbóo aĺ bátə́,

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

NŌŌ RƆ̄ 4:6

Ngōmandə ń toō ń rāā rɔ̄n i gír deē yāḿ gə̄ tə́ ní, rāā yá̰á̰ kə́ majaĺ ngá̰ý tɔȳ yā Sodom ń rāā yá̰á̰ kə́ gōtə́ aĺ á nujən̄ seneé gidə kógə̄ḿ kanjə̄ kadə̄ jī deē ɔdən ní.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

NDŪ NAJƏ̄ 29:22

Dɔ nang yādə́ i bursu ō, katə̄ ō, hor ō malang. Deē dubə̄ yá̰a̰ tū tə́ aĺ ō, yá̰a̰ əɓa tū tə́ aĺ ō, mu əɓa tū tə́ aĺ ō, tītə̄ kə́ Sodom ō, Gomor ō, Adəma ō, Seboim ō, ń wōn̄g rāā Kɔ́ɔ̄ɓē á nujəń kɔ̄ɔ́ malang ní.