JEREMI 2:18 - Bibəl ta Sar̄

¹⁸ Ngɔlaā ní i rí n nelī ngá̰ý kum róbə́ kə́ Ejiptə tə́, kadə̄ āw̄ ā̰ȳ man̄ bā kə́ Nil tə́ ní? I rí n nelī ngá̰ý kum róbə́ kə́ Asiri tə́, Kadə̄ āw̄ ā̰ȳ man̄ kə́ bāá ní?

Bible sar

¹⁸ Ngɔlaā ní i rí n nelī ngá̰ý kum róbə́ kə́ Ejiptə tə́, kadə̄ āw̄ ā̰ȳ man̄ bā kə́ Nil tə́ ní? I rí n nelī ngá̰ý kum róbə́ kə́ Asiri tə́, Kadə̄ āw̄ ā̰ȳ man̄ kə́ bāá ní?

JEREMI 2:18 Referans Kwoze

JOJUE 13:3

i dɔ nang ń rāānən̄ i dɔ nang yā Kanaan gə̄ tə́ ní ō. Dɔ nang ní i dɔ nang ń ḭḭ man̄ Sihor tə́ dɔ nin̄ loo kə́ Ejiptə tə́ bátə́ teēń gō nang kə́ Ekəron tə́ dām̄ mbɔ́r ɓē kə́ ko̰ó̰ tə́ ní. Mban̄g kə́ mí gə̄ yā Pilistin gə̄ ndin̄ i dɔ nang ní tə́ i mban̄g kə́ Gaja ō, kə́ Asdod ō, kə́ Askalon ō, kə́ Gat ō, kə́ Ekəron ō, Abit gə̄ ndin̄ dɔ nang ní tə́,

OJEE 7:11

Epəraim to i tītə̄ déŕ kə́ mbóo beé. Ni gír̄ yá̰a̰ alé. Ni ɓāŕ Ejiptə ba gō tə́ anī, ni aw̄ dɔ nang kə́ Asiri tə́.

JEREMI 2:36

Tītə̄ ń ḭ̄kɔ́ ī-rāā ādə̄ de gə̄ kídīnī sɔɔ̄ ń dɔ hál koō naā loo mundə̄ tə́ yāí gə̄ ní, rɔ̄í a sɔlī ngá̰ý Ejiptə tə́ ō, Asiri tə́ ō.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

OJEE 5:13

Epəraim ger̄ kadə̄ ni i mo̰y ō, Juda ger̄ kadə̄ ni-ənge do ō. Loo ń noō tə́ Epəraim tūr̄ rɔ̄n kə̄ rɔ̄ Asiri tə́, ni-əla de gə̄ rɔ̄ mban̄g kə́ bo kə́ ɓē ngeé ń noō tə́. Banī mban̄g ní asə rāā kadə̄ rɔ̄sí ngáā aĺ ō, asə rāā kadə̄ do yāsí edə̄ aĺ ō.

EJEKIEL 17:15

Banī mban̄g kə́ kijə ní mbātə́ ta mban̄g kə́ Babilon, adə̄ əla de gə̄ Ejiptə tə́, kadə̄ ɓē kə́ Ejiptə adə̄n sə́nda gə̄ ō, ngé rɔ̄ɔ̄ gə̄ ngá̰ý ō. Deē ń rāā yá̰á̰ ń noō ní a asə a? Deē ń rāā yá̰a̰ beé ní a asə kaw̄ kum kə̄ kété a? A̰ á̰, ni a asə teē kum tə́ alé, tām̄ ni-ra dɔ ndūn ń ənī tə́ ní alé.

NŌŌ RƆ̄ 4:17

Jḭḭ tā anī, kumjí roō kɔ̄ɔ́ loo ngóō ta de kə́ yā kadə̄ reē dḭḭ̄jí tə́. Jə-nda loo ngɔ̄m̄ loo yājí gə̄ tə́ jə-ngóoń ta reē nápar de kə́ tɔ́gə́də́ asə kajəjí aĺ gə̄.

IJAI 7:20

Ndɔ̄ ngeé ń noō tə́ ní, Kɔ́ɔ̄ɓē a un nə́ngá kógə̄ḿ gidə bā Opəratə tə́, nə́ngá ní i mban̄g kə́ Asiri. A̰á̰ā̰, ni a dəsā dɔsí ō, a dəsā bḭḭ̄sí malang kə́ rɔ̄sí tə́ ō, mbāýsí gə̄gē ni a dəsā kɔ̄ɔ́.

IJAI 23:3

Yá̰á̰ ń de gə̄ dubə̄n̄ kə gō kadə bā Nil ní, yá̰á̰ ń de gə̄ əjan̄ kə gō kadə bā Nil ní, kété i yá̰a̰ kənge yā ɓē kə́ Sidon. Kété ní, ɓē ní tél i súkə̄ yā nápar de gə̄.

EJEKIEL 16:28

Ájə́ba ń ī-rāā kété ní tɔ̄l̄ ɓōí alé, adə̄ ī-rāā ájə́ba kə de kə́ Asiri gə̄ ɓáý. Nge ń noō gə̄gē ní asiī aĺ ɓáý.

2 YÁ̰A̰ GƏ̄ 28:16

Dan ngeé ń noō tə́ ní mban̄g Akaj əla de gə̄ rɔ̄ mban̄g kə́ Asiri tə́ yā dəjen̄ kadə̄ reē kə dḭḭ̄n.

JEREMI 31:22

Ngōmandə kə́ nge túy taā kem yān, ā ɔ̄r̄ rɔ̄í kə̄ gogə́ yā ndi kə kérí tītə̄ de kə́ mbóo i bátə́ rə́ngáý tə́? Kɔ́ɔ̄ɓē əndā yá̰á̰ kə́ kijə dɔ nang tə́. De kə́ dəyá̰ nong dəngam.

NŌŌ RƆ̄ 5:6

J-əla jījí i kum kə̄ rɔ̄ Ejiptə tə́ ō, rɔ̄ Asiri tə́ ō tá jə-gədeń yá̰a̰ j-əsa adə̄ ndān̄jí.

EJEKIEL 23:30

Yá̰á̰ ń rāā yá̰á̰ á rāān̄ yá̰á̰ kə́ tītə̄ ń noō seí ní n toó: Ḭ̄ ī-rāā kaya, de kə́ rá gə̄gē a ḭ̄ ī-ɓīī seneé, ī-rāā ájə́ba kə dəngam gə̄ kə́ dan nápar de kə́ rang gə̄ tə́, ḭ̄ ī-rɔȳ ɓesə̄ yādə́, adə̄ ī-tél de kə́ yḛr.