JEREMI 2:20 - Bibəl ta Sar̄

²⁰ Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

Bible sar

²⁰ Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

JEREMI 2:20 Referans Kwoze

NDŪ NAJƏ̄ 12:2

Loo rāā ɓesə̄ yā nápar de gə̄ ń ā ī-taāī dɔ nang yādə́ á i dɔ mbal̄ bo gə̄ tə́ ō, dɔ ngán mbal̄ gə̄ tə́ ō, gír kāgə̄ gə̄ kə́ mbīdə́ i ngá̰ý tə́ ō ní, ā ī-nujiīneé kɔ̄ɔ́ malang.

LEBI GƏ̄ 26:13

Mā i Kɔ́ɔ̄ɓē Nə́ɓā yāsí kə́ nge teē sesí kɔ̄ɔ́ kem ɓē kə́ Ejiptə tə́, kə́ nge kɔr̄sí ɓəloó kɔ̄ɔ́. m̄-tétə̄ njúkə yāsí kɔ̄ɔ́ ō, m-ādə̄ ɔ̄rī dɔsí ī-njə̄rāiń ō.

JEREMI 17:2

Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

OJEE 3:3

M-ə́dan na: Ā ī-ndi ɓēé dan i ngá̰ý ō, ā ī-rāā ájə́ba to̰ aĺ ō, ā ī-ɓīī kə de kə́ dəngam kógə̄ḿ to̰ aĺ ō, mə̄kɔ́ m-ā m̄-rāā beé seí ō.

JEREMI 30:8

Ndɔ̄ ń noō tə́ ní m-ā m̄-tétə̄ njúkə yān naā tə́ ō, m-ā m-ɔ̄r̄ kɔ̄ɔ́ míndən tə́ ō, m-ā m̄-gán̄g kəlān gə̄ ō. Ni a əla dɔn gíŕ tɔ́gə yā tə̄rā gə̄ tə́ to̰ aĺ i kə́ bátə́ gə̄ tə́.

IJAI 1:21

Ɓē kə́ ra dɔ ndūn tə́ ń toō rāā i ba̰ý n télń dəyá̰ kə́ nge rāā ájə́ba ní? Kété ní, de gə̄ ɓōlə́n̄ gidə yá̰á̰ kə́ súmūú kem ɓē kə́ Jerusalem tə́ ō, i de kə́ gōtə́ gə̄ n ndin̄ kem ɓēé ní ō. Ba ngɔlaā ń toō i ngé tɔ̄l̄ de gə̄ n taān̄ loo kem ɓēé ní.

NAHUM 1:13

Ngɔlaā ní, m̄-nujə ko̰o̰ ɓē ń taā tɔ́gə́sí kɔ̄ɔ́ ní ō, m̄-tútə́ súĺ yāsí gə̄ kɔ̄ɔ́ ō.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.

EJEKIEL 23:5

Banī Ohola rāā ájə́ba, tá ni i yāḿ mā. Madə̄ ɓēn gə̄ ń i de kə́ Asiri gə̄ ní, ni gḛydə́ ngá̰ý ō, rāādə́ i ngé sāān gə̄ tə́ ō.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

EJEKIEL 16:41

a tə́lan̄ hor dɔ kújə yāí gə̄ tə́ ō. Sarya ń i kə́ gān̄g dɔí tə́ ní, nin̄ a unən̄ yā rāań yá̰a̰ seí i tītə̄ ń noō ta kum kósə dəyá̰ madí kə́ ngá̰ý gə̄ tə́. M-ā m̄-gān̄g ta ndɔ̄ ájə́ba yāí kɔ̄ɔ́ ō, ā ásə kəgā ngé sāāí gə̄ to̰ aĺ ō.

EJEKIEL 16:31

Ḭ̄ ī-rāā loo kə́ kḭḭ kə̄ dɔɔ́ ta gajə róbə gə̄ tə́ malang tām̄ yāí tə́ ō, ḭ̄ ī-rāā loo kə́ kadə̄ kum de gə̄ malang i dɔ tə́ ndágə loo gə̄ tə́ tām̄ yāí tə́ ō. Banī ḭ̄ n ī-ndējə̄ nar gírí tītə̄ ń gotə ájə́ba kə́ rang gə̄ a rāānəń ní alé.

