JEREMI 2:5 - Bibəl ta Sar̄

⁵ Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

Bible sar

⁵ Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

JEREMI 2:5 Referans Kwoze

2 MBAN̄G 17:15

Nin̄ mbātə́n̄ ndū najə̄ yān gə̄ ō, madə̄ naā ń ni-əhɔ kə kaadə́ gēé ní ō, yá̰a̰ gə̄ ń ni-ra sedə́ ta rāā á ter̄ kemdə́ dɔ tə́ ní ō. Unən̄ gō yá̰á̰ kə́ karī gə̄, adə̄ nin̄ kɔ́ gə̄ télən̄ yá̰á̰ kə́ karī gə̄ ō. Ndájə̄n̄ nápar de gə̄ ń gīrə̄n̄ gidədə́ ní. I yá̰á̰ kə́ Kɔ́ɔ̄ɓē ɔgə̄də́ rāā ba nin̄ rāān̄. Tá Kɔ́ɔ̄ɓē ədadə́ na kə lōōn̄ rāā yá̰a̰ tītə̄ yādə́.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

JONAS 2:8

Kɔ́ɔ̄ɓē Nə́ɓā yāḿ, m-ā m-óy ngɔr. Loo ń noō tə́ əga kemḿ dɔí ḭ̄ Kɔ́ɔ̄ɓē tə́ ō, ndɔ̄ȳ yāḿ ḭḭ kum kə̄ dɔɔ́ aw̄ ugə̄ rɔ̄í tə́ kem kújə́ kə́ táĺ yāí tə́ ō.

PĀ GƏ̄ 115:8

Ādə̄ ngé rāādə́ gə̄ ton̄ tītə̄də́ beē ō, ādə̄ ngé kəndā kemdə́ dɔdə́ tə́ gə̄ malang ton̄ tītə̄də́ beē ō!

IJAI 44:9

Ngé tɔ́sə̄ yá̰a̰ rāā ɓesə̄ tə́ gə̄ ní, nin̄ i yá̰á̰ kógə̄ḿ aĺ ō, yá̰a̰ yādə́ kə́ majə gə̄ ní, deē a rāań yá̰á̰ kógə̄ḿ aĺ ō. Yá̰á̰ kə́ tɔ́sə̄ gə̄ ngeé ń toō i de kə́ kum tə́ yādə́ gə̄, banī i de kə́ kum tə́ gə̄ kə́ kumdə́ a̰a̰ yá̰á̰ kógə̄ḿ aĺ ō, nin̄ gerə̄n̄ yá̰á̰ kógə̄ḿ aĺ ō, nin̄ a əlan̄ i rɔ̄sɔl̄ kə́ ngá̰ý dɔdə́ tə́ ō.

1 SAMUEL 12:21

Ré ī-tūrī gidəsí kɔ̄ɔ́ tan tə́ anī, ā ī-rāāī i kəla yā ɓesə̄ gə̄ ń i nə́ɓā kə́ rɔ̄kum aĺ gə̄ ń asən̄ dḭḭ̄ deē aĺ ō, kajə deē aĺ ō ní.

NDŪ NAJƏ̄ 32:21

Nin̄ rāān̄ adə̄ m̄-rāā jang kə yá̰á̰ ń i nə́ɓā aĺ ní, rāān̄ adə̄ wōn̄g rāām̄ kə ɓesə̄ gēé. Banī mā m-ā m̄-rāā kadə̄ nin̄ a rāān̄ jang kə de gə̄ kə́ nin̄ i gír de kə́ rɔ̄kum aĺ gə̄ ō, kadə̄ rāān̄ wōn̄g kə nápar de kə́ ger̄ yá̰a̰ aĺ gə̄ ō.

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

MATIYE 15:8

De gə̄ ń toō rɔȳmə̄n̄ i kə tadə́ karī, ba kemdə́ i sa̰y rɔ̄ḿ tə́.

EJEKIEL 11:15

Ḭ̄ ngōn̄ deē, kɔjə̄ ń de kə́ Jerusalem gə̄ adə̄n̄ ngákó̰ó̰í gə̄, adə̄n̄ de kə́ kem kojə yāí tə́ gə̄, adə̄n̄ Israel gə̄ malang ń ɔyn̄də́ dɔ gúú tə́ aw̄n̄ sedə́ dɔ ɓē kə́ rang tə́ ní n toó: I beé ní, ī-ndi sa̰y kə loo ń Kɔ́ɔ̄ɓē i tū tə́ ní tə́. Tām̄ dɔ nang ń toō ní i jḭḭ̄ n ni-adə̄jí kadə̄ i yājí tə́ ní.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

JEREMI 12:2

Ə̄ndādə́ tītə̄ kāgə̄ adə̄ tə́lan̄ ngəradə́ ō, tɔgən̄ bátə́ anə̄n̄ ō. Ḭ̄ i tāādə́ ɓa ɓang ba ī-gətóo ngarā̰ kemdə́ tə́.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

IJAI 46:12

Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

JEREMI 2:4

Ōōī najə̄ kɔr̄ Kɔ́ɔ̄ɓē, sḭḭ̄, deē yā Jakob gə̄, naā tə́ kə de gə̄ kə́ gír kojə yā Israel tə́ malang.

JEREMI 8:19

De kə́ dɔ nang kə́ sa̰y ngá̰ý tə́ gə̄ oōn̄ kɔŕ nōō rɔ̄ yā gír deē yāḿ gə̄. Kɔ́ɔ̄ɓē gətóo Siyo̰ a? Mban̄g yān gətóo looneé a? I tām̄ rí tə́ á adə̄mə̄n̄ wōn̄g kə ɓesə̄ yādə́ gə̄ ń i yá̰á̰ kə́ kanjə̄ kumən gə̄ kə́ kḭḭ loo kə́ rang tə́ ní?

EJEKIEL 14:5

I tītə̄ ń noō n najə̄ yāḿ a əsōń kem ngán Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.