JEREMI 2:30 - Bibəl ta Sar̄

³⁰ M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

Bible sar

³⁰ M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ *ngé koō ta yāsí gə̄ tītə̄ ɓɔl kə́ nge kəhɔ yá̰a̰.

JEREMI 2:30 Referans Kwoze

NEHEMI 9:26

Banī nin̄ rāān̄ dɔ ngan̄g, mbātə́n̄ kadə̄ ó̰o̰ ɓē dɔdə́ tə́. Taān̄ ndū najə̄ yāí ənīn̄ gidədə́ tə́ ta kaw̄ kə̄ nú. Nin̄ tɔ̄lə̄n̄ ngé koō ta yāí gə̄ ń i ngé ra sedə́ gagar ta tél reē gogə̄ rɔ̄í tə́ ní. Háĺdə́ ń rāān̄ ní majaĺ ngá̰ý,

1 TESALONIK 2:15

Jipə gə̄ ń tɔ̄lə̄n̄ Kɔ́ɔ̄ɓē Jeju ō, ngé koō ta gə̄ ō ní, rāān̄jí ndoō tə́ ō. Nel̄ Nə́ɓā sedə́ alé, tá nin̄ i madə̄ ba̰ā̰ de gə̄ malang ō.

KƏLA RĀĀ 7:52

I nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

MATIYE 23:29

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-rāāī dɔ ɓádə ngé koō ta gə̄ ādī majə ō, ī-súūī dɔ ɓádə de kə́ súmūú gə̄ ō,

JEREMI 7:28

Tā anī, ə́dádə́ na: Á̰a̰ī nápar de gə̄ ń oōn̄ ta Kɔ́ɔ̄ɓē Nə́ɓā yādə́ aĺ ní n toō. Nin̄ mbātə́n̄ kəndā kumdə́ gíŕ yá̰á̰ ń Nə́ɓā ɔjədə́ tə́ ní: Najə̄ kə́ rɔ̄kum gətóo, najə̄ kə́ rɔ̄kum gətóo tadə́ tə́.

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

JEJU TEĒ KUM JA̰A̰ 16:9

Loo ń noō tə́ kəngā mbang kə́ ngá̰ý rāā de gə̄, adə̄ ngonjə̄n̄ kə rī Nə́ɓā kə́ nge kaw̄ kə tɔ́gə dɔ yá̰á̰ kə́ tōr̄ gə̄ ní tə́. Banī nin̄-tūrə̄n̄ háĺdə́ ɔsənə̄ń gɔnən alé.

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

EJEKIEL 24:13

Jerusalem, ḭ̄ i de kə́ yḛr tām̄ ī-rāā kaya. m̄-gḛy rāāī kadə̄ ūnjə̄ njáý njáý, banī ī-tél de kə́ ūnjə̄ njáý njáý alé. I beé ɓá ní, ré m-ə́ya̰ wōn̄g yāḿ kə́ ngá̰ý dɔɔ́ adə̄ rāā kəla bátə́ ta tɔ̄l̄ ta tə́ pá tá ā ūnjə̄ njáý njáý ɓáý. Ā ūnjə̄ kété no tə́ alé.

JEREMI 31:18

M-ōō kōō Epəraim kə́ a nōō rɔ̄n. Ī-rāām̄ ādə̄ dɔḿ tetə, tītə̄ ń a tetən̄neé dɔ duĺ man̄g kə́ dɔ ngan̄g ní. Ī-rāā ādə̄ m̄-tél m̄-reē rɔ̄í tə́ yā kadə̄ m̄-reē rɔ̄í tə́ kə́ rɔ̄kum tə́, tɔdɔ̄ Kɔ́ɔ̄ɓē ḭ̄ i Nə́ɓā yāḿ.

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

2 YÁ̰A̰ GƏ̄ 28:22

Dan ń yá̰a̰ tɔȳń dɔ Akaj ngá̰ý gə̄gē ní, ni to dan rāā yá̰á̰ kə́ gōtə́ aĺ tə́ kə Kɔ́ɔ̄ɓē

2 YÁ̰A̰ GƏ̄ 24:21

Loo ń noō tə́ kósə de gə̄ oōn̄ naā dɔ Jakari tə́, anī mban̄g adə̄də́ ta róbə adə̄ tə́nīnən̄ kə mbalá ndágə loo kə́ gīr̄ gidə kújə yā Kɔ́ɔ̄ɓē tə́.

1 MBAN̄G GƏ̄ 19:14

Anī Eli əda na: Kemḿ təngām̄ ngá̰ý tām̄ yā Kɔ́ɔ̄ɓē kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ī-rāā sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-na̰y ní, ba a sāān̄ tɔ̄lə̄m̄ kɔ̄ɔ́ ɓáý to̰.

1 MBAN̄G GƏ̄ 19:10

Anī ni tūr̄ əda Kɔ́ɔ̄ɓē na: Kemḿ təngām̄ ngá̰ý tām̄ yā Kɔ́ɔ̄ɓē Nə́ɓā kə́ bo kə́ tɔ́gən i ngá̰ý tə́. Ngán Israel gə̄ əya̰n̄ madə̄ naā yāí ń ə́hɔ sedə́ ní kɔ̄ɔ́ ō, tɔ̄ɔ̄n̄ loo tun̄ yá̰a̰ yāí gə̄ kɔ̄ɔ́ ō, tɔ̄lə̄n̄ ngé koō ta yāí gə̄ kə kaskaraá ō. I mə̄kɔ́ kógə̄ḿ beē ngóy n m̄-nay ní, ba a sāān̄ tɔ̄lə̄m̄ kɔ̄ɔ́ ɓáý to̰.

IJAI 59:3

Jīsí i mósə, yá̰a̰ rāāsí kə́ gōtə́ aĺ gə̄ rāān̄ adə̄ jīsí i kə́ yḛr. Tasí əda najə̄ kə́ sor̄ gə̄, ndāŕ tasí gə̄ əya̰n̄ najə̄ kə́ kɔr̄ kə kem nduluú gə̄ adə̄ teēn̄ tasí tə́.

JEREMI 46:14

Yá̰á̰ ń a rāā yā rāā yá̰á̰ ní Ə̄nīī mbēr̄də́ Ejiptə tə́, ə́daī ādə̄ de gə̄ oōn̄ Migədol ō, Mempis ō, Tapanes ō. Ədaī na: Ɔ̄r̄ dɔí dɔɔ́! Ī-ndi dɔ rɔ̄í tə́! Á̰a̰ā̰, kaskar nujə loo kə gō gidií.

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

EJEKIEL 22:24

Ḭ̄ ngōn̄ deē, ə́dá ngán Israel gə̄ na ɓē yādə́ to i tītə̄ dɔ nang kə́ man̄ edə tū tə́ aĺ beē. Ndɔ̄ wōn̄g yāḿ tə́ ní man̄ edə dɔ tə́ alé.

DANIEL 9:13

Yá̰á̰ kə́ to kum kaȳ aĺ ní reē dɔjí tə́ malang i tītə̄ ń ndangən̄neé kem makətūbə̄ ndū najə̄ yā Moijə tə́ ní. Banī jḭḭ jə-tūr̄ gidəjí kɔ̄ɔ́ ta yá̰a̰ rāājí kə́ gōtə́ aĺ gə̄ tə́ jə-sɔlə̄ń kem Kɔ́ɔ̄ɓē Nə́ɓā yājí aĺ ō, jə-nēl̄ mbījí j-oōń najə̄ kə́ rɔ̄kum yān jə-sɔlə̄ń kemən aĺ ō.