JEREMI 19:5 - Bibəl ta Sar̄

⁵ Rāān̄ loo kə́ kḭḭ kə̄ dɔɔ́ gə̄ kə rī ɓesə̄ Baal ba róōn̄ ngáńdə́ gə̄ horoó dɔ tə́ adə̄nən̄. I yá̰á̰ kə́ m-ādə̄də́ ndūḿ dɔ tə́ aĺ ō, m-ɔ̄r̄ najə̄n sedə́ aĺ ō, i yá̰á̰ kə́ m̄-gír̄ dɔ tə́ aĺ ō.

Bible sar

⁵ Rāān̄ loo kə́ kḭḭ kə̄ dɔɔ́ gə̄ kə rī ɓesə̄ *Baal ba róōn̄ ngáńdə́ gə̄ horoó dɔ tə́ adə̄nən̄. I yá̰á̰ kə́ m-ādə̄də́ ndūḿ dɔ tə́ aĺ ō, m-ɔ̄r̄ najə̄n sedə́ aĺ ō, i yá̰á̰ kə́ m̄-gír̄ dɔ tə́ aĺ ō.

JEREMI 19:5 Referans Kwoze

JEREMI 32:35

Rāān̄ loo kə́ ḭḭ kə̄ dɔɔ́ gə̄ tām̄ yā ɓesə̄ Baal tə́ wól loo kə́ Ben Hinom tə́, yā tɔ̄lə̄ń ngáńdə́ kə́ dəngam gə̄, kə kə́ dəyá̰ gə̄ dɔ tə́ yā kadə̄ ɓesə̄ Molok. I yá̰á̰ kə́ m-ə́dádə́ kadə̄ rāān̄ aĺ ō, i majaĺ kə́ to ɓōĺ ngá̰ý kə́ m̄-gír̄ mēr̄ ngán Juda gə̄ rāā kadə̄ nin̄ ndɔmə̄n̄neé ta róbə aĺ ō.

NDŪ NAJƏ̄ 12:31

Ā ī-ndɔ̄yī Kɔ́ɔ̄ɓē Nə́ɓā yāsí tītə̄ ń nin̄ a ndɔ̄ȳn̄neé ɓesə̄ yādə́ gə̄ ní alé. Tɔdɔ̄ yá̰a̰ malang kə́ to yḛr ta kum Kɔ́ɔ̄ɓē tə́ ō, yá̰a̰ malang ń nelə̄n aĺ ō ní, nin̄ rāān̄ tām̄ yā ɓesə̄ yādə́ gə̄ tə́. Nin̄ aw̄n̄ bátə́ tɔ̄lə̄n̄ ngán kemdə́ kə́ dəngam gə̄ ō, kə́ dəyá̰ gə̄ ō, ba róōn̄də́ horoó adə̄n̄ ɓesə̄ yādə́ gə̄.

LEBI GƏ̄ 18:21

Ā ī-tun̄ ngōnīí yā kadə̄ ɓesə̄ Molok alé, tɔdɔ̄ ré ī-rāā beé anī, ā ī-nujə i rī Nə́ɓā yāí. Mā i Kɔ́ɔ̄ɓē Nə́ɓā yāsí.

2 MBAN̄G 17:17

Ngáńdə́ kə́ dəngam gə̄ ō, kə́ dəyá̰ gə̄ ō ní, nin̄ róōn̄də́ horoó. Ndḛḛ̄n̄ sāā ō, ōōn̄ ta kɔdə̄ sāā gə̄ ō, rāān̄ yá̰á̰ kə́ majaĺ ta kum Kɔ́ɔ̄ɓē tə́ bátə́ adə̄ wōn̄g rāān ō.

DANIEL 2:29

Kɔ́ɔ̄ ɓē gə̄, dan ń ī-to nang tə́ ní, ī-to ā ī-gír̄ najə̄ i dɔ yá̰á̰ kə́ ndɔ̄ń tə́ ń a rāā yā reē tə́ ní. I tām̄ najə̄ ń noō tə́ n nge teē kə gíŕ yá̰á̰ kə́ to loo mundə̄ tə́ gēé ɔjiīneé yá̰á̰ kə́ a rāā yā reē ndōń tə́ ní.

EJEKIEL 38:10

Mā Kɔ́ɔ̄ɓē Nə́ɓā m-ə́da na: Kum mbang ngeé ń noō tə́ ní, gír̄ gə̄ ngá̰ý a reēn̄ dɔí tə́ ō, ā ī-núm̄ yá̰á̰ kógə̄ḿ kə́ a reē kə yá̰á̰ kə́ to kum kaȳ aĺ ō.

EJEKIEL 20:26

M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.

2 YÁ̰A̰ GƏ̄ 28:3

Ni-rāā yá̰á̰ kə́ yḛr kum gə̄ yā nápar de gə̄ ń Kɔ́ɔ̄ɓē tə̄ɓādə́ kɔ̄ɔ́ ba əya̰ń loo adə̄ ngán Israel gə̄ ní: Róō kajaja wól loo kə́ Ben Hinom tə́ ō, róō ngánən kə́ dəngam gə̄ horoó ō.

TƏ́DA 22:41

Teē kə ndɔ̄ý anī, Balak aw̄ kə Balam Bamot Baal ń i loo kə́ kḭḭ kə̄ dɔɔ́ tə́ ní. Ré deē ra loo ní tə́ anī, a a̰a̰ dɔ núsə ngán Israel gə̄.

EJEKIEL 16:36

Yá̰á̰ ń mā Kɔ́ɔ̄ɓē Nə́ɓā m-āwń yā kədaī ní n toó: Ḭ̄ ɔ̄r̄ yá̰a̰ rɔ̄í tə́ adə̄ gírí i karī ō, ī-rāā adə̄ de gə̄ a̰a̰n̄ gotə rɔ̄í gə̄ malang ō, dan ń ā ī-rāań ájə́ba kə ngé sāāí gēé ní ō, dan ń ā ī-rāań ájə́ba kə ɓesə̄ yāí kə́ majən̄ aĺ ngá̰ý gə̄ ní ō. Ḭ̄ āw̄ bátə́ ī-ɓōkə́ mósə́ ngání gə̄ nang tə́ ī-ndə̄jə̄ ɓesə̄ yāí gə̄ ní.

2 MBAN̄G 21:6

Róō ngōnən kə́ dəngam horoó adə̄ ɓesə̄ ō, rāā kəga kə́ tayā tayā gə̄ ō, aw̄ ndḛḛ̄ sāá rɔ̄ kɔdə̄ sāā gə̄ tə́ ō. To dan rāā yá̰á̰ kə́ majaĺ ta kum Kɔ́ɔ̄ɓē tə́ kə̄ non tə́ adə̄ń Kɔ́ɔ̄ɓē wōn̄g.