JEREMI 18:8 - Bibəl ta Sar̄

⁸ Ba ré nápar de gə̄ ń m-ɔ̄r̄ najə̄ sɔɔ̄ dɔdə́ ní lōōn̄ gír rāā yá̰á̰ kə́ majaĺ tə́ anī, m-ā m̄-lōō gíŕ yá̰á̰ ń m̄-gír̄ ra sedə́ tə́ ní.

Bible sar

⁸ Ba ré nápar de gə̄ ń m-ɔ̄r̄ najə̄ sɔɔ̄ dɔdə́ ní lōōn̄ gír rāā yá̰á̰ kə́ majaĺ tə́ anī, m-ā m̄-lōō gíŕ yá̰á̰ ń m̄-gír̄ ra sedə́ tə́ ní.

JEREMI 18:8 Referans Kwoze

EJEKIEL 18:21

Yá̰á̰ ń asə kadə̄ a rāā yá̰á̰ ní n toó: Ré de kə́ majaĺ tūr̄ gidən ta yá̰a̰ rāān gə̄ kə́ gōtə́ aĺ gə̄ tə́ kɔ̄ɔ́ malang, ba rāā yá̰a̰ malang ń m-ə́da kadə̄ yā rāā ní ō, ɓōĺ ndū najə̄ gə̄ ō, rāā yá̰á̰ kə́ gōtə́ ō anī, rɔ̄kum ni a ndi kə kumneé banī ni a oy alé.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

JEREMI 26:3

Majanī a oōn̄ ō, náā nəkɔ́ ɓáa a əya̰ gō róbə njə̄rān kə́ gōtə́ aĺ ō, adə̄ m-ā m-ásə lōō gíŕ yá̰á̰ kə́ to kum kaȳ aĺ ń m̄-sāā rāā sedə́ najə̄ yā kəla rāādə́ kə́ gōtə́ aĺ gə̄ tə́ ní.

NGÉ SARYA 2:18

Dan ń Kɔ́ɔ̄ɓē a əla kə nge saryaá anī nəkɔ́ i seneé naā tə́ yā gāngəń dɔ ngán Israel gə̄ jī madə̄ ba̰ā̰də́ gə̄ tə́ kə ndɔ̄ gə̄ malang ń nge sarya ndiń kə kumneé ní. Tɔdɔ̄ kum Kɔ́ɔ̄ɓē o̰o̰n tām̄ yādə́ tə́ dan ń ngé rāā kumdə́ ndoō tə́ gə̄ a rāān̄də́ adə̄ a nōōn̄ ní.

PĀ GƏ̄ 106:45

Əga kemən dɔ madə̄ naā ń ni-əhɔ sedə́ ní tə́, anī lōō gíŕ yá̰á̰ ń sāā rāā ní tə́, sɔɔ̄ń kem majə yān kə́ ngá̰ý.

PĀ GƏ̄ 135:14

Tɔdɔ̄ Kɔ́ɔ̄ɓē gān̄g sarya kə́ majə tām̄ yā gír deē yān gə̄ tə́. Ni lōō gír̄ yá̰á̰ ń sāā rāā tə́ ní ba rāā majə kə ngé kəla yān gēé.

PĀ GƏ̄ 90:13

Kɔ́ɔ̄ɓē, ā ə́hɔ́jí kemií tə́ i bátə́ ta kə́ rá? Ī-tūr̄ rɔ̄í kə̄ rɔ̄jí tə́, á̰a̰ kum tō ndoō yājí jḭḭ ngé kəla yāí gə̄.

2 YÁ̰A̰ GƏ̄ 12:6

Mban̄g nin̄ kə ngār kə́ Israel tə́ gə̄ gerə̄n̄ yá̰á̰ kə́ gōtə́ aĺ ń nin̄ rāān̄ ní ō, ədan̄ na najə̄ i yā Kɔ́ɔ̄ɓē ō.

NDŪ NAJƏ̄ 32:36

Kɔ́ɔ̄ɓē a gān̄g sarya kə́ gōtə́ yā kadə̄ deē yān gə̄ ō, kumən a o̰o̰n tām̄ yā ngé kəla yān gə̄ tə́ ō, loo ń ni a a̰a̰ kadə̄ tɔ́gə́də́ gətóo ō, yá̰á̰ kə́ yā kadə̄ əndān̄ tɔ́gə́də́ dɔ tə́ gətóo ō, yá̰á̰ kə́ yā kɔsə kíĺdə́ kə̄ dɔɔ́ gətóo ō ní.

