JEREMI 2:27 - Bibəl ta Sar̄

²⁷ Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

Bible sar

²⁷ Nin̄ ədan̄ kāgə̄ na: Ḭ̄ i bɔbə́ḿ, nin̄ ədan̄ mbal̄ na: I ḭ̄ n ójəm̄. Rɔ̄kum, nin̄ tūrə̄n̄ i gə́ra gōdə́ n ɔjəmə̄n̄ ba i nɔtə nodə́ alé. Ba dan nəkɔ́ ń yá̰á̰ kə́ to kum tō ndoō teē dɔdə́ tə́ anī, nin̄ ədamə̄n̄ na: Ḭ́ḭ dɔɔ́, ájə́jí!

JEREMI 2:27 Referans Kwoze

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

OJEE 7:14

Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

EJEKIEL 23:35

I tām̄ najə̄ ń toō tə́ n yá̰á̰ ń m-ə́dá ní n toó ní, m-ə́da na: Jerusalem, dɔí ndígə̄naləḿ kɔ̄ɔ́ ō, ḭ̄ ə́ya̰m̄ kɔ̄ɔ́ ō. I beé ɓá ní, īkɔ́ ā ī-ndíbə̄ hor yá̰á̰ ń hálí kə́ to rɔ̄sɔl̄ adə̄ i háĺ ájə́ba reēń dɔí tə́ ní.

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə loo tun̄ yá̰á̰ tə́. Nin̄ tūrə̄n̄ gidədə́ adə̄n̄ loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

JEREMI 22:23

Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

JEREMI 18:17

m̄-tə̄ndā m̄-tḭ̄ḭ̄də́ no madə̄ ba̰ā̰də́ gə̄ tə́ tītə̄ nél kə́ dūn̄ ɓē tə́ ń a əla noó beē. Ndɔ̄ ń a tetən̄neédə́ rɔ̄ɔ̄ tə́ ní, m-ā m̄-tūr̄ gidəḿ tadə́ tə́, nin̄ a a̰a̰n̄ ta kumḿ alé.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

JEREMI 2:24

Kó̰o̰ kərō kə́ bembeé, kə́ ger̄ dəla loo majə! Dan ń ngur kadə̄ kərō kə́ bəra ḭḭ dɔn tə́ rāān á ni un sēēn kə gō nélé ní, i náā n asə dəban ní? Kɔr rāā ngé gə̄ malang ń ndəlenən̄ ní alé, nin̄ əngenən̄ kem nāā yān tə́.

JEREMI 30:7

I yá̰á̰ kə́ to kum kaȳ aĺ kə́ ba̰ý beē! Rɔ̄kum, ndɔ̄ ní i ndɔ̄ kə́ to ɓōĺ ngá̰ý, ndɔ̄ kə́ tītə̄n gətóo. I kum mbang wur kɔl kə́ to ɓōĺ ngá̰ý tām̄ yā Jakob tə́. Banī ni a teē kum tə́ karī.

JEREMI 37:3

Mban̄g Sedekias əla Yehukal, kə́ ngōn̄ Selemia ō, Sepania nge tun̄ yá̰á̰ kə́ ngōn̄ Maseya ō, rɔ̄ Jeremi nge koō ta tə́ kadə̄ ədanən̄ na: m̄-rāāī ɓɔ́ ba ɔ̄r̄ najə̄ kə Kɔ́ɔ̄ɓē Nə́ɓā yājí tām̄ yājí tə́!

DANIEL 9:7

Ɓōólaā Kɔ́ɔ̄ɓē najə̄ i yāí ba yājí i rɔ̄sɔl̄, i rɔ̄sɔl̄ yā Juda gə̄ ō, de kə́ Jerusalem gə̄ ō, Israel gə̄ malang kə́ ngɔr gə̄ ō kə́ sa̰y gə̄ ō, nin̄ ń ī-tə̄ndā ī-tḭ̄ḭ̄də́ kə̄ kem ɓē gə̄ tə́ malang najə̄ yā yá̰á̰ kə́ gōtə́ aĺ ngá̰ý ń nin̄ rāān̄ seí tə́ ní.

OJEE 4:12

Nin̄ aw̄n̄ sāā tə́ rɔ̄ kāgə̄ kə́ tɔ́sə̄ tə́ ō, i gūrū kāgə̄ n i nge daldə́ najə̄ ō. Néĺ ájə́ba kógə̄ḿ əla dɔdə́ tə́ ba rāādə́ adə̄ əya̰n̄ róbə́ kə́ majə kɔ̄ɔ́. Loo ń noō tə́ nin̄ rāān̄ ájə́ba kə ta kūl̄ kəya̰m̄ mā Nə́ɓā yādə́ kɔ̄ɔ́ ba kaw̄ sa̰y.

2 YÁ̰A̰ GƏ̄ 29:6

Tɔdɔ̄ bɔbə̄jí gə̄ rāān̄ yá̰á̰ kə́ gōtə́ aĺ ō, rāān̄ majaĺ ta kum Kɔ́ɔ̄ɓē Nə́ɓā yājí tə́ ō, nin̄ əya̰nən̄ kɔ̄ɔ́, unən̄ kumdə́ kɔ̄ɔ́ ta kújə yān tə́ ō, tūrə̄n̄ gidədə́ adə̄nən̄ ō.

JEREMI 42:2

kə̄ rɔ̄ Jeremi nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.