JEREMI 19:4 - Bibəl ta Sar̄

⁴ Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

Bible sar

⁴ Tɔdɔ̄ əya̰mə̄n̄ kɔ̄ɔ́, nin̄ rāān̄ loo ń toō adə̄ tél to rim kɔ̄ɔ́. Róōn̄ *yá̰a̰ ndējə̄ gə̄ horoó tū tə́ adə̄n nə́ɓā kə́ rang gə̄ kə́ nin̄ kɔ́ gə̄ ō, kaadə́ gə̄ ō, mban̄g kə́ Juda tə́ gə̄ ō gerə̄n̄də́ alé. Ɓōkə́n̄ mósə ngán gə̄ kə́ najə̄ gətóo dɔdə́ tə́ gə̄ nang tə́ adə̄ taā loo ní.

JEREMI 19:4 Referans Kwoze

JEREMI 2:34

Mósə́ ngé rɔ̄ tō ndoō gə̄ kə́ kanjə̄ najə̄ dɔdə́ tə́ ō, kə́ ə́hɔ́də́ dɔ rāā yá̰á̰ kógə̄ḿ kə́ majaĺ tə́ aĺ gə̄ ō, aw̄ mbóńg to ta kūbə̄ yāí gə̄ tə́.

IJAI 65:11

Banī sḭḭ̄ gotə gə̄ ə́ya̰mī kɔ̄ɔ́, dɔsí ndígə̄nal mbal̄ bo yāḿ kə́ táĺ kɔ̄ɔ́. Sḭḭ̄ ī-ndējī Gad ń i nə́ɓā yā kaā majə ní yá̰a̰ kəsa, ī-ndējī Meni ń i nə́ɓā yā yá̰a̰ gə̄ ń a rāān̄ yá̰á̰ ní kasə kə́ guŕ naā tə́.

2 MBAN̄G 21:16

Mban̄g Manase tɔ̄l̄ de kə́ kanjə̄ najə̄ dɔdə́ tə́ gə̄ i ngá̰ý, adə̄ mósə taā loo kem ɓē kə́ Jerusalem tə́ malang. Majaĺ ń noō əsō dɔ majaĺ ń ni sə̄lā de kə́ Juda gə̄ adə̄ rāān̄ ní tə́. Ni sə̄lādə́ adə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́.

NDŪ NAJƏ̄ 28:20

Kɔ́ɔ̄ɓē a əla kə rɔ̄ tō ndoó ō, ɓōĺ kə́ ngá̰ý ō, yá̰á̰ kə́ to ndíl ka̰ȳ gə̄ ō, dɔí tə́ tū kəla rāāí gə̄ tə́ malang, bátə́ kadə̄ ī-təgāń kɔ̄ɔ́ ō, bátə́ kadə̄ ī-gətóoń kɔ̄ɔ́ gidə kógə̄ḿ tām̄ yá̰á̰ kə́ majaĺ ń ī-rāā á i kəya̰n kɔ̄ɔ́ ní tə́ ō.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

JEREMI 2:17

Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

IJAI 59:7

Njasí gə̄ a a̰ȳn̄ ngɔ̄də̄ a aw̄n̄ i kə̄ rāā yá̰á̰ kə́ majaĺ tə́, de gə̄ kə́ najə̄ gətóo dɔdə́ tə́ ní, sḭḭ̄ ī-tewleī loo tɔ̄l̄də́ tə́. Sḭḭ̄ ī-gírī i rāā yá̰á̰ kə́ majaĺ ngóy. Loo malang ń sḭḭ̄ ī-teēī tū tə́ ní, i yá̰a̰ rāā kə́ kə dɔ́nɔ́ n a to tū tə́ ō, i yá̰á̰ kə́ nujən a to tū tə́ ō.

2 MBAN̄G 24:4

ni tɔ̄l̄ de kə́ kanjə̄ najə̄ dɔdə́ tə́ ngá̰ý adə̄ majaĺ i ngá̰ý kem ɓē kə́ Jerusalem tə́. I tām̄ najə̄ ń noō tə́ n Kɔ́ɔ̄ɓē gḛyń mā̰ȳ rɔ̄n aĺ ní.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

Najə̄ kə́ Majə yā Jeju ń Luk ndang ní 11:50

Adə̄ ngé koō ta gə̄ ń əlan̄ gír tɔ̄l̄də́ i ta kəla gíŕ yá̰a̰ gə̄ tə́ nú ní, a dəjen̄ de kə́ ɓōólaā gə̄ mósə́də́,

NŌŌ RƆ̄ 4:13

Yá̰á̰ ń noō rāā yá̰a̰ i najə̄ majaĺ yā ngé koō ta yān gə̄ tə́ ō, najə̄ yá̰á̰ kə́ gōtə́ aĺ gə̄ yā ngé tun̄ yá̰a̰ yān gə̄ ń ɓōkə́n̄ mósə de kə́ gōtə́ gə̄ nang tə́ kem ɓēé ní ō.