EJEKIEL 16:28

Ájə́ba ń ī-rāā kété ní tɔ̄l̄ ɓōí alé, adə̄ ī-rāā ájə́ba kə de kə́ Asiri gə̄ ɓáý. Nge ń noō gə̄gē ní asiī aĺ ɓáý.

IJAI 14:25

M-ā m̄-nujə ko̰o̰ ɓē yā Asiri kɔ̄ɔ́ kem ɓē yān tə́, m-ā m̄-rējə̄də́ dɔ mbal̄ bo yāḿ gə̄ tə́. Nin̄ rāān̄ adə̄ ko̰o̰ ɓē yādə́ ɔȳ gír deē yāḿ gə̄ tītə̄ njúkə beé, m-ā m-ún kɔ̄ɔ́. Nin̄ əndān̄ yá̰á̰ kə́ ɔȳ dɔ bɔ̄gə̄ gír deē yāḿ gə̄ tə́. M-ā m-ūsə̄ yá̰á̰ kə́ ɔȳ ní nang tə́ kɔ̄ɔ́.

IJAI 10:27

Ndɔ̄ ngeé ń noō tə́ ní, yá̰a̰ kətō ń ndi mbajə dɔ bɔ̄gīí tə́ ní, yá̰a̰ kətō ń ɔȳ míndí tītə̄ njúkə beé ní, ni a un kɔ̄ɔ́. Madə̄ ba̰ā̰ gə̄ aw̄n̄ Samari,

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

PĀ GƏ̄ 78:58

Rāān̄ loo ndɔ̄ȳ gə̄ adə̄n̄neé Kɔ́ɔ̄ɓē wōn̄g. Ɓesə̄ yādə́ gə̄ rāān̄ Kɔ́ɔ̄ɓē adə̄ jang rāān.

1 MBAN̄G GƏ̄ 12:32

Jeroboam rāā nāā kógə̄ḿ kə́ to tītə̄ nge ń a rāān̄ Juda ní kem nāā kə́ nge ko̰ sɔ́sɔ́ tə́, kə ndɔ̄ nāā kə́ nge ko̰ kutə gidə i mí, ba nəkɔ́ aĺ aw̄ tun̄ yá̰a̰ dɔ loo tun̄ yá̰á̰ tə́. Ni-rāā tītə̄ ń noō Betel ō, tun̄ yá̰a̰ adə̄ duĺ man̄g gə̄ ń ni rāādə́ ní ō. Ngé tun̄ yá̰a̰ gə̄ kə́ loo ndɔ̄ȳ gə̄ tə́ ń ni əndādə́ kem kəla tun̄ yá̰á̰ tə́ ní, əndādə́ Betel ō.

1 SAMUEL 12:10

Loo ń noō tə́ kaasí gə̄ nōōn̄ kə̄ dɔ Kɔ́ɔ̄ɓē tə́ kadə̄ rāā sedə́ ɓáý to̰, ədanən̄ na: Kɔ́ɔ̄ɓē, jə-rāā yá̰a̰ majə alé. J-əya̰ī kɔ̄ɔ́ ba jə-rāā ɓesə̄ Baal gə̄ ō, ɓesə̄ Astarte gə̄ ō. Ba ngɔlaā ré ī-gān̄g dɔjí jī madə̄ ba̰ā̰jí gə̄ tə́ anī j-a jə-rāā kəla yāí.

JOJUE 24:26

Jojue ndang najə̄ gə̄ ní kem makətūbə̄ ndū najə̄ yā Nə́ɓā tə́. Gō tə́ anī ni un mbal̄ kə́ ba, udə kə nja dɔɔ́ gír kāgə̄ sén tə́, loo kə́ táĺ yā Kɔ́ɔ̄ɓē tə́.

JOJUE 24:24

De gə̄ tél ədan̄ Jojue na: A̰á̰ā̰, j-a jə-rāā kəla yā Kɔ́ɔ̄ɓē ń i Nə́ɓā yājí ní ō, j-a j-oō tan ō.

JOJUE 1:16

Nin̄ tél ədan̄ Jojue na: Yá̰a̰ malang ń ə́dájí kadə̄ jə-rāā ní, j-a jə-rāā ō, loo malang ń ə́lájí tū tə́ ní j-a j-aw̄ ō.

