JEREMI 18:13 - Bibəl ta Sar̄

¹³ Tā anī najə̄ ń Kɔ́ɔ̄ɓē əda ní n toó: Ī-dəjeī gír najə̄ dan nápar de gə̄ tə́, á̰a̰ī ké ōōī najə̄ kə́ beē ta deē kógə̄ḿ tə́ wa. Ngōmandə kə́ Israel tə́ rāā yá̰á̰ kə́ majaĺ kə́ to ɓōĺ ngá̰ý.

Bible sar

¹³ Tā anī najə̄ ń Kɔ́ɔ̄ɓē əda ní n toó: Ī-dəjeī gír najə̄ dan nápar de gə̄ tə́, á̰a̰ī ké ōōī najə̄ kə́ beē ta deē kógə̄ḿ tə́ wa. Ngōmandə kə́ *Israel tə́ rāā yá̰á̰ kə́ majaĺ kə́ to ɓōĺ ngá̰ý.

JEREMI 18:13 Referans Kwoze

JEREMI 5:30

Yá̰á̰ kə́ to kum ko̰ ō, kə́ majaĺ kə́ to ɓōĺ ngá̰ý ō rāā yá̰a̰ kem ɓēé.

OJEE 6:10

M-á̰á̰ yá̰á̰ kə́ majaĺ ngá̰ý gə̄ kem ɓē kə́ Israel tə́: Epəraim rāā ájə́ba i loo ń noō tə́. A̰á̰ā̰, rāān̄ Israel adə̄ tél de kə́ yḛr i najə̄ yá̰á̰ ń noō tə́.

JEREMI 23:14

Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

IJAI 66:8

Deē oō yá̰á̰ kə́ beē aké a̰a̰ yá̰á̰ kə́ beē ɓá a? Deē asə kojə ɓē ndɔ̄ kógə̄ḿ beē a? Deē ojə gíŕ nápar de gə̄ ndɔ̄ kógə̄ḿ hap a? Tá i yá̰á̰ ń noō n Jerusalem rāā ní: Rɔ̄n əla gír tōrə̄n i sḛ́ý beē ɓáý, anī ni ojə ngánən gə̄ kɔ̄ɔ́ ɓá!

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

1 KORḚNTƏ 5:1

De gə̄ malang ədan̄ na háĺ kə́ majaĺ na to dansí tə́, ba yá̰á̰ ní na majaĺ ngá̰ý al̄ naā, adə̄ de gə̄ kə́ nin̄ i Jipə aĺ gə̄ gə̄gē na rāān̄ háĺ kə́ tītə̄ ń noō alé. Tɔdɔ̄ ənīn̄ gotə najə̄ yāsí, ədan̄ na deē kógə̄ḿ dansí tə́ na aw̄ bátə́ sāā nə̄yá̰ bɔbə̄n loo kaya tə́!

NŌŌ RƆ̄ 1:15

Kɔ́ɔ̄ɓē tə̄ɓā go̰ rɔ̄ɔ̄ gə̄ malang ń i seḿ ní kɔ̄ɔ́. Ni-ɔsə dɔ de kə́ ngá̰ý gə̄ naā tə́ kə rīḿ, kadə̄ reē rējə̄n̄ balsáa yāḿ gə̄. Kɔ́ɔ̄ɓē mbə́rē ngōmandə kə́ Juda tə́ tītə̄ kan̄ kāgə̄ nduú beē.

IJAI 36:22

Gō yá̰á̰ ń noō tə́ anī, Eliakim kə́ ngōn̄ Hilkia ń i ngār kə́ dɔ kújə ngol yā mban̄g tə́ ní ō, Sebəna nge ndang makətūbə̄ ō, Yoa kə́ ngōn̄ Asap ń i ngōmbang kəla yā mban̄g ní ō, rə́yā̰n̄ kūbə̄ yādə́ gə̄. Nin̄ tél reēn̄ rɔ̄ Ejekias tə́ ba ɔjənən̄ gotə najə̄ ń ngol áskar gə̄ kə́ dɔ madə̄ gə̄ tə́ ń i de kə́ Asiri ní əda ní.

1 SAMUEL 4:7

Ɓōĺ rāā Pilistin gə̄ tām̄ ədan̄ na: Nə́ɓā kógə̄ḿ reē kem gérger yādə́ tə́. Ədan̄ ɓáý to̰ na: Yá̰á̰ kə́ to kum kaȳ aĺ əsō dɔjí tə́ tɔdɔ̄ kété gə̄ ní i beé alé.

JEREMI 18:14

Néjə kə́ Liban tə́ ḭḭ dɔ mbal̄ kə́ bembeé gə̄ tə́ nja kógə̄ḿ adə̄ á̰a̰ī a? Man̄ kə́ sɔl̄ lɔm ń i sa̰y ō, a nūgə́ ō ní deē a mbātə́ a?

AMOS 5:1

Israel gə̄, ōōī kum pā yo ń m-ə̄nī m-ā m̄-nōońsí toō:

AMOS 5:2

Israel to tītə̄ ngōmandə kə́ oy kɔ̄ɔ́ beē. Ni teē əsō ba ḭḭ dɔɔ́ to̰ alé. Ni to nang tə́ kem ɓē yān tə́, ba de kə́ yā kunən dɔɔ́ gətóo!