Biblia Todo Logo
Bib sou entènèt

- Piblisite -




JEREMI 20:12 - Bibəl ta Sar̄

12 Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ā ə̄ndā ma̰ȳ de kə́ súmūú ō, ā á̰á̰ gír̄ yā de gə̄ ō, ngarā̰ kemdə́ ō ní, ādə̄ m-á̰a̰ ba̰ā̰ ń ā ī-rāā sedə́ ní, tɔdɔ̄ m-ə́ya̰ najə̄ yāḿ i kem jīí ḭ̄ tə́.

Gade chapit la Kopi

Bible sar

12 Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ā ə̄ndā ma̰ȳ de kə́ súmūú ō, ā á̰á̰ gír̄ yā de gə̄ ō, ngarā̰ kemdə́ ō ní, ādə̄ m-á̰a̰ ba̰ā̰ ń ā ī-rāā sedə́ ní, tɔdɔ̄ m-ə́ya̰ najə̄ yāḿ i kem jīí ḭ̄ tə́.

Gade chapit la Kopi




JEREMI 20:12
26 Referans Kwoze  

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ó̰o̰ ɓē kə háĺ kə́ gōtə́ ō, ḭ̄ ń i nge kəndā ma̰ȳ gír̄ yā deē ō, ngaran̄g kem deē ō ní, ī-dal ba̰ā̰ dɔdə́ tə́ ādə̄ m-á̰a̰ā̰, tɔdɔ̄ m-ə́ya̰ rɔ̄ḿ i kem jīí ḭ̄ tə́.


Kajə yāḿ ō, kɔsə gɔn yāḿ ō, i rɔ̄ Nə́ɓā tə́. Mbal̄ kə́ ngan̄g yāḿ ō, loo ɓɔ̄ɔ̄ rɔ̄ yāḿ ō, i Nə́ɓā.


Ādə̄ ni-rāā adə̄ yá̰á̰ kə́ majaĺ tél əsō dɔ ngé rɔ̄ɔ̄ḿ gə̄ tə́! Ī-rāā ādə̄ nin̄ gətóon̄ kɔ̄ɔ́ malang, sɔɔ̄ń yá̰a̰ rāāí kə́ gōtə́.


I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.


M-ā m-á̰a̰ loo i kə̄ rɔ̄í tə́, ḭ̄ ń i tɔ́gə́ḿ ní. Loo yāḿ kə́ ngan̄g kə́ kem ɓēé i Nə́ɓā.


Nə́ɓā, ə̄ndā ma̰ȳḿ ō, á̰a̰ ngarā̰ kemḿ ō, ī-ger̄ najə̄ kə́ dɔḿ tə́ malang ō. Ī-nāām̄ ba ī-ger̄ gír̄ kə́ kemḿ tə́ gə̄.


Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!


Ādə̄ rɔ̄sɔl̄ rāā ngé rāām̄ yá̰á̰ kə́ tōr̄ gə̄, ba ādə̄ rāām̄ mā alé. Ādə̄ i nin̄ n ndewn̄, ba i mā alé. Ī-rāā ādə̄ ndɔ̄ yá̰á̰ kə́ to kum kaȳ aĺ əsō dɔdə́ tə́. Ī-nujə sedə́ ba ī-tél ī-nujə sedə́ ɓáý to̰.


Ngámbang kəla gə̄ ń nin̄ i de gə̄ kə́ Asiri ní, makətūbə̄ ń nin̄ reēn̄neé ní, Ejekias taā tə́da. Gō tə́ anī ni-aw̄ kem kújə yā Kɔ́ɔ̄ɓē tə́, ba teē kem makətūbə̄ ní ta kum Kɔ́ɔ̄ɓē tə́.


Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.


Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.


Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.


Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?


Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.


I beé ní, ngé gə̄ ń a̰a̰n̄ tápə̄ tām̄ rāā kə́ nin̄-rāān̄ gō kem ndigə yā Nə́ɓā tə́ ní, majə kadə̄ na̰yn̄ kə̄ loo rāā yá̰á̰ kə́ majə tə́ kə̄ nodə́ tə́ ō, ənīn̄ kemdə́ mámák adə̄n̄ Nə́ɓā nge rāā yá̰a̰ malang ō, nge ra dɔ ndūn kə́ ənī tə́ ō.


Dan ń tájə̄nən̄ ní, ni-tél kə ndūú tájə̄də́ kum gotə aĺ ō. Dan ń rāānən̄ yá̰á̰ kə́ tōr̄ ní, ni-rāā yá̰á̰ kógə̄ḿ alé, ba əya̰ rɔ̄n i kem jī Nə́ɓā nge gān̄g sarya kə́ gō tə́ tə́.


Yá̰a̰ kənge yāḿ tél to tītə̄ ɓɔl kə́ ku kāgə̄ tə́ kə̄ dɔḿ tə́. Ni tṵ́ṵ̄m̄ rɔ̄ɔ̄, adə̄ mā gə̄gē a m̄-gḛyn to̰ alé.


m̄-nōō tītə̄ yel̄ gabə kɔsə beé, nōō yāḿ to tītə̄ nōō dér gutə beé. Kɔr asə kumḿ nák loo ka̰a̰ loo tə́ kum kə̄ dɔ rā̰ tə́. Kɔ́ɔ̄ɓē, tɔ́gə́ḿ ur̄ wak kɔ̄ɔ́, ī-rāā yá̰á̰ kógə̄ḿ tām̄ yāḿ tə́!


Ī-rāā kə nge kəla yāí ādə̄ kemən nelə̄n, tɔdɔ̄ Kɔ́ɔ̄ɓē, m̄-tūr̄ rɔ̄ḿ i kə̄ rɔ̄í tə́.


Kem majə ń Yoyada bɔbə̄ Jakari rāā kə mban̄g Joas ní, dɔ mban̄g Joas ndígə̄nal kɔ̄ɔ́, adə̄ tɔ̄l̄ ngōnən. Dan ń Jakari a rāā yā koy ní əda na: Ādə̄ Kɔ́ɔ̄ɓē a̰a̰ yá̰á̰ ń rāā yá̰á̰ ní ba rāāī yá̰á̰ kə́ tōr̄ kum gotə.


Ana tél ədan na: Kɔ́ɔ̄ḿ, mā i dəyá̰ kə́ wurəḿ ɔlə̄m̄ ngá̰ý. M-ā̰ȳ kasə nduú aĺ ō, m-ā̰ȳ yá̰á̰ kógə̄ḿ kə́ rāā deē kasə tə́ aĺ ō, ba m-ɔ́jə i Kɔ́ɔ̄ɓē yá̰á̰ kə́ kemḿ tə́.


Nə́ɓā a sa̰ā̰də́ kɔ̄ɔ́ gidə kógə̄ḿ tītə̄ wōn̄g kə́ rā deē beé, pá tá jóo yāsí gə̄ a əlan̄ gír kotə tītə̄ kō̰n̄ kə́ hor o̰o̰ beé ɓáý.


Swiv nou:

Piblisite


Piblisite