JEREMI 2:11 - Bibəl ta Sar̄

¹¹ Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

Bible sar

¹¹ Napár de gə̄ kə́ mbélə̄n̄ gíŕ nə́ɓā gə̄ ndin̄ noó a? Tá nin̄ i nə́ɓā gə̄ aĺ gə̄gē ɓáý. Banī gír deē yāḿ gə̄ ní, nin̄ a̰a̰n̄ kɔsə gɔn yāḿ gerə̄n̄ majə, ɓá tā ba nin̄-mbélə̄n̄ gírə́ḿ kə nə́ɓā kə́ rang gə̄ kə́ asən̄ rāā yá̰a̰ tām̄ yādə́ tə́ alé.

JEREMI 2:11 Referans Kwoze

Makətūbə̄ ń Pol ndang adə̄ Rom gə̄ ní 1:23

Kadə̄ ndɔ̄ȳn̄ Nə́ɓā ń i de kə́ bo kə́ ta ngóyn gətóó ní a, nin̄-ndɔ̄ȳn̄ ndíĺ yá̰á̰ kə́ tɔ́sə̄ kum gotə de gə̄ ō, yel̄ gə̄ ō, dā̰ gə̄ ō, kur̄ kə́ kagə nang tə́ gə̄ ō ń i yá̰á̰ kə́ a ndumən̄ karī gə̄ ní.

IJAI 37:19

Nin̄ ɓōkə́n̄ nə́ɓā yādə́ gə̄ kum hor tə́. Tām̄ nin̄ i nə́ɓā gə̄ alé, banī nin̄ i kāgə̄ kə́ tɔ́sə̄ gə̄, aláa nin̄ i mbal̄ gə̄ kə́ i de gə̄ n rāān̄də́ kə jīdə́.

JEREMI 16:20

Deē ndul gə̄ ń i nə́ɓā gə̄ aĺ ní asən̄ rāā nə́ɓā gə̄ tām̄ yādə́ nin̄ kɔ́ gə̄ tə́ a?

PĀ GƏ̄ 106:20

Nə́ɓā ń i kɔsə gɔn yādə́ ní nin̄ mbélə̄n̄ gírən kə yá̰á̰ kə́ rāā kadə̄ to tītə̄ man̄g ń i dā̰ kə́ a əsa mu ní!

MISE 4:5

Gotə́ gír de kə́ rang gə̄ malang ní, de gə̄ kógə̄ḿ kógə̄ḿ kə́ dandə́ tə́ a oōn̄ i ta nə́ɓā yādə́ gə̄. Banī jḭḭ j-oō i ta Kɔ́ɔ̄ɓē Nə́ɓā yājí kə́ njɔ́ḿ gə̄ tə́.

1 KORḚNTƏ 8:4

Najə̄ ń ī-dəjeī ní n toó, ī-dəjeī na ké ásiī kəsa dā̰ gə̄ ń tɔ̄lə̄n̄ ba tun̄ adə̄n̄ ɓesə̄ gə̄ ní wa. Jə-gerī kadə̄ ɓesə̄ i yá̰á̰ kə́ ɔsə kum gotə yá̰á̰ kə́ to rɔ̄kum dɔ nang tə́ laā aĺ ō, jə-gerī kadə̄ Nə́ɓā i kógə̄ḿ beē ngóy ō.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

PĀ GƏ̄ 115:4

Ɓesə̄ gə̄ yā nápar de gə̄ kə́ rāā kə gində̄ arjā̰a̰á̰ gə̄ ō, kə lɔ́rɔ́ gə̄ ō ní, i de gə̄ n rāān̄də́ kə jīdə́ ní.

PĀ GƏ̄ 3:3

Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

1 PIYER 1:18

Tɔdɔ̄ sḭḭ̄ kɔ́ gə̄ ī-gerī yá̰á̰ ń rāā yá̰á̰ á gāngə̄n̄neé dɔsí kɔ̄ɔ́ tū yá̰a̰ rāā kə́ kanjə̄ kumən gə̄ tə́ ń kaasí gə̄ ndóōn̄sí kə̄ kété ní. I yá̰a̰ gə̄ kə́ a nujən̄ kɔ̄ɔ́ tītə̄ gində̄ arjā̰a̰ aláa lɔ́r n gāngə̄n̄neé dɔsí ní alé.

GALATƏ 4:8

Jóo dan ń ī-gerī Nə́ɓā aĺ ɓáý ní, ī-rāāī kəla ɓəlo yā ngé gə̄ ń i nə́ɓā kə́ rɔ̄kum aĺ gə̄ ní.

1 SAMUEL 4:21

Ni-əndā rī ngōn̄ ní na i Ikabod. Kumən na Kɔsə gɔn gətóo kɔ̄ɔ́. Tɔdɔ̄ dəyá̰ ní əda na: Unən̄ kɔsə gɔn dɔ nang kə́ Israel tə́ aw̄n̄neé kɔ̄ɔ́. Ni-əda najə̄ ní sɔɔ̄ń i sandúkə yā Nə́ɓā ń i kə́ kun kɔ̄ɔ́ ní ō, sɔɔ̄ń i umən ō, ngaan ō.

2 YÁ̰A̰ GƏ̄ 13:9

Ngé tun̄ yá̰a̰ yā Kɔ́ɔ̄ɓē gə̄ ń i ngán Aaro̰ gə̄ ní ō, ngán Lebi gə̄ ō ní, sḭḭ̄ ī-tə̄ɓāīdə́ kɔ̄ɔ́ ba ī-gə̄rāī de gə̄ ə̄ndāīdə́ ngé tun̄ yá̰a̰ yāsí gə̄ tə́ tītə̄ ń gír de gə̄ kə́ kem ɓē kə́ rang gə̄ tə́ a rāān̄neé ní. Deē ń reē kə man̄g kə́ bəra kógə̄ḿ ō, bal batə̄ gə̄ sīrí ō, ɓá anī sḭḭ̄ ə̄ndāniī nge tun̄ yá̰á̰ tə́ kadə̄ rāā kəla adə̄ nə́ɓā kə́ nin̄ i Nə́ɓā aĺ gə̄.

