JEREMI 2:32 - Bibəl ta Sar̄

³² Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.

Bible sar

³² Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.

JEREMI 2:32 Referans Kwoze

PĀ GƏ̄ 106:21

Dɔdə́ ndígə̄nal Nə́ɓā kə́ nge kajədə́ ń rāā yá̰á̰ kə́ bo gə̄ kété dɔ nang kə́ Ejiptə tə́ ō,

JEREMI 13:25

Dūbə̄ yá̰a̰ kənge yāí ń m̄-mbɔ̄jə́ m-ādī ní n toó, tɔdɔ̄ dɔí ndígə̄nal dɔḿ tə́ ō, ə̄nī kemií ādə̄ yá̰á̰ kə́ rɔ̄kum aĺ ō. Najə̄ ń Kɔ́ɔ̄ɓē əda ní n noó.

JEREMI 3:21

Ndū kógə̄ḿ ɓār̄ dɔ loo kə́ kḭḭ kə́ dɔɔ́ gə̄ tə́, i ngán Israel gə̄ n a nōōn̄ ō, a rāān̄ ɓɔ́ ō ní. Háĺdə́ nujə sák sák kɔ̄ɔ́. tɔdɔ̄ dɔdə́ ndigə̄nal Kɔ́ɔ̄ɓē Nə́ɓā yādə́.

JEREMI 2:11

Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

IJAI 17:10

Israel, dɔí ndígə̄nal Nə́ɓā kə́ nge kajiī. Mbal̄ ń ngɔ̄mī ní, əga kemií dɔn tə́ alé, i tām̄ najə̄ ń toō tə́ n ī-rāā adə̄ kāgə̄ kə́ nel̄ gə̄ əɓan̄ ō, ī-dubə̄ kum yá̰á̰ kə́ mbā gə̄ ō ní.

OJEE 8:14

Israel rāā kújə́ kə́ majə ngá̰ý gə̄ tām̄ yān tə́, banī dɔn ndígə̄naləḿ mā nge rāān kɔ̄kə́. Juda ra yān noó rāā ɓē kə́ ngan̄g gə̄ ngá̰ý. Banī m-ā m-ə́la hor dɔ ɓē yān gə̄ tə́, kadə̄ a o̰o̰ kújə yān kə́ majə gə̄ kɔ̄ɔ́.

IJAI 61:10

Rɔ̄nel̄ kə́ kemḿ tə́ al̄ naā najə̄ yā Kɔ́ɔ̄ɓē tə́. Dan wurəḿ rāā rɔ̄nel̄ najə̄ yā Nə́ɓā yāḿ tə́. A̰á̰ā̰, ni ajəm̄ ō, utə̄ gidə rɔ̄ḿ kə kajə yānneé tītə̄ kūbə̄ ngāl̄ kə́ yā kəla rɔ̄ tə́ kété pá tá yā kəla madə̄ dɔ tə́ beē ō. Ni ɓírə̄m̄ kə tetə rɔ̄ɔ̄ yānneé tītə̄ kūbə̄ beé. m̄-to tītə̄ balsáá kə́ taā dəyá̰ kijə, kə́ ənda dɔn kə kūbə̄ kə́ yā kəndań dɔ ndɔ̄ nāā tə́ beē, aláa m̄-to tītə̄ ngōmandə kə́ taā ngaa kijə, kə́ tə́lá yá̰á̰ súū rɔ̄ gə̄ rɔ̄n tə́ adə̄ adə̄ taā gidə rɔ̄n malang beé.

PĀ GƏ̄ 9:17

Kɔ́ɔ̄ɓē rāā adə̄ de gə̄ ger̄nən̄ i kə ta kūl̄ sarya ń nəkɔ́ gān̄g ní. Gūmbə̄ yā de kə́ sew aĺ tél əhɔn nəkɔ́.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

JEREMI 13:10

Gír de kə́ ngé kem ndul gə̄ ń mbātə́n̄ koō najə̄ yāḿ ba rāān̄ dɔ ngan̄g kə̄ nodə́ tə́ ō, ngɔ̄də̄n̄ gō nə́ɓā kə́ rang gə̄ tə́ yā ndɔ̄ȳdə́ ō, ɔsən̄ nodə́ nang tə́ nodə́ tə́ rɔȳn̄də́ ō ní, ādə̄ tél ton̄ tītə̄ ta kūbə̄ do̰ō̰ ɓōdə̄ ń toō ń majə rāań yá̰a̰ to̰ alé ní.

