JEREMI 2:29 - Bibəl ta Sar̄

²⁹ I tām̄ rí tə́ á ī-rāāmī kə najá ní? Sḭḭ̄ malang ī-mbātə́mī kɔ̄ɔ́. Najə̄ ń Kɔ́ɔ̄ɓē əda ní n noó.

Bible sar

²⁹ I tām̄ rí tə́ á ī-rāāmī kə najá ní? Sḭḭ̄ malang ī-mbātə́mī kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 2:29 Referans Kwoze

DANIEL 9:11

Israel gə̄ mānə̄n̄ dɔ ndū najə̄ yāí ō, tūrə̄n̄ gidədə́ kɔ̄ɔ́ taí tə́ kanjə̄ koō ndūí ō. Loo ń noō tə́ ndɔ̄ĺ ō kōnjə̄ ō ń ndangən̄ kem makətūbə̄ ndū najə̄ yā nge kəla yāí Moijə tə́ ní reē dɔjí tə́ sɔɔ̄n̄ mbātə́ najə̄ yājí.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 5:1

Ī-njə̄rāī kum róbə kɔsə kə́ Jerusalem tə́ gə̄, ə̄ndāī ma̰ȳ loo ō, ī-dəjeī gír najə̄ ō. Āw̄ ī-sāāī loo ndágə loo gə̄ tə́ ké ə́ngeī deē kógə̄ḿ tū tə́ wa. Ké deē kógə̄ḿ kə́ a rɔ̄ɔ̄ tām̄ kadə̄ náā nəkɔ́ ənge yá̰á̰ kə́ sɔɔ̄ dɔn, aláa kə́ nge ra dɔ ndūn tə́ i tū tə́ wa. Ré ə́ngeī anī m-ā m̄-mā̰ȳ rɔ̄ḿ dɔ Jerusalem tə́.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

JEREMI 3:2

Ún kumií kə̄ dɔɔ́ ba á̰a̰ loo kum kə̄ dɔ mbal̄ kə́ ndágə doy gə̄ tə́: I loo kə́ rá n ādə̄ ɓīīn̄ seí tū tə́ aĺ ní? Ī-ndi ī-ngóōdə́ kə bɔ̄gə̄ róbə gēé tītə̄ Arabə kə́ ndi kem dəla loo tə́. Ḭ̄ ī-rāā ájə́ba ō, háĺ kə́ gōtə́ aĺ ō, ī-yḛrəń loo kə́ dɔ nang tə́.

JEREMI 2:35

Ḭ̄ ə́da na: Mā i kanjə̄ najə̄ dɔḿ tə́, wōn̄g yān a rāān dɔḿ tə́ to̰ alé. Banī mā m-ā m̄-rāā sarya kə́ gōtə́ seí, tɔdɔ̄ ḭ̄ ə́da na: m̄-rāā majaĺ alé.

JEREMI 2:23

I ba̰ý á ī-nāā kəda na: Yá̰á̰ kə́ yḛr tákə̄m̄ aĺ ō, m̄-ngɔ̄də̄ gō ɓesə̄ Baal gə̄ tə́ aĺ ō ní? Á̰a̰ kəla rāāí kə́ kem wól loo tə́, ḭ̄kɔ́ ī-ger̄ yá̰á̰ ń ī-rāā ní. Kó̰ó̰ jámbal kə́ nge dáȳ dɔɔ́ kanjə̄ kɔr̄ koō.