JEREMI 5:7

Ń noō ní, loo kadə̄ m-ā m̄-mā̰ȳ rɔ̄ḿ dɔí tə́ i ba̰ý? Ngání gə̄ mbātə́mə̄n̄ kɔ̄ɔ́, ba túbə̄n̄ kə rī nə́ɓā kə́ rɔ̄kum aĺ gə̄. M-ādə̄də́ yá̰a̰ malang, banī nin̄ rāān̄ rāȳ. Nin̄ rɔ̄ɔ̄n̄ naā dɔ loo tə́ kem kújə yā dəyá̰ ájə́ba tə́.

JEREMI 18:13

Tā anī najə̄ ń Kɔ́ɔ̄ɓē əda ní n toó: Ī-dəjeī gír najə̄ dan nápar de gə̄ tə́, á̰a̰ī ké ōōī najə̄ kə́ beē ta deē kógə̄ḿ tə́ wa. Ngōmandə kə́ Israel tə́ rāā yá̰á̰ kə́ majaĺ kə́ to ɓōĺ ngá̰ý.

EJEKIEL 5:7

I tām̄ ń toō tə́ n, Kɔ́ɔ̄ɓē Nə́ɓā ɔr̄ najə̄ tītə̄ ń to beé əda na: Sḭḭ̄ ī-rāāī yá̰á̰ kə́ un gō naā aĺ gə̄ tɔȳ yā gír de kə́ rang gə̄ kə́ kem ɓē gə̄ ń ndin̄ gīrə̄n̄ gidəsí ní tə́. Sḭḭ̄ ə́laí dɔsí gír ndū najə̄ yāḿ gə̄ tə́ alé. Sḭḭ̄ ī-mbātíī rāā yá̰a̰ gə̄ ń m̄-rā dɔ tə́ ní ō, sḭḭ̄ úniī gō yá̰a̰ kāgə̄ ɓē yā nápar de gə̄ ń ndin̄ gīrə̄n̄ gidəsí ní alé ō.

EJEKIEL 14:5

I tītə̄ ń noō n najə̄ yāḿ a əsōń kem ngán Israel gə̄ ń əya̰mə̄n̄ kɔ̄ɔ́ ba aw̄n̄ sa̰y najə̄ yā nə́ɓā yādə́ kə́ rɔ̄kum aĺ gə̄ tə́ ní.

NDŪ NAJƏ̄ 32:16

Israel gə̄ rāān̄ yá̰á̰ kə́ majaĺ gə̄ ngá̰ý adə̄n̄neé Kɔ́ɔ̄ɓē wōn̄g ō. Nin̄ ndɔ̄ȳn̄ ɓesə̄ gə̄ adə̄ tōr̄ Kɔ́ɔ̄ɓē sedə́ ngá̰ý ō.

NDŪ NAJƏ̄ 32:21

Nin̄ rāān̄ adə̄ m̄-rāā jang kə yá̰á̰ ń i nə́ɓā aĺ ní, rāān̄ adə̄ wōn̄g rāām̄ kə ɓesə̄ gēé. Banī mā m-ā m̄-rāā kadə̄ nin̄ a rāān̄ jang kə de gə̄ kə́ nin̄ i gír de kə́ rɔ̄kum aĺ gə̄ ō, kadə̄ rāān̄ wōn̄g kə nápar de kə́ ger̄ yá̰a̰ aĺ gə̄ ō.

1 MBAN̄G GƏ̄ 11:33

Na n-a n-rāā yá̰á̰ ń noō na i tām̄ kəya̰ ń ngán Israel gə̄ na əya̰nən̄ ni Kɔ́ɔ̄ɓē kɔ̄ɔ́ ba na ndɔ̄ȳn̄ nə́ɓā Astarte ń i nə́ɓā kə́ dəyá̰ yā Sidon gə̄ ō, nə́ɓā Kemos ń i nə́ɓā yā Moab gə̄ ō, nə́ɓā Milkom ń i nə́ɓā yā Amon gə̄ ō ní tə́. Na unən̄ róbə gə̄ ń ni Kɔ́ɔ̄ɓē n-ɔjədə́ ní alé, adə̄ yá̰á̰ ń ta kumən ní tə́ i yá̰á̰ kə́ gōtə́ ní nin̄ na rāān̄ alé. Nin̄ na rāān̄ yá̰á̰ ń ndū najə̄ yān əda ní aĺ ō, na rāān̄ yá̰a̰ kə gō jī loo rāā yá̰a̰ gə̄ ń ni n-ɔjədə́ ní aĺ ō, yá̰á̰ ń Dabid bɔbə̄ Salomo̰ na rāā ní nin̄ na rāān̄ alé.

2 MBAN̄G 1:3

Anī de kə́ dɔ rā̰ tə́ yā Kɔ́ɔ̄ɓē əda Eli kə́ Tisbe na kə ḭḭ dɔɔ́ kə aw̄ kə tə́nī ta ngé kəla gə̄ yā mban̄g kə́ Samari, ba kə dəjedə́ na ké Nə́ɓā gətóo i mbée Israel tə́ áké aw̄n̄ sāá rɔ̄ Baal Jebul nə́ɓā kə́ Ekəron tə́ ní wa.