JEREMI 18:16 - Bibəl ta Sar̄

¹⁶ Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

Bible sar

¹⁶ Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

JEREMI 18:16 Referans Kwoze

PĀ GƏ̄ 22:7

Ba mā tā a rāāmə̄n̄ i ngōn̄ kur̄ tə́ ba i deē tə́ to̰ alé. De gə̄ tájə̄mə̄n̄ ō, gír deē yāḿ gə̄ mbātə́mə̄n̄ kɔ̄ɔ́ ō.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 19:8

M-ā m̄-rāā kadə̄ ɓē ń toō tél loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ ń a mānə̄n̄ kadə tə́ á a̰a̰n̄ yá̰a̰ gə̄ malang ń nujə ní a ɔr kumdə́ ō, a tə́gān̄ dɔdə́ nek nek ō.

MATIYE 27:39

Ngé mān̄ róbə gə̄ tə́gān̄ dɔdə́ ō, tájə̄nən̄ ō, ba ədanən̄ na:

MISE 6:16

Sḭḭ̄ ī-ndájī jī bēl̄ loo rāā yá̰a̰ gə̄ yā mban̄g Omri ō, yā ngōnə̄n Akab ō, yā kojə yān ō. Sḭḭ̄ ī-ndájī jī bēl̄ loo rāā yá̰a̰ yādə́. Adə̄ m-ā m̄-nujə ɓē bo yāsí kɔ̄ɔ́. I beé n de kə́ rang gə̄ a əgōn̄neésí sḭḭ̄ de gə̄ ń ī-ndiī kemeé ní. Rɔ̄sɔl̄ ń rāā gír deē yāḿ gə̄ ní, a rāāsí.

JEREMI 50:13

Wōn̄g kə́ ngá̰ý yā Kɔ́ɔ̄ɓē rāā adə̄ deē ndi kem ɓē kə́ Babilon tə́ to̰ alé. Ni-tél i ndágə loo kə́ to kum ko̰ kə taá malang. Adə̄ de gə̄ malang ń mānə̄n̄ kadən tə́ ngɔr ní, ɔr kumdə́ ngá̰ý. Dan ń nin̄ a̰a̰n̄ loo kə́ nujə asə naā beé anī, əgan̄ kɔŕ ɓōĺ.

JEREMI 49:13

Rɔ̄kum, m̄-túbə́ m-ə́da na: Bosra a tél loo kə́ to kum ko̰ ō, loo kə́ nujə sák sák ō. De gə̄ tájə̄n̄ naā ō, a ndɔ̄lə́n̄ naā kə rīneé ō. Ɓē gə̄ malang ń i gíŕ tɔ́gə yān tə́ ní, a télən̄ ndəbā loo kə́ nujə sák sák kə́ njɔ́ḿ gə̄ tə́.

1 MBAN̄G GƏ̄ 9:8

Kújə́ kə́ ngāl̄ ngá̰ý kum kə̄ dɔɔ́ ń toō ní de gə̄ malang ń a mānə̄n̄ kadə tə́ ní a ɔr kumdə́ ngá̰ý ō, a yáādə́ ngá̰ý ō. Adə̄ a dəjen̄ na ké i tām̄ rí tə́ áké Kɔ́ɔ̄ɓē rāā yá̰á̰ kə́ tītə̄ ń toō kə ɓē ń toō ō, kə kújə́ ń toō ō wa.

MARK 15:29

Ngé mān̄ róbə gə̄ ɔrə̄n̄ najə̄ kə́ to ngonjə̄ gə̄ dɔn tə́ ō, tə́gān̄ dɔdə́ nek nek ō, ba ədan̄ na: Ḭ̄ ń ī-sāā tɔ̄ɔ̄ kújə́ yā Kɔ́ɔ̄ɓē kɔ̄ɔ́ ba tél rāā rang kem ndɔ̄ mətá ní,

IJAI 37:22

Najə̄ ń Kɔ́ɔ̄ɓē əda dɔn tə́ ní n toó: Jerusalem ń i dəyá̰ kə́ mandə ní kídī. Ni mbóo seí. A̰á̰ā̰, Siyo̰ ń i ɓē kə́ mandə ní, wél̄ dɔn kə kəgōó tan tə́ gidií tə́.

EJEKIEL 12:19

Gō tə́ anī, ā ə́da de kə́ kem ɓēé gə̄ na: Najə̄ ń Kɔ́ɔ̄ɓē Nə́ɓā əda ní n toó: Gotə de kə́ Jerusalem tə́ gə̄ ń na̰yn̄ dɔ nang kə́ Israel tə́ ní a əsan̄ mápa yādə́ i kə sōlōó ō, a a̰ȳn̄ man̄ yādə́ i kə ɓōĺ kə́ a ndewdə́ ō. Tɔdɔ̄ a nujən̄ ɓē yādə́ sák sák kɔ̄ɔ́, tām̄ de kə́ kemeé gə̄ rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé.

EJEKIEL 6:14

M-ā m-ɔ́jə́ tɔ́gə́ḿ kə̄ ndágá dɔdə́ tə́. M-ā m̄-nujə ɓē yādə́ kɔ̄ɔ́. M-ā m-ə́lá gír i kem dəla loo kə́ dām̄ mbɔ́r ɓē kə́ geleé tə́ bátə́ kem ɓē kə́ Ribəla tə́ dām̄ mbɔ́r ɓē kə́ ko̰ó̰ tə́. Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

IJAI 6:11

m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.