Teē Ngán Israel gə̄ 32:12

Ní dan ń na a rāā wōn̄g tītə̄ ń noō sedə́ ní, ké bírí a de kə́ Ejiptə gə̄ a ədan̄ na i rí wa? A ədan̄ na ɔr̄də́ na teē sedə́ na i yā ndāngə́nń sedə́ loo kem ndul tə́, yā tɔ̄l̄də́ dɔ mbal̄ gə̄ tə́ ō, yā tɔ̄ɔ̄ kōōdə́ malang kɔ̄ɔ́ dɔ nang tə́ ō aĺ wa. Ní kadə̄ wōn̄g yān kə tetə ō, kə loo rāā yá̰á̰ kə́ majaĺ kə gír deē yān gēé ō.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

EJEKIEL 33:13

Tītə̄ ń toō: M-ə̄nī ndūḿ m-ādə̄ de kə́ gōtə́ kadə̄ ni a ndi kə kumneé. Banī ni gír̄ kadə̄ hálən kə́ majə kə́ kété ń ni-rāā ní asə adə̄ ni udə kə̄ rɔ̄ rāā yá̰á̰ kə́ majaĺ tə́. I beé ɓá ní, yá̰a̰ rāān kə́ majə kə́ kété gə̄ ní i kə́ yā tə́da to̰ alé. Adə̄ ni a oy tām̄ yā yá̰á̰ kə́ majaĺ ń ni rāā tə́ ní.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.

JEREMI 36:3

Majanī de kə́ Juda tə́ gə̄ a əndān̄ ma̰ȳ yá̰á̰ kə́ to rɔ̄ tō ndoō gə̄ malang ń m̄-gír̄ kadə̄ rāādə́ ní, adə̄ náā nəkɔ́ ɓáa a tūr̄ hálən ō, m-ā m-ásə mā̰ȳ rɔ̄ḿ dɔ yá̰á̰ kə́ gōtə́ aĺ yādə́ gə̄ tə́ ō, dɔ majaĺ yādə́ gə̄ tə́ ō.

JEREMI 26:19

Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 12:16

Ba ré nin̄ ndóōn̄ kun háĺ kə́ majə tītə̄ yā gír deē yāḿ gə̄ ō, ré túbə̄n̄ kə rīḿ ədan̄ na: Tītə̄ ń Kɔ́ɔ̄ɓē ndiń kə kumneé noō, tītə̄ ń ɔjən̄neé gír deē yāḿ gə̄ loo túbə̄ kə rī Baal ō ní anī, a əngen̄ loo yā ndiń dan gír deē yāḿ gə̄ tə́.

EJEKIEL 33:14

Ba ré m̄-tāā de kə́ majaĺ m-ə́dan na ni a oy rɔ̄kum, ba ni əya̰ róbə yān kə́ majaĺ kɔ̄ɔ́ ō, udə kə̄ rɔ̄ ɓōĺ gidə ndū najə̄ tə́ ō, kə̄ rɔ̄ rāā yá̰á̰ kə́ gōtə́ tə́ ō anī, deē ní a oy alé.

Teē Ngán Israel gə̄ 32:14

Dan ń Kɔ́ɔ̄ɓē oō beé anī, lōō gír yá̰á̰ ń əda na n-a n-rāā kə gír deē yān gēé ní tə́ kɔ̄ɔ́.

EJEKIEL 33:12

Ba ḭ̄ ngōn̄ deē, de gə̄ kə́ dan gír deē yāí gə̄ tə́ ní, ə́dádə́ yá̰á̰ ń toō ɓáý to̰: Ré de kə́ nge rāā yá̰á̰ kə́ gōtə́ ḭḭ rāā yá̰á̰ kə́ majaĺ ndɔ̄ kə́rēý tə́ anī, yá̰á̰ kə́ majə ń ni-rāā kété ní, a ajən alé. Ré deē kógə̄ḿ kə́ majaĺ əya̰ róbə yān kə́ majaĺ ndɔ̄ kə́rēý tə́ anī, yá̰á̰ kə́ majaĺ ń ni-rāā kété ní, a rāā kadə̄ tan a tḭ̄ḭ̄ alé. Adə̄ háĺ kə́ majə yā de kə́ gōtə́ a rāā kadə̄ ni a ndi kə kumneé, ndɔ̄ ń ni a rāań yá̰á̰ kə́ majaĺ tə́ ní alé.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.