JEREMI 2:7 - Bibəl ta Sar̄

⁷ m̄-rāā adə̄ údiī kem ɓē kə́ kāgə̄ kə́ kəndā gə̄ i ngá̰ý tū tə́, yā kadə̄ sḭḭ̄ ī-nāī kan̄ kāgə̄ kə́ nel̄ gə̄. Banī dan ń sḭḭ̄ údiī kem ɓē nge ń toō tə́ kɔ̄ɔ́ anī, sḭḭ̄ ī-tákī ɓē yāḿ kə majaĺ ō, sḭḭ̄ ī-rāāī yá̰á̰ kə́ majaĺ ngá̰ý kə yá̰a̰ yāḿ ō.

Bible sar

⁷ m̄-rāā adə̄ údiī kem ɓē kə́ kāgə̄ kə́ kəndā gə̄ i ngá̰ý tū tə́, yā kadə̄ sḭḭ̄ ī-nāī kan̄ kāgə̄ kə́ nel̄ gə̄. Banī dan ń sḭḭ̄ údiī kem ɓē nge ń toō tə́ kɔ̄ɔ́ anī, sḭḭ̄ ī-tákī ɓē yāḿ kə majaĺ ō, sḭḭ̄ ī-rāāī yá̰á̰ kə́ majaĺ ngá̰ý kə yá̰a̰ yāḿ ō.

JEREMI 2:7 Referans Kwoze

JEREMI 16:18

M-ā m-ə̄gādə́ kə̄rā loo nja kə́ jōó tə́, tām̄ mósə́ kə́ ɓōkə́n̄ nang tə́ tə́ ō, tām̄ yá̰á̰ kə́ majaĺ kə́ rāān̄ tə́ ō, tɔdɔ̄ nujən̄ kə ɓē yāḿ. Nin̄ ɓōkə́n̄ nīń yá̰á̰ kə́ yḛr yādə́ gə̄ ō, yá̰a̰ rāādə́ kə́ majaĺ gə̄ ō, adə̄ taā kem yá̰á̰ kənge yāḿ ń i ɓē yāḿ ní.

TƏ́DA 13:27

Najə̄ ń ədan̄ Moijə ní n toó: J-aw̄ j-ugə dɔ nang ń ə́lájí tū tə́ ní. I dɔ nang kə́ mba ō, yibə̄ tejə ō, i ngá̰ý tū tə́ rɔ̄kum. Á̰a̰ā̰ kan̄ kāgə̄ kə́ tū tə́ gə̄ n toó.

EJEKIEL 36:17

Ḭ̄ ngōn̄ deē, ōō! Dan ń Israel gə̄ ndinə̄ń dɔ nang yādə́ tə́ ɓáý ní, nin̄ rāān̄ háĺ kə́ majaĺ rɔ̄kum ō, rāān̄ adə̄ dɔ nang yādə́ tél dɔ nang kə́ yḛr ō. Háĺdə́ yḛr tītə̄ mósə́ kə́ teē rɔ̄ dəyá̰ kə́ mósə əhɔn tə́ beē.

JEREMI 3:1

Ré de kə́ dəngam mbātə́ nə̄yá̰n adə̄ aw̄ taā de kə́ rang anī, a tél yā taān gogə́ ɓáý a? dəyá̰ ní tél i loo kə́ yḛr kə́ njɔ́ḿ gə̄ tə́ aĺ a? Ba ḭ̄ ń ī-sāā dəngam gə̄ loo ájə́ba tə́ ngá̰ý ní, ā ī-tél yā reē jīḿ tə́ a? Najə̄ ń Kɔ́ɔ̄ɓē əda ní n noó.

MISE 2:10

Ḭ́ḭī dɔɔ́ ba āwī! I kum mbang kə́ yā kadə̄ sḭḭ̄ ɔ̄rīiń koō n toó alé! Ɓē yāsí téĺ ɓē kə́ yḛr kɔ̄ɔ́ sɔɔ̄ ń mān̄ dɔ ndū najə̄ yāsí gə̄. I tām̄ najə̄ ń noō tə́ n ā á̰a̰ī tápə̄ ngá̰ý ní.