PĀ GƏ̄ 44:14

Ə́ya̰ madə̄ ɓējí gə̄ adə̄ tájə̄n̄jí ō, de gə̄ ń ndin̄ gīrə̄n̄ gidəjí ní lúrə̄n̄jí ō əgōn̄jí ō.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

NDŪ NAJƏ̄ 28:59

Kɔ́ɔ̄ɓē nəkɔ́ a ənī do kə́ kumdə́ rúu gə̄ ō, do səya̰ gə̄ ō, mo̰y kə́ majaĺ gə̄ kə́ əya̰n̄ de gə̄ láẃ alé ō, dɔí tə́ ō, dɔ ngání gə̄ tə́ ō, ngán kaaí gə̄ tə́ ō.

LEBI GƏ̄ 26:43

Dan ń nin̄ a gətóon̄ kɔ̄ɔ́ kem ɓē yādə́ tə́ ní, dɔ nang yādə́ ń əyan̄ kɔ̄ɔ́ ni-taā koō. Ba m-ā m̄-tɔ̄l̄ ta ndéý m-ə́ndádə́ tām̄ tūr̄ kə́ nin̄ tūrə̄n̄ gidədə́ kɔ̄ɔ́ ta yá̰a̰ kāgə̄ ɓē yāḿ gə̄ tə́ ō, tām̄ kidə̄ kə́ nin̄ kidə̄n̄ ndū najə̄ yāḿ gə̄ ō.

LEBI GƏ̄ 26:32

M-ā m̄-nujə ɓē yāsí sák sák kadə̄ a ɔr kum madə̄ ba̰ā̰sí gə̄ ń a reēn̄ yā ndi kemeé ní.

PĀ GƏ̄ 109:25

m̄-tél i kur̄ kəgō yādə́, nin̄ a̰a̰mə̄n̄ anī wélə̄n̄ dɔdə́.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

JEREMI 48:27

I rɔ̄kum kadə̄ Israel tél kur̄ kəgō tām̄ yāí tə́ aĺ a? Ə́ngen kə ngé ɓogə gə̄ á ré ā ɔ̄r̄ najə̄ yān anī, ā ī-wél̄ i dɔí tá dejə ní a?

JEREMI 49:17

Edom tél ndágə loo kə́ to kum ko̰, adə̄ de gə̄ malang ń a mānə̄n̄ kadə tə́ ngɔr ní a ɔr kumdə́ seneé ngá̰ý ō, a əgan̄ kɔŕ ɓōĺ dɔn tə́ ō.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

EJEKIEL 27:36

Ɓōĺ rāā ngé rāā gātə̄ gə̄ yā gír de kə́ nin̄ i tə̄rā gə̄ adə̄ əgan̄ kɔŕ ɓōĺ najə̄ yāí tə́. Ḭ̄ ī-rāā ādə̄ de gə̄ malang ɓōlə́n̄, nujən̄ seí kɔ̄ɔ́ i kə́ njɔ́ḿ gə̄ tə́.

EJEKIEL 36:3

I beé ní, ḭ̄ ngōn̄ deē, najə̄ ń m-ə̄ndā taí tə́ ní, ə́dá Israel gə̄, najə̄ ń mā Kɔ́ɔ̄ɓē Nə́ɓā m-āwń kadə̄ m-ə́dádə́ ní n toó. De gə̄ teēn̄ kə̄ ta loo gə̄ tə́ malang ndigən̄ nujəsí kɔ̄ɔ́ ō, ndigən̄ rāāsí kadə̄ ī-gətóoī kɔ̄ɔ́ ō. Nin̄ ndigən̄ kəhɔsí ō, sḭḭ̄ ə̄sōī kem jī nápar de kə́ rang gə̄ tə́ adə̄ o̰o̰n̄ ɓē dɔsí tə́ ō. Nin̄ mbóon̄ sesí ō, tájə̄n̄sí ō.

2 YÁ̰A̰ GƏ̄ 29:8

Loo ń noō tə́ wōn̄g rāā Kɔ́ɔ̄ɓē kə ɓē kə́ Jerusalem ō, kə dɔ nang kə́ Juda ō. Yá̰á̰ ń ni-rāā sedə́ ní i yá̰á̰ kə́ to ndíl ka̰ȳ ō, kə́ to kɔr kum ō, kə́ to kadə̄ deē lurdə́ ō, tītə̄ ń sḭḭ̄ kɔ́ gə̄ á̰a̰īń kə kumsí ní.

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JEREMI 51:37

Babilon a tél yā to tītə̄ mbal̄ kə́ kán̄ dɔ naā tə́ ō, tītə̄ loo ra tal̄ gə̄ ō, yá̰á̰ kə́ to kum ko̰ kə́ de gə̄ a əgan̄ kɔŕ ɓōĺ dɔ tə́ ō. De kə́ kemeé gə̄ a gətóon̄ malang kɔ̄ɔ́.

JEREMI 51:43

Ɓē yān gə̄ télən̄ i loo kə́ to kum ko̰ gə̄ ō, i loo gə̄ kə́ man̄ əhɔ laa tū tə́ ō, kə̄sā gə̄ i tū tə́ ō, deē ndi tū tə́ aĺ ō, deē mān̄ tū tə́ aĺ ō.