JEREMI 2:14 - Bibəl ta Sar̄

¹⁴ Israel ní i ɓəlo a, ojənən̄ i ɓəloó a? I tām̄ rí tə́ á ɓē kə́ rang gə̄ lángə̄nən̄ ta naā tə́ tītə̄ dā̰ beé ní?

Bible sar

¹⁴ *Israel ní i ɓəlo a, ojənən̄ i ɓəloó a? I tām̄ rí tə́ á ɓē kə́ rang gə̄ lángə̄nən̄ ta naā tə́ tītə̄ dā̰ beé ní?

JEREMI 2:14 Referans Kwoze

Teē Ngán Israel gə̄ 4:22

Ā ə́da Parao̰ na najə̄ ń Kɔ́ɔ̄ɓē əda ní n toó: Israel i ngōn̄ hágə́ḿ mā Nə́ɓā.

IJAI 50:1

Yá̰á̰ ń Kɔ́ɔ̄ɓē əda ní n toó: Sḭḭ̄ ə́daī na mā na m̄-tə̄ɓā kó̰ó̰sí Jerusalem kɔ̄ɔ́ rɔ̄kum. Ní, ɔ́jəmī makətūbə̄ ń m̄-ndang m̄-tə̄ɓānəń kɔ̄ɔ́ ní! Ə́daī na mā na m-ígə sesí kadə̄ āwī ɓəloó, na i yā kəgāń kə̄rā gə̄ kə́ dɔḿ tə́ rɔ̄kum. Ní, ə́damī dɔ deē ń m-ígə sesí jīn tə́ ní! Ré igən̄ sesí anī, i najə̄ yá̰a̰ rāāsí kə́ gōtə́ aĺ gə̄ tə́. Ré tə̄ɓān̄ kó̰ó̰sí anī, i najə̄ majaĺ yāsí gə̄ tə́.

KOHELET 2:7

m̄-mang ɓəlo kə́ dəngam gə̄ ō kə́ dəyá̰ gə̄ ō. M-āw̄ kə de kə́ ngé rāā kəla gə̄ kem ndogə̄ yāḿ tə́ ō. Yá̰a̰ kul̄ yāḿ kə́ bo gə̄ ō kə́ dūú gə̄ ō ní, i ngá̰ý tɔȳ yā de gə̄ malang ń ndin̄ Jerusalem kété noḿ tə́ ní.

Teē Ngán Israel gə̄ 12:49

Ndū najə̄ kə́ tām̄ yā ngán Israel gə̄ tə́ ō, kə́ tām̄ yā tə̄rā kə́ ngé nam̄ gə̄ ń ndin̄ dɔ nang yāsí tə́ ō ní i ndū najə̄ kə́ kógə̄ḿ beē.

JEREMI 5:19

Dan ń sḭḭ̄ ā ə́daī na: I tām̄ rí tə́ á Kɔ́ɔ̄ɓē yājí rāā adə̄ yá̰a̰ gə̄ ń toō malang rāān̄jí ní? Anī ā ə́dádə́ na: Sḭḭ̄ ī-mbātə́mī ba ī-rāāī kəla ādī nə́ɓā yā tə̄rā gə̄ dɔ nang yāsí tə́ ní, ā ī-rāāī kəla tītə̄ ń noō yā kadə̄ tə̄rā gə̄ dɔ nang kə́ ndetəsí aĺ tə́.

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.