EJEKIEL 20:6

Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

NEHEMI 9:25

Nin̄ taān̄ ɓē kə́ ngan̄g gə̄ ō, nang kə́ teē kōō ngá̰ý gə̄ ō, kújə́ kə́ yá̰a̰ kənge rosə kem gə̄ ō, bəlo man̄ kə́ ndēr̄ kɔ̄ɔ́ gə̄ ō, kāgə̄ nduú gə̄ ō, kāgə̄ olibə gə̄ ō, gotə kāgə̄ kə́ rang kə́ kan̄ gə̄ ō. Nin̄ əsan̄ yá̰a̰ ō, əsa ndānə̄n̄ ō, boon̄ lúbə́ lúbə́ ō, ndin̄ dan rɔ̄nel̄ tə́ ō, i kə ta kūl̄ rāā kem majə yāí kə́ ngá̰ý.

NDŪ NAJƏ̄ 21:23

loo a tíbə dɔ nīnə́n tə́ alé. I gáŕ kadə̄ ī-dubə̄ kɔ̄ɔ́ ndɔ̄ nəkɔ́ ń noō tə́. Tɔdɔ̄ nīń kə́ beé i yá̰á̰ kə́ a ɔr ndɔ̄ĺ yā Nə́ɓā yā reēń dɔ ɓē tə́. Ī-lōō reē kə majaĺ dɔ ɓē ń Kɔ́ɔ̄ɓē Nə́ɓā yāí adī tə́ ní.

NDŪ NAJƏ̄ 6:18

Ī-rāāī yá̰á̰ kə́ súmūú ō, yá̰á̰ kə́ majə ō, ta kum Kɔ́ɔ̄ɓē tə́ yā kadə̄ rɔ̄sí nelə̄ńsí ō, ī-taāīneé dɔ nang ń Kɔ́ɔ̄ɓē túbə ənīń míndən yā kadə̄ kaasí gə̄ ní ō.

JEREMI 3:2

Ún kumií kə̄ dɔɔ́ ba á̰a̰ loo kum kə̄ dɔ mbal̄ kə́ ndágə doy gə̄ tə́: I loo kə́ rá n ādə̄ ɓīīn̄ seí tū tə́ aĺ ní? Ī-ndi ī-ngóōdə́ kə bɔ̄gə̄ róbə gēé tītə̄ Arabə kə́ ndi kem dəla loo tə́. Ḭ̄ ī-rāā ájə́ba ō, háĺ kə́ gōtə́ aĺ ō, ī-yḛrəń loo kə́ dɔ nang tə́.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

JEREMI 32:30

Rɔ̄kum, kə ngōn̄ dūúdə́ bátə́ ɓōólaā ní Israel gə̄ ō, Juda gə̄ ō, ton̄ i dan rāā yá̰á̰ kə́ nel̄ kemḿ aĺ tə́. Ngán Israel gə̄ rāān̄ kəla kadə̄m̄ wōn̄g sɔɔ̄ń kəla rāādə́ gə̄.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

IJAI 19:25

Kɔ́ɔ̄ɓē kə́ bo kə́ tɔ́gən i ngá̰ý a tɔ́r̄ tan dɔ de kə́ dɔ nang tə́ gə̄ tə́ a əda na: m̄-tɔ́r̄ taḿ dɔ ɓē kə́ Ejiptə ń i gír deē yāḿ gə̄ ní tə́ ō, dɔ ɓē kə́ Asiri ń mə̄kɔ́ m̄-rāā kə jīḿ ní tə́ ō, dɔ Israel ń i yá̰a̰ yāḿ mə̄kɔ́ ō.

EJEKIEL 20:24

I yá̰á̰ ń rāā yá̰á̰ á m̄-túbəń m-ādə̄də́ tītə̄ ń noō ní n toó: Nin̄ unən̄ gō jī bēl̄ loo rāā yá̰a̰ yāḿ gə̄ aĺ ō, usədə́ dɔ ndū najə̄ yāḿ gə̄ tə́ aĺ ō, kídə̄n̄ ndɔ̄ sabat ō, nin̄ aw̄n̄ gō nə́ɓā kə́ rɔ̄kum aĺ gə̄ yā kaadə́ gə̄ tə́ ō.

EJEKIEL 23:35

I tām̄ najə̄ ń toō tə́ n yá̰á̰ ń m-ə́dá ní n toó ní, m-ə́da na: Jerusalem, dɔí ndígə̄naləḿ kɔ̄ɔ́ ō, ḭ̄ ə́ya̰m̄ kɔ̄ɔ́ ō. I beé ɓá ní, īkɔ́ ā ī-ndíbə̄ hor yá̰á̰ ń hálí kə́ to rɔ̄sɔl̄ adə̄ i háĺ ájə́ba reēń dɔí tə́ ní.