JEREMI 26:23

Nin̄ teēn̄ kə Uria kɔ̄ɔ́ kem ɓē kə́ Ejiptə tə́ ba aw̄n̄ seneé adə̄nən̄ kə mban̄g Joakim. Mban̄g tɔ̄lən ba ənī nīnə́n kem bəlo kə́ nīń de gə̄ i ngá̰ý i tū tə́ tə́.

JEREMI 26:15

Banī ōōī majə. Ré ī-tɔ̄l̄mī anī, najə̄ yā de kə́ najə̄ gətóo dɔn tə́ a əsō dɔsí sḭḭ̄ kɔ́ gə̄ tə́ ō, dɔ ɓē ń toō tə́ ō, dɔ de gə̄ ń ndin̄ kemeé tə́ ní ō, tɔdɔ̄ kə́ rɔ̄kum tə́ ní, i Kɔ́ɔ̄ɓē n əlam̄ kəda najə̄ gə̄ malang ń toō tə́ kadə̄ ōōī ní.

JEREMI 22:17

Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

JEREMI 18:15

Dɔ gír deē yāḿ gə̄ ndigə naləḿ kɔ̄ɔ́. Nin̄ ndējə̄n̄ ɓesə̄ gə̄ kajaja. Ɓesə̄ gə̄ ní rāān̄də́ adə̄ tə́sōn̄ kum róbə́ yādə́ gə̄ ń i róbə́ kə́ lōō kōkə̄ gə̄ tə́ ní. Nin̄ unən̄ gō kə̄lá róbə gə̄ ń i róbə́ kə́ rāā aĺ ɓáý gə̄ ní.

JEREMI 16:11

ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 5:6

I tām̄ ń toō tə́ n ɓɔl kə́ kem ku kāgə̄ gə̄ tə́ a əhɔdə́ ō, soó kə́ kem kə̄sā gə̄ tə́ a rə́yā̰də́ naā tə́ ō ní. Kagə gə̄ a tə́nīn̄ rɔ̄də́ yā gīr̄ gidə ɓē gə̄ ō, a rə́yā̰n̄ de gə̄ ń a teēn̄ kemeé ní naā tə́ kɔ̄ɔ́ ō. tɔdɔ̄ mbātə́ najə̄ yādə́ al̄ naā ngá̰ý ō, túy taā kem yādə́ to kə̄ ndágá ngá̰ý ō.

JEREMI 2:30

M-ə́ndá ngáńsí gə̄ i ndāńg karī, nin̄ ndigən̄ kɔjə̄ ní alé. Kaskar yāsí tɔ̄l̄ ngé koō ta yāsí gə̄ tītə̄ ɓɔl kə́ nge kəhɔ yá̰a̰.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

NDŪ NAJƏ̄ 28:36

Kɔ́ɔ̄ɓē a əlaī, ḭ̄ ō, mban̄g yāí ń ā ə̄ndā dɔí tə́ ní ō, jī nápar de gə̄ kə́ ḭ̄ gə̄gē, bɔbí gə̄gē ī-gerīdə́ aĺ tə́, kadə̄ ī-rāā kəla adə̄ ɓesə̄ kāgə̄ gə̄ kə ɓesə̄ mbal̄ gə̄ kem ɓē yādə́ tə́.

NDŪ NAJƏ̄ 13:13

Majanī ndɔ̄ kə́rēý tə́ ā ōōī kadə̄ kem ɓē kógə̄ḿ kə́ dan ngé gə̄ ń Kɔ́ɔ̄ɓē Nə́ɓā yāsí adə̄sí kadə̄ ī-ndiī tū tə́ tə́ ní, na de kə́ rim gə̄ kə́ dan deē yāsí gə̄ tə́ na gólə̄n̄ de kə́ kemeé gə̄ ədan̄də́ na: Ādə̄ j-aw̄ jə-rāāī kəla j-adī nə́ɓā kə́ rang gə̄, nə́ɓā gə̄ ń sḭḭ̄ ī-gerī gíŕdə́ aĺ ní,

NDŪ NAJƏ̄ 13:6

Banī a tɔ̄lə̄n̄ nge koō ta aláa nge nī rāā gə̄ ń toō kɔ̄ɔ́. Tām̄ ni mēr̄sí tūr̄ gidəsí kɔ̄ɔ́ ta Kɔ́ɔ̄ɓē ń i Nə́ɓā ń ɔr̄sí ɓəloó kɔ̄ɔ́ ō, teē sesí kɔ̄ɔ́ kem ɓē kə́ Ejiptə tə́ ō ní. A tɔ̄l̄nən̄ kɔ̄ɔ́ tām̄ ni sāā kadə̄ ī-tɔ̄ɔ̄ī kɔ̄ɔ́ gō róbə́ ń Kɔ́ɔ̄ɓē Nə́ɓā yāsí mēr̄sí kun tə́ ní. I beé n ā ɔ̄rīneé majaĺ kɔ̄ɔ́ dɔ dáńsí tə́ ní.

