JEREMI 18:23 - Bibəl ta Sar̄

²³ Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

Bible sar

²³ Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

JEREMI 18:23 Referans Kwoze

PĀ GƏ̄ 35:4

Ngé gə̄ ń sāān̄ tɔ̄lə̄m̄ ní ādə̄ ndə̄ngān̄ rɔ̄də́ ō, ādə̄ rɔ̄də́ sɔl̄də́ ō! Ngé gə̄ ń nómə̄n̄ rāām̄ yá̰á̰ kə́ to kum kaȳ aĺ ní ādə̄ télən̄ kə gōdə́ kə rɔ̄sɔlɔ̄ɔ́.

IJAI 2:9

I tām̄ najə̄ ń toō tə́ n a rāān̄ deē ndul gə̄ malang kadə̄ a rugən̄ nang tə́ ō, a télən̄ sedə́ kə̄ nang tə́ ō ní. Kɔ́ɔ̄ɓē, ī-lōō tél kundə́ dɔɔ́ gogə́!

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

Najə̄ kə́ Majə yā Jeju ń Luk ndang ní 21:22

Tɔdɔ̄ i ndɔ̄ dal ba̰ā̰ kə́ yā tɔ̄l̄ń ta yá̰a̰ malang ń i kə́ ndang kété ní.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

JEREMI 15:15

Ḭ̄ Kɔ́ɔ̄ɓē ī-ger̄ yá̰a̰ gə̄ malang, ādə̄ əga kemií dɔḿ tə́, á̰a̰ gōḿ. Ī-dal ba̰ā̰ḿ dɔ ngé rāā kumḿ ndoō tə́ gə̄ tə́. Ī-lōō to gír kəndā ɓam tə́ kadə̄ m̄-nujə. Ī-ger̄ majə kadə̄ m̄-tə́gā taḿ dɔ ndū gə̄ ń a tájə̄mə̄n̄ tə́ ní i najə̄ yāí tə́.

JEREMI 11:23

De kógə̄ḿ kə́ a teē ta yo tə́ a gətóó bátə́ ɓēé loodə́. M-ā m̄-rāā kadə̄ yá̰á̰ kə́ to kum kaȳ aĺ a teē dɔ de kə́ Anatot gə̄ tə́, kem ɓāl̄ ń m-ā m-ādə̄ a ɔjə̄n̄neé kəla rāādə́ gə̄ tə́ ní.

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

PĀ GƏ̄ 59:5

Najə̄ gətóo dɔḿ tə́, ba nin̄ a̰ȳ reē tə́nīn̄ rɔ̄də́ ra a ngóōn̄ taḿ. Ḭ́ḭ dɔ ɓīī tə́, ī-reē kə̄ laā ba á̰a̰ā̰!

PĀ GƏ̄ 119:126

Kum mbang kə́ kadə̄ Kɔ́ɔ̄ɓē rāań yá̰a̰ asə: Tɔdɔ̄ de gə̄ mānə̄n̄ dɔ ndū najə̄ yāí.

JEREMI 6:15

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ n a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.

JEREMI 6:21

I tām̄ ń toō tə́ n najə̄ ń Kɔ́ɔ̄ɓē əda ní n toó ní. m̄-tə́ndā gīgə̄ gə̄ no gír de gə̄ ń toō tə́, kadə̄ tə́gādə́ kadə̄ bḭ́ḭ̄n̄ ba tə́sōn̄. Bɔbə̄ ngōn̄ ō, ngōn̄ ō a bḭ́ḭ̄n̄ naā tə́ mbak. Madə̄ ɓē naā gə̄ ō, madə̄ naā gə̄ ō, a oyn̄.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

JEREMI 26:8

Dan ń Jeremi ɔr̄ najə̄ ń Kɔ́ɔ̄ɓē ədan kadə̄ əda de gə̄ malang kə́ kem ɓēé ní gír gān̄g anī, ngé tun̄ yá̰a̰ gə̄ ō, ngé koō ta gə̄ ō, de kə́ kem ɓēé gə̄ ō, əhɔn̄ Jeremi ba ədanən̄ na: I ḭ̄kɔ́ n ī-ndigə koy ní.

JEREMI 26:11

Ngé tun̄ yá̰a̰ gə̄ ō, ngé koō ta gə̄ ō, ədan̄ de kə́ bo gə̄ ō, de gə̄ malang kə́ kem ɓēé ō na: Majə kadə̄ deē ń toō oy. Tɔdɔ̄ ni-ɔr̄ najə̄ dɔ yá̰a̰ gə̄ ń a rāān̄ ɓē ń toō tə́ ní adə̄ sḭḭ̄ kɔ́ gə̄ ōōī kə mbīsí.

JEREMI 37:15

Wōn̄g rāā de kə́ bo gə̄ ní adə̄ əndan̄ Jeremi ō, əlanən̄ dəngáyá kem kújə yā Yonatan, nge ndang makətūbə̄ tə́ ō. Nin̄ rāān̄ kújə yān ní i kújə dəngáý tə́.

JEREMI 38:4

De kə́ bo gə̄ ədan̄ mban̄g na: Ādə̄ jə-tɔ̄lī deē ń noō kɔ̄ɔ́, tɔdɔ̄ dan ń ɔr̄ najə̄ beé ní a rāā kadə̄ jī ngé rɔ̄ɔ̄ gə̄ ń na̰yn̄ kem ɓēé ō, jī de gə̄ malang ń ndin̄ kemeé ní ō a ur̄ wak kɔ̄ɔ́. Deē ń noō sāā kadə̄ de gə̄ ń toō ajən̄ alé. Ni sāā i kadə̄ yá̰á̰ kə́ to kum kaȳ aĺ tá rāādə́ ngóy.

PĀ GƏ̄ 56:8

Yá̰á̰ kə́ gōtə́ aĺ ń rāān̄ asə naā beé ní a ajən̄ a? Nə́ɓā, ī-mbə́rē de gə̄ ń noō ī-tə́nādə́ kə wōngōó!

JEREMI 17:18

Ādə̄ rɔ̄sɔl̄ rāā ngé rāām̄ yá̰á̰ kə́ tōr̄ gə̄, ba ādə̄ rāām̄ mā alé. Ādə̄ i nin̄ n ndewn̄, ba i mā alé. Ī-rāā ādə̄ ndɔ̄ yá̰á̰ kə́ to kum kaȳ aĺ əsō dɔdə́ tə́. Ī-nujə sedə́ ba ī-tél ī-nujə sedə́ ɓáý to̰.

NŌŌ RƆ̄ 3:60

Á̰a̰ ba̰ā̰ malang ń rāān̄ seḿ ní, loo koō ń oōn̄ naā dɔḿ tə́ ní.

NŌŌ RƆ̄ 3:61

Kɔ́ɔ̄ɓē, ōō ndū ń tájə̄mə̄n̄ ní ō, loo koō ń a oōn̄ naā dɔḿ tə́ ní ō.