JEREMI 18:9 - Bibəl ta Sar̄

⁹ Dan kə́rēý gə̄ tə́ anī, m-ɔ̄r̄ najə̄ kəndā nápar de gə̄ aláa ɓē ko̰o̰ kógə̄ḿ ō, m̄-rāā ō.

Bible sar

⁹ Dan kə́rēý gə̄ tə́ anī, m-ɔ̄r̄ najə̄ kəndā nápar de gə̄ aláa ɓē ko̰o̰ kógə̄ḿ ō, m̄-rāā ō.

JEREMI 18:9 Referans Kwoze

JEREMI 31:28

Gō tə́ anī, m-ā m-ə̄ndā kumḿ gíŕdə́ tə́ majə yā rāādə́ tītə̄ loo rāā ɓē ō, yā kəndādə́ tītə̄ loo kəndā kāgə̄ ō. A to i tītə̄ ń m-ə̄ndań kumḿ gíŕdə́ tə́ majə kété á m̄-ró̰yń yá̰a̰ kə ngəraá ō, m̄-ɓéngə̄leń ō, m̄-bótə̄yoń ō, m̄-nujəń ō, m̄-rāań yá̰á̰ kə́ tōr̄ ō ní. Najə̄ ń Kɔ́ɔ̄ɓē əda ní n noó.

JEREMI 11:17

I Kɔ́ɔ̄ɓē kə́ bo kə́ tɔ́gən i ngá̰ý ń əndāī ní n, ɓāŕ yá̰á̰ kə́ yá̰á̰ kə́ to kum kaȳ aĺ kadə̄ reē dɔí tə́, najə̄ majaĺ ń de kə́ Israel tə́ gə̄ ō, kə́ Juda gə̄ ō rāān̄ tə́ ní. Nin̄ rāān̄ yá̰á̰ kə́ majaĺ seneé tɔdɔ̄ róōn̄ yá̰á̰ kə́ tun̄ gə̄ adə̄n̄ Baal.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

KOHELET 3:2

Kum mbang kə́ yā kadə̄ ojən̄neé deē i noó ō, kum mbang kə́ yā kadə̄ deē oyń i noó ō. Kum mbang kəhɔ kāgə̄ i noó ō, ní kə́ yā kɔr̄ń kɔ̄ɔ́ i noó ō.

JEREMI 32:41

Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

JEREMI 31:38

Kem ndɔ̄ gə̄ ń a reēn̄ noó tə́ ní a tél yā rāān̄ ɓē gogə́ rang tām̄ yā Kɔ́ɔ̄ɓē tə́, əla gír dɔ kújə́ kə́ ngāl̄ ɓururu kə̄ dɔɔ́ kə́ Hananel tə́ bátə́ ta róbə́ kə́ kíl ndogə̄ mbal̄ tə́. Najə̄ ń Kɔ́ɔ̄ɓē əda ní n noó.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.