NDŪ NAJƏ̄ 26:17

Ɓōólaā ī-rāā ādə̄ Kɔ́ɔ̄ɓē ənī ndūn adī, əda na ni i Nə́ɓā yāí loo ń ún gō róbə yān gə̄ ō, ōō tan ī-ngɔ̄məń ndū najə̄ yān gə̄ ō, gō míndən gə̄ ō, jī-bēl̄ loo rāā yá̰a̰ yān gə̄ ō ní.

NDŪ NAJƏ̄ 15:15

Ādə̄ əga kemií na kété ní ḭ̄ i ɓəlo dɔ nang kə́ Ejiptə tə́ ba i Kɔ́ɔ̄ɓē Nə́ɓā yāí n gān̄g dɔí ní. I tām̄ najə̄ ń noō tə́ n m-ə́daīneé yá̰á̰ ń toō ɓōólaā ní.

NDŪ NAJƏ̄ 5:27

Adə̄ ḭ̄ Moijə, ī-ndɔ́tə̄ kə̄ rɔ̄ Kɔ́ɔ̄ɓē Nə́ɓā yājí tə́, ōō najə̄ malang ń a ɔr̄ seí ní, ba ī-reē ə̄nījí gotə. Na j-a j-oō ō, j-a jə-rāā yá̰á̰ ń ni-əda ní ō.

NDŪ NAJƏ̄ 4:34

Aké nə́ɓā kógə̄ḿ nāā kɔr̄ deē yān gə̄ kɔ̄ɔ́ ɓá jī madə̄ ba̰ā̰də́ gə̄ tə́ kə ta kūl̄ yá̰a̰ nāā gə̄ ō, yá̰a̰ kɔjə gə̄ ō, yá̰á̰ kə́ yáā gə̄ ō, rɔ̄ɔ̄ kə́ rɔ̄ɔ̄ de gə̄ ō, kə jīn kə́ ngan̄g ngá̰ý ń əla kə̄ dɔɔ́ ní ō, kə yá̰á̰ kə́ to ɓōĺ ngá̰ý gə̄ ō, kɔ̄ɔ́ ɓá tītə̄ ń Kɔ́ɔ̄ɓē Nə́ɓā yāsí rāań adə̄ á̰a̰ī Ejiptə tə́ ní a?

NDŪ NAJƏ̄ 4:20

Banī Kɔ́ɔ̄ɓē ɔysí sḭḭ̄ teē sesí kɔ̄ɔ́ kem ɓē kə́ Ejiptə ń rāā rɔ̄n i hor nō gində̄ tə́ kə́ njɔ́ḿ gə̄ tə́ ní, yā kadə̄ ī-téliī gír deē yān gə̄ kə́ yá̰a̰ halan gə̄ tə́ tītə̄ ń ī-ndiīneé jīsí tə́ ɓōólaā toó.

Teē Ngán Israel gə̄ 24:3

Moijə tél aw̄ əda ngán Israel gə̄ najə̄ gə̄ ń Kɔ́ɔ̄ɓē ɔr̄ seneé ní malang ō, yá̰a̰ gə̄ ń ədan kadə̄ rāān̄ ní malang ō. Anī ngán Israel gə̄ ədan̄ naā tə́ malang na yá̰a̰ gə̄ ń Kɔ́ɔ̄ɓē əda ní na n-a n-rāān̄ malang.

Teē Ngán Israel gə̄ 19:8

Ngán Israel gə̄ tél ədan̄ gidə kógə̄ḿ naā tə́ malang na n-a n-rāān̄ yá̰a̰ gə̄ ń Kɔ́ɔ̄ɓē əda ní malang. Moijə aw̄ əda Kɔ́ɔ̄ɓē najə̄ ń ngán Israel gə̄ ədan̄ ní.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

JEJU TEĒ KUM JA̰A̰ 17:1

Anī de kə́ dɔ rā̰ tə́ kógə̄ḿ dan ngé kə́ sīrí gə̄ ń kópə kə́ sīrí gə̄ i jīdə́ tə́ ní, reē ɔr̄ najə̄ seḿ, ədam̄ na: Ī-reē ādə̄ m-ɔ́jiī sarya yā dəyá̰ kə́ nge rāā ájə́ba ngá̰ý ń ndi kadə bā bo gə̄ tə́ ní.