2 MBAN̄G 23:10

Mban̄g rāā adə̄ majaĺ tákə̄ loo kə́ Topet ń ra kum wól loo kə́ Ben Hinom tə́ ní adə̄ de gə̄ róō ngáńdə́ kə́ dəngam gə̄ ō kə́ dəyá̰ gə̄ ō, horoó kadə̄ ɓesə̄ Molok ɓáý to̰ alé.

JEREMI 1:16

M-ā m̄-gān̄g sarya yāḿ dɔdə́ tə́ sɔɔ̄ń dɔ yá̰á̰ kə́ gōtə́ aĺ gə̄ ń rāān̄ ní: Nin̄ mbātə́mə̄n̄ kɔ̄ɔ́, nin̄ róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄, nin̄-*ɔsən̄ nodə́ nang tə́ no yá̰á̰ kə́ nin̄ kɔ́ gə̄ rāān̄ kə jīdə́ tə́ rɔȳn̄neédə́.

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

JEREMI 17:20

Ā ə́dádə́ na: Mban̄g kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, sḭḭ̄ malang ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

JEREMI 22:3

Najə̄ ń Kɔ́ɔ̄ɓē əda ní n toó: Ī-rɔ̄ɔ̄ī dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́. Ī-lōōī rāā kum de gə̄ ndoō tə́, ī-lōōī rāā nge nam̄ ɓē ō, ngōn̄ hal ō, dəyá̰ kə́ ngaa koy ō, yá̰á̰ kə́ tōr̄. Ī-lōōī ɓōkə́ mósə de kə́ najə̄ gətóo dɔn tə́ loo ń toō tə́.

JEREMI 44:3

Tɔdɔ̄ nin̄ rāān̄ yá̰á̰ kə́ majaĺ, róōn̄ yá̰a̰ ndējə̄ gə̄ adə̄n̄ nə́ɓā kə́ rang gə̄ ń i ɓesə̄ gə̄ ní adə̄mə̄n̄neé wōn̄g. Ndɔ̄yə̄n̄ nə́ɓā gə̄ kə́ nin̄ gə̄gē sḭḭ̄ gə̄gē kaasí gə̄ gə̄gē ī-gerī gíŕdə́ alé.

EJEKIEL 7:22

Dan ń nin̄ a rāān̄ yá̰a̰ kənge yāḿ kə́ ngá̰ý yá̰á̰ kə́ karī tə́ ní, mā m-ā m̄-rāā yá̰á̰ kógə̄ḿ alé. De kə́ kur̄ dɔdə́ gətóo gə̄ a reēn̄, ba a rāānən̄ kadə̄ a téĺ kə́ yḛr.

EJEKIEL 20:26

M-ə́yá̰də́ adə̄ nin̄ télən̄ de kə́ yḛr gə̄ kə ta kūl̄ kadə̄ yá̰a̰ ndējə̄ gə̄. Yá̰a̰ ndējə̄ gə̄ ní i ngáń hágə́də́ gə̄ kə́ nin̄ róōn̄də́ horoó. m̄-ndigə kadə̄ yá̰a̰ rāādə́ nin̄ kɔ́ gə̄ əla ɓōĺ kemdə́ tə́. I tītə̄ ń noō n nin̄ ger̄nəń kadə̄ Kɔ́ɔ̄ɓē i mā ní.

DANIEL 11:31

Áskar gə̄ ń ni a əla sedə́ ní a reēn̄ yā ndi ta loo kə́ táĺ ń i loo kə́ ngan̄g ní tə́ ō, a rāān̄ loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ loo tun̄ yá̰á̰ tə́ ō.

NGÉ SARYA 5:8

Dan ń ngán Israel gə̄ gə̄rān̄ ɓesə̄ gə̄ anī rɔ̄ɔ̄ ḭḭ ō. Ba loo kənge der kógə̄ḿ, aké nənga kógə̄ḿ dan ngán Israel kə́ dūbú kutə sɔ́ gə̄ tə́ ní i yá̰á̰ kə́ ngan̄g.

PĀ GƏ̄ 106:38

Ɓōkə́n̄ mósə de kə́ kanjə̄ najə̄ dɔdə́ tə́ gə̄ nang tə́, adə̄ i mósə ngáńdə́ kə́ dəngam gə̄ ō kə́ dəyá̰ gə̄ ō ń nin̄ tɔ̄lə̄n̄ ba tun̄ adə̄n̄ nə́ɓā gə̄ yā Kanaan gə̄ ní. Mósə́ ń a̰ȳ nang tə́ ní rāā adə̄ yá̰á̰ kə́ majaĺ tákə̄ ɓē.

EJEKIEL 8:11

Kum kɔɔ̄ gə̄ kutə sīrí yā ngán Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.