JEJU TEĒ KUM JA̰A̰ 21:2

Anī m-á̰a̰ ɓē yā Nə́ɓā ń i Jerusalem kə́ kijə ní, ḭḭ dɔ rā̰ tə́ a risə kə̄ nang tə́. Ni-majə ngá̰ý tītə̄ dəyá̰ kə́ súū rɔ̄n tām̄ yā ngaan tə́ beē.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

TA KƏLA 24:22

Dan ń jámbal gə̄ a̰ȳn̄ man̄ oy anī, dəngam ní un nə̄ngá kə́ yā kəla kóń tə́ kə́ rāā kə lɔ́rɔ́ kə́ ɔȳ asə ngán kəlōo mehḛ́ ō, nə̄ngá jī kə́ rāā kə lɔ́rɔ́ gə̄ jōó kə́ ɔȳn̄ tɔȳ ngán kəlōo ɓú ō, adə̄ ngōmandə ní

2 SAMUEL 1:24

Ngán kə́ dəyá̰ gə̄ kə́ Israel tə́, ī-nōōī Saul, nge kadə̄sí kūbə̄ kə́ ndə́lē gə̄ ō, kə́ sɔl̄ lɔ́ḿ lɔ́ḿ gə̄ ō, nge kadə̄sí yá̰á̰ súū rɔ̄ kə́ rāā kə lɔ́rɔ́ gə̄ ń ā ī-tə́laī tū kūbə̄ yāsí gə̄ tə́ ní.

TA KƏLA 24:53

Ni-tḛḛ̄ ta ngɔng mbā yān, ɔy yá̰á̰ súū rɔ̄ kə́ rāā kə gində̄ arjā̰a̰á̰ ō, kə lɔ́rɔ́ ō, kūbə̄ gə̄ ō, adə̄ Rebeka. Ni-adə̄ ngōkó̰o̰n ō, kó̰o̰n ō, yá̰á̰ kə́ gātə̄də́ i ngá̰ý gə̄.

TA KƏLA 24:30

tɔdɔ̄ a̰a̰ nə̄ngá kə́ kón ngōkó̰o̰n tə́ ō, nə̄ngá gə̄ kə́ jīn tə́ ō. Tá ngōkó̰o̰n ənī gotə yá̰a̰ gə̄ ń dəngam ədan ní adə̄ oō ō. Ni-reē ənge dəngam ní dɔ bəlo maná kə jámbal yān gēé,

IJAI 57:11

I náā n ī-ɓōlə́n ngá̰ý á ī-sorə̄ń ní? á dɔí ndígə̄naləḿ ní? m̄-ndi taḿ mbóo dan i jóó ngá̰ý. I tām̄ najə̄ ń toō tə́ n ī-ɓōĺ ndílə́ḿ to̰ aĺ ní.

JEREMI 2:33

Tītə̄ ń ḭ̄ ɔ́ĺ ngá̰ý loo njə̄rā tə́ yā sāań táŕ ní, kə́ rɔ̄kum tə́ ḭ̄ āw̄ mbóńg ādə̄ tɔ̄l̄ deē ndérī kɔ̄ɔ́.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

NGÉ SARYA 8:34

Ba dɔdə́ ndígə̄nal Kɔ́ɔ̄ɓē Nə́ɓā yādə́ ń gān̄g dɔdə́ jī madə̄ ba̰ā̰də́ gə̄ ń ndin̄ gīrə̄n̄ gidədə́ əlan̄ ta naā tə́ ní kɔ̄ɔ́.

JEREMI 23:27

Nin̄ gírə̄n̄ kadə̄ nī yādə́ gə̄ ń a ənīn̄ gotə adə̄n̄ naā noó gól̄ gír deē yāḿ gə̄ adə̄ dɔdə́ ndígə̄nal dɔ rīḿ tə́ tītə̄ ń ɓesə̄ Baal góləń kaadə́ gə̄ adə̄ dɔdə́ ndigənal dɔ rīḿ tə́ ní.