JEREMI 19:11 - Bibəl ta Sar̄

¹¹ Gō tə́ anī, ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-nujə kə gír de gə̄ ń toō ō, kə ɓē ń toō ō, tītə̄ loo tɔ̄ɔ̄ jóó ń kɔdə̄ jóo əɓā ní beē, adə̄ deē a asə kəndā ta naā tə́ to̰ alé. Loo kə́ yā dubə̄ń yo a asə alé, adə̄ de gə̄ a dubə̄n̄ nīń Topet tə́ gə̄ gə̄gē.

Bible sar

¹¹ Gō tə́ anī, ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: m̄-nujə kə gír de gə̄ ń toō ō, kə ɓē ń toō ō, tītə̄ loo tɔ̄ɔ̄ jóó ń kɔdə̄ jóo əɓā ní beē, adə̄ deē a asə kəndā ta naā tə́ to̰ alé. Loo kə́ yā dubə̄ń yo a asə alé, adə̄ de gə̄ a dubə̄n̄ nīń Topet tə́ gə̄ gə̄gē.

JEREMI 19:11 Referans Kwoze

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

IJAI 30:14

Ndogə̄ mbal̄ ní a əsō tétə̄ ká káḿ kadə̄ gajən gə̄ a dūún̄ tītə̄ bay kə́ laa yā kɔdə̄ jóo beé. Deē a əndā kemən dɔ tə́ to̰ alé, deē a ənge gájən kə́ tə́sō sḛ́ý yā kunəń hor aĺ ō, yā kɔdəń man̄ kə́ tə́gā aĺ ō.

NŌŌ RƆ̄ 4:2

Ngán kə́ Siyo̰ gə̄ majən̄ ngá̰ý ō, gātə̄də́ asə kə yā lɔ́ŕ kə́ unjə̄ njáý njáý ō, ba i ba̰ý tā á rāān̄də́ i jóó nánjə́ ń i yá̰á̰ kə́ kɔdə̄ jóo rāā kə jīneé tə́ ní?

JEJU TEĒ KUM JA̰A̰ 2:27

Ni a o̰o̰ ɓē dɔdə́ tə́ i kə ndéy gindīí. Ni a tɔ̄ɔ̄də́ i tītə̄ loo tɔ̄ɔ̄ jóó nánjə̄ beé.

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

JEREMI 19:6

I tām̄ najə̄ ń noō tə́ n ndɔ̄ gə̄ a reēn̄ noō kadə̄ a ɓārə́n̄ loo ń toō na i Topet to̰ aĺ ō, wól loo kə́ Ben Hinom to̰ aĺ ō, ba a ɓārə́n̄ na i wól loo tɔ̄l̄ naā ní. Najə̄ ń Kɔ́ɔ̄ɓē əda ní n noó. M-ā m̄-tɔ̄l̄də́ kə kaskaraá ta kum madə̄ ba̰ā̰də́ gə̄ tə́,

KƏLA RĀĀ 21:11

Ni-reē rɔ̄jí tə́, un kəlā do̰ō̰ ɓōdə̄ yā Pol tó̰o̰ń njan gə̄ ō jīn gə̄ ō ba əda na: Yá̰á̰ ń Ndíĺ kə́ Táĺ əda ní n toó: Deē ń i kɔ́ɔ̄ kəlā do̰ō̰ ɓōdə̄ ń toō ní, Jipə gə̄ a do̰ō̰nən̄ beé kem ɓē kə́ Jerusalem tə́, ba a əlanən̄ jī de gə̄ ń nin̄ i Jipə aĺ gə̄ ní tə́.

Gōsə̄ najə̄ gə̄ 6:15

I tām̄ najə̄ ń noō tə́ n ni a nujə sák sák gidə kógə̄ḿ beē ní. A tétə̄n̄ kə̄ngōn rárák i gidə kógə̄ḿ ō, yá̰á̰ kə́ yā rāań a gətóo ō.

JEREMI 19:12

I yá̰á̰ ń noō n m-ā m̄-rāā kə loo ń noō ní ō kə de gə̄ ń ndin̄ kemeé ní ō. M-ā m̄-rāā ɓē ń toō kadə̄ to tītə̄ Topet. Najə̄ ń Kɔ́ɔ̄ɓē əda ní n noó.

JEREMI 48:38

Deē a oō i nōō rɔ̄ dɔ kújə gə̄ kə́ Moab tə́ ō, ndágə loo gə̄ tə́ ō. m̄-tetə Moab naā tə́ tītə̄ yá̰á̰ kə́ nelə̄m̄ aĺ beē. Najə̄ ń Kɔ́ɔ̄ɓē əda ní n noó.

JEREMI 51:63

Dan ń ā ī-tə́da makətūbə̄ ní təgā anī, ā ī-do̰ō̰ mbal̄ kógə̄ḿ tū tə́ ō, ā ə̄nīn kum bā Opəratə tə́ ō,

JEREMI 25:34

Ngé kul̄ yá̰a̰ gə̄, ī-nōōī, ə́gaī kɔŕ ādə̄ dḭḭ̄n̄sí. Kɔ́ɔ̄ yá̰a̰ kul̄ gə̄ ī-wángə̄lāī nang tə́ na kum mbang yāsí asə kadə̄ tə́jān̄ míndə́sí. A tə̄ndā tḭ̄ḭ̄n̄sí kə loo gə̄ tə́ ō, ā ī-teēī yā tə́sō tītə̄ yá̰a̰ rāā kəla kə́ gātə̄n i ngá̰ý beé ō.