JEREMI 2:28 - Bibəl ta Sar̄

²⁸ Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ Juda.

Bible sar

²⁸ Nə́ɓā gə̄ ń ḭ̄kɔ́ ī-rāādə́ ní nin̄ i rá? Ré asən̄ kajəjí anī, ādə̄ ḭḭn̄ dɔɔ́ dan ń yá̰á̰ kə́ to kum kaȳ aĺ teē dɔí tə́ ní. Tɔdɔ̄ kutə nə́ɓā yāí gə̄ asə kə kutə ɓē bo yāí gə̄, ḭ̄ *Juda.

JEREMI 2:28 Referans Kwoze

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

IJAI 45:20

Sḭḭ̄ ń ī-teēī ta yo tə́ á ī-ndiī dan nápar de gə̄ tə́ ní, ɔ́siī dɔsí naā tə́ ba ī-reēī! Ī-reēī kə̄ kété naā tə́ malang. Ngé kətō kāgə̄ yādə́ kə́ tɔ́sə̄ gə̄ ō, a ndɔ̄ȳn̄ nə́ɓā kə́ asə kajə deē aĺ ō ní, i de kə́ ger̄ yá̰a̰ aĺ gə̄.

NDŪ NAJƏ̄ 32:37

Loo ń noō tə́ a dəje tadə́ a əda na: Ɓesə̄ gə̄ ń ī-sāāī loo ɓɔ̄ɔ̄ rɔ̄ yāsí gíŕdə́ tə́ ní nin̄ i rá?

NGÉ SARYA 10:14

Āw̄ ī-nōōī kə̄ dɔ ɓesə̄ gə̄ ń úniī gōdə́ ní tə́ ādə̄ ajən̄sí ndɔ̄ ń wur kɔl kə́ ngá̰ý əsōń dɔsí tə́ ní.

IJAI 46:7

Kutə̄ gō anī əndānən̄ dɔ bɔ̄gə̄də́ tə́, ətōnən̄ ō, aw̄ əndānən̄ loo kə́rēý tə́ ō. Nin̄ do̰ō̰n̄ yá̰á̰ kə́ tɔ́sə̄ ní adə̄ ra gotə kógə̄ḿ ō, ni yéȳ to̰ aĺ ō. Ré deē kógə̄ḿ əga kɔŕ kə̄ rɔ̄ nə́ɓā ní tə́ anī, ni dal alé. Ni ajə deē kógə̄ḿ dan wur kɔl tə́ alé.

OJEE 10:1

Kété ní Israel i kāgə̄ nduú kə́ an̄ ngá̰ý. Dan ń ni an̄ ngá̰ý anī, ni-rāā loo tun̄ yá̰a̰ gə̄ ngá̰ý ō. Dan ń ɓē yān ənge yá̰á̰ ngá̰ý anī, mbal̄ yān kə́ kudə nang tə́ kə́ yā ɓōĺ gidə gə̄ majən̄ ngá̰ý ō.

IJAI 46:2

Nə́ɓā gə̄ rugən̄ ngung, nin̄ malang əsōn̄ nang tə́ ndɔ̄ naā tə́. Nin̄ asən̄ kajə yá̰a̰ gə̄ ń tɔ́sə̄n̄ kum gotədə́ ní alé, nin̄ kɔ́ gə̄ aw̄n̄ dɔ ɓē kə́ rang tə́ dɔ gúú tə́.

2 MBAN̄G 3:13

Elije əda mban̄g kə́ Israel na: I rí n ɓoojí jḭḭ seí naā tə́. Āw̄ rɔ̄ ngé koō ta yā bɔbí gə̄ ō, yā kó̰ó̰í gə̄ ō tə́. Mban̄g kə́ Israel tél ədan na: I tītə̄ ń noō alé, tɔdɔ̄ kə́ rɔ̄kum gə̄ tə́ ní Kɔ́ɔ̄ɓē əla gō mban̄g kə́ mətá gə̄ ń toō tə́ i yā kəladə́ kem jī Moab gə̄ tə́.

JEREMI 1:16

M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

JEREMI 11:12

Ɓē kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, a aw̄n̄ yā nōō kə̄ dɔ nə́ɓā gə̄ ń róōn̄ yá̰á̰ kə́ tun̄ gə̄ adə̄n̄də́ ní tə́, ba a asən̄ kajədə́ kum mbang ń yá̰á̰ kə́ to kum kaȳ aĺ a teēń dɔdə́ tə́ ní alé.

JEREMI 30:7

I yá̰á̰ kə́ to kum kaȳ aĺ kə́ ba̰ý beē! Rɔ̄kum, ndɔ̄ ní i ndɔ̄ kə́ to ɓōĺ ngá̰ý, ndɔ̄ kə́ tītə̄n gətóo. I kum mbang wur kɔl kə́ to ɓōĺ ngá̰ý tām̄ yā Jakob tə́. Banī ni a teē kum tə́ karī.

JEREMI 37:19

Ngé koō ta yāsí gə̄ ń ədan̄sí na mban̄g kə́ Babilon na a reē yā kənīsí rɔ̄ɔ̄ aĺ ō, kənī ɓē ń toō rɔ̄ɔ̄ aĺ ō ní, nin̄ i rá?

HABAKUK 2:18

Rāā nə́ɓā kə́ rɔ̄kum aĺ gə̄ ní, i yā rāań rí? Nin̄ i gində̄ kə́ nō horoó rāā yá̰á̰ tə́ ngóy. Nin̄ rāān̄ adə̄ deē taā kem yá̰á̰ kə́ rɔ̄kum aĺ gə̄. I kɔdə̄ kógə̄ḿ n rāādə́ ní ō, nin̄ ɔrə̄n̄ najə̄ aĺ ō. Ní, i tām̄ rí tə́ á kɔdə̄ ngeé ń toō ənī kemən mámák adə̄də́ ní?

HABAKUK 2:19

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ə́daī dugə̄jū kāgə̄ na: Ī-ndól̄ dɔ ɓīī tə́! Mbal̄ kə́ tɔ́sə̄ rāā yá̰á̰ tə́ ń ɔr̄ najə̄ aĺ ní, sḭḭ̄ ə́dain̄ na: Ī-lōō ɓīī! Tá nin̄ asən̄ ndóōsí yá̰á̰ kógə̄ḿ alé. Rāān̄ lɔ́r ō, gində̄ arjā̰a̰ ō, gidə yá̰á̰ kə́ tɔ́sə̄ gə̄ ní tə́ rɔ̄kum. Banī koō kə́ yā rāādə́ kadə̄ ndin̄ kə kumdə́ gətóo kemdə́ tə́!

IJAI 57:13

Dan ń ā ī-ɓāŕ yá̰a̰ kadə̄ ajiīn̄ tə́ anī, ādə̄ nə́ɓā yāí kə́ rɔ̄kum aĺ gə̄, kə́ majən̄ aĺ ngá̰ý gə̄ malang ní ajiīn̄! Nél a ɔydə́ malang yā kaw̄ sedə́ kɔ̄ɔ́, koō kógə̄ḿ a ndɔ́tə̄ sedə́ kɔ̄ɔ́. Ba ngé gə̄ ń nge ngɔ̄m̄də́ i mā ní, a əngen̄ ɓē tītə̄ yá̰a̰ haladə́ beē ō, nin̄ a əngen̄ mbal̄ bo yāḿ kə́ táĺ ō.