JEREMI 2:10 - Bibəl ta Sar̄

¹⁰ Ī-mān̄ āwī dor̄ gə̄ kə́ Kitim tə́ á̰a̰ī ō. Ə́laī de gə̄ Kedar ō, ī-dəjeī gír najə̄ kə gōó ō. Ə̄ndāī ma̰ȳ á̰a̰ī ké yá̰á̰ kə́ tītə̄ ń noō rāā yá̰a̰ aĺ ɓáý wa.

Bible sar

¹⁰ Ī-mān̄ āwī dor̄ gə̄ kə́ Kitim tə́ á̰a̰ī ō. Ə́laī de gə̄ Kedar ō, ī-dəjeī gír najə̄ kə gōó ō. Ə̄ndāī ma̰ȳ á̰a̰ī ké yá̰á̰ kə́ tītə̄ ń noō rāā yá̰a̰ aĺ ɓáý wa.

JEREMI 2:10 Referans Kwoze

PĀ GƏ̄ 120:5

Yá̰á̰ kə́ to kum kaȳ aĺ kə́ ba̰ý beē! Tɔdɔ̄ m̄-ndi ɓē dan tə̄rā gə̄ tə́, m̄-ndi dan de kə́ kumdə́ o̰o̰də́ aĺ gə̄ tə́.

1 KORḚNTƏ 5:1

De gə̄ malang ədan̄ na háĺ kə́ majaĺ na to dansí tə́, ba yá̰á̰ ní na majaĺ ngá̰ý al̄ naā, adə̄ de gə̄ kə́ nin̄ i Jipə aĺ gə̄ gə̄gē na rāān̄ háĺ kə́ tītə̄ ń noō alé. Tɔdɔ̄ ənīn̄ gotə najə̄ yāsí, ədan̄ na deē kógə̄ḿ dansí tə́ na aw̄ bátə́ sāā nə̄yá̰ bɔbə̄n loo kaya tə́!

DANIEL 11:30

De kə́ no ɓē tə́ gə̄ a reēn̄ kə to bo yādə́ gēé yā tā̰a̰ń rɔ̄ɔ̄, adə̄ tɔ́gən a ur̄ wak kɔ̄ɔ́. Ni a rāā wōn̄g ɓáý to̰ kə gír de gə̄ ń əhɔn̄ madə̄ naā kə́ táĺ kə Nə́ɓāá ní ō, ni a rāādə́ yá̰á̰ kə́ majaĺ ō, a oōn̄ naā kə ngé gə̄ ń əya̰n̄ madə̄ naā kə́ táĺ kɔ̄ɔ́ ní ɓáý to̰ ō.

EJEKIEL 27:6

Nin̄ tə́gān̄ i kāgə̄ sén gə̄ kə́ Basan n rāān̄nəń háy yāí gə̄ ní. Rāān̄ loo ra ngé nēl̄ to gə̄ i kə kāgə̄ sédər gə̄ kə́ dor̄ loo yā Gərek gə̄ tə́ kə́ rāān̄ ro̰n gə̄ i kə ngān̄g dā̰á̰.

IJAI 21:16

Tɔdɔ̄ yá̰á̰ ń Kɔ́ɔ̄ɓē ədam̄ ní n toó: Ɓāl̄ kógə̄ḿ ta asə naā anī, yá̰a̰ malang kə́ to rī ɓār̄ yā Kedar a gətóo kɔ̄ɔ́.

1 YÁ̰A̰ GƏ̄ 23:12

Ngán Kehat gə̄ i Amram ō, Isar ō, Hebron ō, Ujiel ō. Nin̄ deē sɔ́.

1 YÁ̰A̰ GƏ̄ 23:1

Dan ń Dabid əndā ngōnən Salomo̰ mban̄g dɔ Israel gə̄ tə́ ní, ni tɔgə ɓə́gá ngá̰ý kɔ̄ɔ́.

1 YÁ̰A̰ GƏ̄ 1:7

Ngán Yaban gə̄ i Elisa ō, Tarsis ō, Kitim ō, Rodanim ō.

NGÉ SARYA 19:30

De gə̄ malang ń a̰a̰n̄ yá̰á̰ ń noō ní ədan̄ na: Əla gír ndɔ̄ ń ngán Israel gə̄ teēnəń kɔ̄ɔ́ kem ɓē kə́ Ejiptə tə́ bátə́ ɓōólaā ní, yá̰á̰ kə́ beé rāā yá̰á̰ ɓá a? Ə̄ndāī ma̰ȳ najə̄ ń noō ō, ōōī yā naā ō, ba ə́daī yá̰á̰ kə́ dɔ tə́.

TƏ́DA 24:24

To bo gə̄ ḭḭn̄ kum kā̰ kə́ Kitim tə́ reē ugə̄n̄. Ngé taā ɓē gə̄ rāān̄ kum Asiri gə̄ ndoō tə́ ō, rāān̄ kum Eber gə̄ ndoō tə́ ō, banī ta tɔ̄l̄ tadə́ anī, nin̄ kɔ́ gə̄ a nujən̄ sák sák kɔ̄ɔ́ ō.

