JEREMI 2:12 - Bibəl ta Sar̄

¹² Sḭḭ̄, dɔ rā̰ gə̄, ādə̄ yá̰á̰ ń noō ɔr kumsí. Ādə̄ ɓōĺ rāāsí tāmə̄n̄ n tə́ ō, ādə̄ kə̄ngā sā gān̄gsí ō. Najə̄ ń Kɔ́ɔ̄ɓē əda ní n noó.

Bible sar

¹² Sḭḭ̄, dɔ rā̰ gə̄, ādə̄ yá̰á̰ ń noō ɔr kumsí. Ādə̄ ɓōĺ rāāsí tāmə̄n̄ n tə́ ō, ādə̄ kə̄ngā sā gān̄gsí ō. Najə̄ ń Kɔ́ɔ̄ɓē əda ní n noó.

JEREMI 2:12 Referans Kwoze

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

MISE 6:2

Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje Israel gíŕ yá̰a̰ rāān gə̄.

JEREMI 22:29

Dɔ nang yāḿ, dɔ nang yāḿ, ōō najə̄ yā Kɔ́ɔ̄ɓē.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

NDŪ NAJƏ̄ 32:1

Dɔ rā̰, ī-nēl̄ mbīí ōoń najə̄ kɔrə̄ḿ. Dɔ nang, ōō yá̰a̰ gə̄ ń m-ā m-ə́dá ní.

MATIYE 27:45

Loo ń mbang i dan ɓēé ní, loo gān̄g tíbə ripə, adə̄ loo kə́ risə til taā loo dɔ nang tə́ malang, bátə́ ugə̄ń mbang kə́ mətá kə́ loo sɔlí tə́.

JEREMI 4:23

M-á̰a̰ loo kə̄ dɔ nang tə́ anī, m-á̰a̰ kadə̄ dɔ ndágə doy ō, yá̰a̰ gətóo tū tə́ ō. M-á̰a̰ loo kə́ no rā̰ tə́ anī, m-á̰a̰ kadə̄ loo kə́ unjə̄ kow gətóo kɔ̄ɔ́ tū tə́.

IJAI 29:9

Ādə̄ ɔr kumsí ō, ī-ndiī kanjə̄ kəda yá̰a̰ ō. Ī-téliī ngé kum tɔ̄ɔ̄ gə̄ ō, ī-ndiī kanjə̄ ka̰a̰ loo ō. Ādī kasə rāāsí, ba i kanjə̄ ka̰ȳ kasə nduú. ī-bḭ́ḭ̄ḭ̄ sitə sitə, ba i kanjə̄ ka̰ȳ kasə.

JEREMI 18:13

Tā anī najə̄ ń Kɔ́ɔ̄ɓē əda ní n toó: Ī-dəjeī gír najə̄ dan nápar de gə̄ tə́, á̰a̰ī ké ōōī najə̄ kə́ beē ta deē kógə̄ḿ tə́ wa. Ngōmandə kə́ Israel tə́ rāā yá̰á̰ kə́ majaĺ kə́ to ɓōĺ ngá̰ý.