JEREMI 2:22 - Bibəl ta Sar̄

²² Ká ré ī-ndogə̄ man̄ i kə sabūnūú aké ī-ndogə̄ man̄ i kə sabūn̄ katāá gə̄gē anī, yá̰á̰ kə́ to yḛr kum ń ī-rāā ní a to ta kumḿ tə́ ɓáý. Najə̄ ń Kɔ́ɔ̄ɓē Nə́ɓā əda ní n noó.

Bible sar

²² Ká ré ī-ndogə̄ man̄ i kə sabūnūú aké ī-ndogə̄ man̄ i kə sabūn̄ katāá gə̄gē anī, yá̰á̰ kə́ to yḛr kum ń ī-rāā ní a to ta kumḿ tə́ ɓáý. Najə̄ ń Kɔ́ɔ̄ɓē Nə́ɓā əda ní n noó.

JEREMI 2:22 Referans Kwoze

JEREMI 17:1

Yá̰á̰ kə́ gōtə́ aĺ yā Juda i kə́ ndang kə gəreé ō, kə diyamā̰a̰ kə́ ta nīmbə́ ō. Ndangən̄ i ngarā̰ kemdə́ tə́ ō, i dɔ gajə loo tun̄ yá̰a̰ gə̄ tə́ ō.

Makətūbə̄ yā Job 14:17

Ḭ̄ ī-tūr̄ mbātə́ najə̄ yāḿ gə̄ kem ngɔngɔɔ́ ba ūtə̄ ta ō, yá̰á̰ kə́ gōtə́ aĺ ń m̄-rāā ní, ī-utə̄ gidə kə hō̰rō̰ó̰ kɔ̄ɔ́.

OJEE 13:12

Yá̰á̰ kə́ ɔjə kadə̄ Epəraim rāā yá̰á̰ kə́ gōtə́ aĺ ní, i kə́ ngɔ̄m̄ majə ō, nge kə́ ɔjə kadə̄ ni mān̄ dɔ ndū Nə́ɓā ní, to i loo kə́ yá̰a̰ a ɔdə rɔ̄ tū tə́ aĺ tə́ ō.

JEREMI 16:17

Tɔdɔ̄ m-ə̄ndā kumḿ dɔ róbə njə̄rādə́ gə̄ tə́ malang. Nin̄ ton̄ loo ɓɔ̄ɔ̄ rɔ̄ tə́ ta kumḿ tə́ aĺ ō, yá̰á̰ kə́ gōtə́ aĺ yādə́ a to ta kumḿ tə́ ngándáńg ō.

PĀ GƏ̄ 130:3

Kɔ́ɔ̄ɓē, ré ə́hɔ i gíŕ yá̰á̰ kə́ gōtə́ aĺ gə̄ anī, i náā n a asə ndi kə kumneé ní?

AMOS 8:7

Kɔ́ɔ̄ɓē ənī ndūn kə ngangá ngá̰ý əda na: Israel ɔjə rɔ̄n kə ɓē yānneé. I beé ní, m̄-túbə̄ kə ɓē ń toō, loo rāā yá̰a̰ yāsí gə̄ ní, dɔḿ a ndigə̄nal aĺ i kə́ bátə́ gə̄ tə́.

PĀ GƏ̄ 90:8

Ḭ̄ ī-tə́ndā yá̰á̰ kə́ gōtə́ aĺ gə̄ ń jə-rāā ní ta kumií tə́. Loo kə́ unjə̄ kow yāí unjə̄ dɔ yá̰a̰ yājí gə̄ kə́ ton̄ loo mundə̄ tə́.

NDŪ NAJƏ̄ 32:34

Yá̰á̰ ń mā Kɔ́ɔ̄ɓē m-ə̄ndā dɔ danaá jəke loo mundə̄ tə́ ní n toó, yá̰á̰ ń m̄-ngɔ̄m̄ tām̄ yādə́ tə́ ní n toó.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

2 SAMUEL 11:12

Dabid əda Uri na: Majə. Ɓōólaā ī-ndi laā ɓáý. Bírí anī m-ā m-ə́ya̰ī kadə̄ ī-tél āw̄ gogə́. Adə̄ Uri ndi Jerusalem bátə́ loo ti dɔn tə́.

EJEKIEL 24:6

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɓē ń mósə taā loo kə́ kemeé malang ní, yá̰á̰ kə́ to kum kaȳ aĺ i tām̄ yān tə́! Ni to i tītə̄ jóo ndīr̄ yá̰á̰ kə́ əhɔ kārā kə́ deē asə tə́go aĺ beé. Ī-kə̄tó kūrū dā̰ gə̄ malang, kógə̄ḿ kógə̄ḿ kə gō naá, kanjə̄ túgə̄ wə̄lā dɔ kūrū dā̰ gə̄ ní tə́.