TA KƏLA 25:13

Rī ngán Ismael gə̄ kə gō kojədə́ gēé n toó: Nebayot ō, Kedar ō, Adəbeel ō, Mibəsam ō,

1 MBAN̄G GƏ̄ 9:9

Anī a tél a ədan̄də́ na i tɔdɔ̄ nin̄ əya̰n̄ Kɔ́ɔ̄ɓē Nə́ɓā yādə́ ń teē kə kaadə́ gēé kɔ̄ɔ́ kem ɓē kə́ Ejiptə tə́ ní. Nin̄ əya̰nən̄ kɔ̄ɔ́ ba tél namə̄n̄ kə nə́ɓā kə́ rang gə̄ ō, ɔsən̄ nodə́ nang tə́ nodə́ tə́ ō, rāān̄ kəla adə̄n̄də́ ō. I tām̄ ń noō tə́ n Kɔ́ɔ̄ɓē reēń kə yá̰á̰ kə́ to kum kaȳ aĺ gə̄ malang ń toō dɔdə́ tə́ ní.

IJAI 23:12

Ni-əda na: Sḭḭ̄ de kə́ Sidon gə̄, ā ásiī rāā nāā to̰ alé, ī-toī tītə̄ ngōmandə kə́ deē sāān dɔ gúu tə́ beē. Ká ré sḭḭ̄ āwī ō, ī-gāngī bā bo āwī bátə́ ūgī dor̄ kə́ Sipər tə́ ō gə̄gē anī, nú gə̄gē ní, ā ásiī kɔr̄ koō alé.

JEREMI 49:28

Kə́ tām̄ yā Kedar tə́ ō, ɓē ko̰o̰ kə́ Hasor tə́ ō ń Nabukodonosor, mban̄g kə́ Babilon tetədə́ rɔ̄ɔ̄ ní, najə̄ ń Kɔ́ɔ̄ɓē əda ní n toó: Ḭ́ḭī dɔɔ́, āw̄ ə̄nīī Kedar rɔ̄ɔ̄ ō, āw̄ ī-nujiī kə yá̰a̰ yā ngáń kə́ gír ɓē tə́ gēé malang kɔ̄ɔ́ ō.

EJEKIEL 5:7

I tām̄ ń toō tə́ n, Kɔ́ɔ̄ɓē Nə́ɓā ɔr̄ najə̄ tītə̄ ń to beé əda na: Sḭḭ̄ ī-rāāī yá̰á̰ kə́ un gō naā aĺ gə̄ tɔȳ yā gír de kə́ rang gə̄ kə́ kem ɓē gə̄ ń ndin̄ gīrə̄n̄ gidəsí ní tə́. Sḭḭ̄ ə́laí dɔsí gír ndū najə̄ yāḿ gə̄ tə́ alé. Sḭḭ̄ ī-mbātíī rāā yá̰a̰ gə̄ ń m̄-rā dɔ tə́ ní ō, sḭḭ̄ úniī gō yá̰a̰ kāgə̄ ɓē yā nápar de gə̄ ń ndin̄ gīrə̄n̄ gidəsí ní alé ō.

DANIEL 11:18

Gō tə́ anī ni a tūr̄ kumən kə̄ dɔ gō nang gə̄ kə́ kadə bā bo tə́ ō, gō nang gə̄ ní ni a taā kə́rēý gə̄ ngá̰ý kə tɔ́gɔ́ ō. Banī ngār kógə̄ḿ kə́ tə̄rā a rāā gír kɔjərɔ̄ yān a gān̄g ō, a rāā kadə̄ yá̰a̰ gə̄ ń kɔjə rɔ̄ yān ojədə́ ní téĺ tə́sōn̄ dɔn tə́ gogə́ ō.

IJAI 23:1

Najə̄ yā ɓē kə́ Tir. Sḭḭ̄ to bo gə̄ kə́ dan ɓūl̄ bā bo gə̄ tə́, úniī pā yo. Nujən̄ ta kā̰ kə́ Tir kɔ̄ɔ́, kújə gə̄ gətóon̄ kɔ̄ɔ́. I dan ń nin̄ reē ugə̄n̄ dor̄ kə́ Sipər tə́ ní n ōōn̄ gotə najə̄ ní.

EJEKIEL 16:16

Kūbə̄ yāí kə́rēý gə̄ kə́ majə ngá̰ý gə̄ ō, kə́ rāān̄ ɓáĺ yá̰a̰ gə̄ tū tə́ ō n ḭ̄ ɔ́ýdə́ ī-súuń loo ndɔ̄ȳ gə̄ ní ō, ī-rāā ájə́ba dɔ tə́ ō ní. Ba nge ń noō i yá̰á̰ kə́ majə kadə̄ rāā yá̰a̰ alé.

EJEKIEL 27:21

De kə́ Arab tə́ gə̄ ō, ngār gə̄ malang kə́ Kedar gə̄ ō rāān̄ gātə̄ i seí ḭ̄ḭ́. Nin̄ a mangən̄ yá̰a̰ jīí tə́ i kə ngán batə̄ gēé ō, i kə batə̄ gēé ō, i kə bə̄yā̰ gēé ō.