JEREMI 18:7 - Bibəl ta Sar̄

⁷ Dan kə́rēý gə̄ tə́ anī, m-ɔ̄r̄ najə̄ kɔr̄ nápar de gə̄ aláa ɓē ko̰o̰ kógə̄ḿ kə gír ngəraá ō, ɓéngə̄lē ō, nujəń sák sák ō.

Bible sar

⁷ Dan kə́rēý gə̄ tə́ anī, m-ɔ̄r̄ najə̄ kɔr̄ nápar de gə̄ aláa ɓē ko̰o̰ kógə̄ḿ kə gír ngəraá ō, ɓéngə̄lē ō, nujəń sák sák ō.

JEREMI 18:7 Referans Kwoze

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

JEREMI 45:4

Kɔ́ɔ̄ɓē ɔr̄ najə̄ seí i tītə̄ ń toō beē: Yá̰á̰ ń m̄-rāā ní, mə̄kɔ́ m̄-nujəń ō, yá̰á̰ ń m-ə̄ndā ní, mə̄kɔ́ m-ɔ̄r̄ kɔ̄ɔ́ kə gír ngəraá ō, m̄-rāā tītə̄ ń noō kə gō loo gə̄ malang.

JONAS 3:4

Jonas udə kem ɓēé. Ni-njə̄rā ndɔ̄ kógə̄ḿ kə taá. Ni-əda de gə̄ na: Na̰y i ndɔ̄ kutə sɔ́ yā kadə̄ a nujən̄ ɓē kə́ Ninibə kɔ̄ɔ́!

AMOS 9:8

Ɓē ko̰o̰ kə́ Israel tə́ ń najə̄ i dɔ tə́ ní, Kɔ́ɔ̄ɓē Nə́ɓā əndā kumən gírí a̰ā̰ majə ngá̰ý. Ni-əda na: M-ā m̄-rāān kadə̄ ni a gətóo kɔ̄ɔ́ dɔ nang tə́. Ɓá tā ba m-ā m̄-rāā kadə̄ de kə́ kem kojə yā Jakob tə́ gə̄ gətóon̄ kɔ̄ɔ́ malang alé.

TA KƏLA 6:6

Tōrə̄n ngá̰ý adə̄ ndə̄ngā rɔ̄n tām̄ rāā ń ni-rāā deē əndān dɔ nang tə́ ní.

JEREMI 31:28

Gō tə́ anī, m-ā m-ə̄ndā kumḿ gíŕdə́ tə́ majə yā rāādə́ tītə̄ loo rāā ɓē ō, yā kəndādə́ tītə̄ loo kəndā kāgə̄ ō. A to i tītə̄ ń m-ə̄ndań kumḿ gíŕdə́ tə́ majə kété á m̄-ró̰yń yá̰a̰ kə ngəraá ō, m̄-ɓéngə̄leń ō, m̄-bótə̄yoń ō, m̄-nujəń ō, m̄-rāań yá̰á̰ kə́ tōr̄ ō ní. Najə̄ ń Kɔ́ɔ̄ɓē əda ní n noó.

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.

EJEKIEL 33:14

Ba ré m̄-tāā de kə́ majaĺ m-ə́dan na ni a oy rɔ̄kum, ba ni əya̰ róbə yān kə́ majaĺ kɔ̄ɔ́ ō, udə kə̄ rɔ̄ ɓōĺ gidə ndū najə̄ tə́ ō, kə̄ rɔ̄ rāā yá̰á̰ kə́ gōtə́ tə́ ō anī, deē ní a oy alé.

DANIEL 11:4

Dan ń ngəran a əhɔ nang majanī ɓē ko̰o̰ yān a nujə sák sák ō, a gāngə̄n̄ ɓē ko̰o̰ yān ní naā tə́ kə̄ loo gə̄ tə́ gír ɓē tə́ ō, no ɓē tə́ ō, dām̄ mbɔ̄r ɓē kə́ jōó gə̄ tə́ ō. De kə́ gír kaa yān tə́ a ndi gotən tə́ dɔ ɓē ko̰o̰ yān tə́ alé, a adə̄n̄ i de kə rang gə̄.

JEREMI 26:3

Majanī a oōn̄ ō, náā nəkɔ́ ɓáa a əya̰ gō róbə njə̄rān kə́ gōtə́ aĺ ō, adə̄ m-ā m-ásə lōō gíŕ yá̰á̰ kə́ to kum kaȳ aĺ ń m̄-sāā rāā sedə́ najə̄ yā kəla rāādə́ kə́ gōtə́ aĺ gə̄ tə́ ní.

JONAS 3:10

Kəhɔ ń nin̄ əhɔn̄ rɔ̄də́ tɔgə yā kəya̰ háĺdə́ kə́ majaĺ kɔ̄ɔ́ ní, Nə́ɓā a̰ā̰. Adə̄ ni-lōō gíŕ yá̰á̰ ń sāā rāā tə́ ní. Ni ndə̄ngā rɔ̄n najə̄ yá̰á̰ kə́ majaĺ ń sāā rāā sedə́ tə́ ní, adə̄ rāādə́ yá̰á̰ kə́ majaĺ ní alé.