1 MBAN̄G GƏ̄ 14:23

Rāān̄ loo ndɔ̄ȳ gə̄ tītə̄ yā kaadə́ gə̄ ō, túdə̄n̄ mbal̄ gə̄ kə nja kə́ dɔɔ́ ō, túdə̄n̄ kāgə̄ ɓesə̄ kə́ yā ɓōĺ gidə gə̄ kə̄ dɔ ngán mbal̄ gə̄ tə́ malang ō, gír kāgə̄ gə̄ kə́ mbīdə́ əga ku gə̄ tə́ malang ō.

PĀ GƏ̄ 107:14

Ni teē sedə́ kɔ̄ɔ́ kum til tə́ ō, taādə́ jī yo tə́ ō, gán̄g kəlā gə̄ ń tṵ́ṵ̄n̄neédə́ ní kɔ̄ɔ́ ō.

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

JEREMI 3:13

Majə kadə̄ ī-gēr̄ gō majaĺ ń ī-rāā ní. I Kɔ́ɔ̄ɓē Nə́ɓā yāí n ī-mbātə́n ní. ī-ndi gotə kógə̄ḿ alé ba ī-tə́lá halí naā tə́ kə nə́ɓā kə́ mbā gēé kə gír kāgə̄ kə́ mbōl̄ gə̄ malang. Sḭḭ̄ ōōī ndūḿ alé. Najə̄ ń Kɔ́ɔ̄ɓē əda ní n noó.

JEREMI 5:5

Adə̄ m-ə́da na m-ā m̄-tūr̄ rɔ̄ḿ kə̄ rɔ̄ de kə́ bo gə̄ tə́ yā kɔr̄ najə̄ sedə́. Tɔdɔ̄ nin̄ gerə̄n̄ róbə yā Kɔ́ɔ̄ɓē ō, gerə̄n̄ jī bēl̄ loo rāā yá̰á̰ yā Nə́ɓā yādə́ ō. Ba m-á̰a̰ kadə̄ i de kə́ tītə̄ naā gə̄, adə̄ nin̄ tétə̄n̄ júk kɔ̄ɔ́ ō, gángə̄n̄ kəlā gə̄ kɔ̄ɔ́ ō.

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

OJEE 4:13

Nin̄ rāān̄ yá̰a̰ kəsa kə́ yā ɓōĺ gidə gə̄ dɔ mbal̄ gə̄ tə́ ō, róōn̄ ndujə̄ yá̰á̰ kə́ kotə majə gə̄ dɔ ngán mbal̄ gə̄ tə́ ō, gír kāgə̄ gə̄ kə́ ndíĺdə́ majə tə́ ō. I tām̄ najə̄ ń noō tə́ n ngáńsí kə́ dəyá̰ gə̄ a rāān̄ ájə́ba ō, umsí kə́ dəyá̰ gə̄ a gólə̄n̄ ngaadə́ gə̄ ō ní.

NGÉ SARYA 2:11

Adə̄ ngán Israel gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ ndɔ̄ȳn̄ ɓesə̄ Baal gə̄.

NGÉ SARYA 2:13

Nin̄ əya̰n̄ Kɔ́ɔ̄ɓē kɔ̄ɔ́ ba ndɔ̄ȳn̄ ɓesə̄ Baal gə̄ kə ɓesə̄ Astarte gə̄.

NGÉ SARYA 10:6

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰. Nin̄ ndɔ̄ȳn̄ ɓesə̄ Baal gə̄ ō, ɓesə̄ Astarte gə̄ ō, ɓesə̄ gə̄ yā Aram gə̄ ō, Sidon gə̄ ō, Moab gə̄ ō, ngán Amon gə̄ ō, Pilistin gə̄ ō. Nin̄ əya̰n̄ Kɔ́ɔ̄ɓē kɔ̄ɔ́ ba rāān̄ kəla yān to̰ alé.

PĀ GƏ̄ 2:3

Nin̄ ədan̄ na: Ādə̄ jə-gángī kəlā yādə́ gə̄ ń tɔ́ɔ̄n̄neéjí ní kɔ̄ɔ́! Jə-mbātíīdə́, ādə̄ ndin̄ dɔjí tə́ to̰ alé!

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.