JEREMI 2:9 - Bibəl ta Sar̄

⁹ I tām̄ ń toō tə́ n m-ā m̄-rāā sarya sesí ní. Najə̄ ń Kɔ́ɔ̄ɓē əda ní n noó. M-ā m̄-rāā sarya kə ngán kaasí gēé ō.

Bible sar

⁹ I tām̄ ń toō tə́ n m-ā m̄-rāā sarya sesí ní. Najə̄ ń Kɔ́ɔ̄ɓē əda ní n noó. M-ā m̄-rāā sarya kə ngán kaasí gēé ō.

JEREMI 2:9 Referans Kwoze

JEREMI 2:35

Ḭ̄ ə́da na: Mā i kanjə̄ najə̄ dɔḿ tə́, wōn̄g yān a rāān dɔḿ tə́ to̰ alé. Banī mā m-ā m̄-rāā sarya kə́ gōtə́ seí, tɔdɔ̄ ḭ̄ ə́da na: m̄-rāā majaĺ alé.

MISE 6:2

Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje Israel gíŕ yá̰a̰ rāān gə̄.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

OJEE 2:2

Loo ń noō tə́ de kə́ Juda gə̄ ō, de kə́ Israel gə̄ ō, a télən̄ yā ɓoo naā gogə́. Nin̄ a əndān̄ ngār kə́ kógə̄ḿ beē dɔdə́ tə́ ō, nin̄ a télən̄ Kɔ́ɔ̄ ɓē gə̄ ō. Ndɔ̄ ń noō i ndɔ̄ kə́ bo yā Jisreel.

JEREMI 2:29

I tām̄ rí tə́ á ī-rāāmī kə najá ní? Sḭḭ̄ malang ī-mbātə́mī kɔ̄ɔ́. Najə̄ ń Kɔ́ɔ̄ɓē əda ní n noó.

IJAI 43:26

Ī-tél ī-ter̄ kemḿ dɔ yá̰á̰ ń ī-gɔŕyɔ̄m̄ najə̄n tə́ ní, ba j-aw̄ mbak loo sarya tə́. Īkɔ́ ə̄nī gotə yá̰a̰ gə̄ ń rāān̄ yá̰á̰ ní ō, ɔ́jə kadə̄ najə̄ i yāí ō.

IJAI 3:13

Kɔ́ɔ̄ɓē əndā dɔ rɔ̄n danaá kɔ̄ɔ́ yā rāā sarya, ni-ḭḭ ra kə njan kə́ dɔɔ́ yā gān̄g sarya dɔ gír deē yān gə̄ tə́.

LEBI GƏ̄ 20:5

m-ā m̄-tūr̄ rɔ̄ḿ yā rɔ̄ deē ní ō, m-ā m̄-rɔ̄ɔ̄ de gə̄ kə́ gír kojə yān tə́ ō, m-ā m-ɔ̄rən kɔ̄ɔ́ dan gír deē yān gə̄ tə́ ō, naā tə́ kə de gə̄ malang ń unən̄ gōdə́ a rāānəń kəla adə̄n̄ ɓesə̄ Molok ní.

PĀ GƏ̄ 50:4

Nə́ɓā ɓāŕ dɔ rā̰ dɔɔ́ nú ō dɔ nang ō kadə̄ reēn̄ kum sarya yā gír deē yān gə̄ tə́.

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

OJEE 12:3

Kɔ́ɔ̄ɓē a rāā i sarya kə de gə̄ yā Juda gēé. Ni a rāā yá̰á̰ kógə̄ḿ kə gír deē yā Jakob gēé najə̄ háĺdə́ kə́ majaĺ tə́, a rāā yá̰á̰ kógə̄ḿ kə gír de gə̄ ń noō sɔɔ̄ ń kəla rāādə́ gə̄.