JEREMI 17:9 - Bibəl ta Sar̄

⁹ Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

Bible sar

⁹ Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

JEREMI 17:9 Referans Kwoze

MATIYE 15:19

Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.

KOHELET 9:3

Kadə̄ yá̰á̰ kə́ kógə̄ḿ beē rāā de gə̄ malang tū yá̰a̰ malang ń de gə̄ a rāān̄ tə́ dɔ nang tə́ ní i yá̰á̰ kógə̄ḿ kə́ majaĺ. I yá̰á̰ ń noō n rāā adə̄ ngam i ngá̰ý kem ngán kaa Adam gə̄ tə́ ō, mbóo i kemdə́ tə́ dan ndidə́ kə kumdə́ tə́ ō ní. Ba gō tə́ anī a oyn̄ i mbéé ngóy.

Gōsə̄ najə̄ gə̄ 28:26

De ń ənī kemən mámák kadə̄ ngarā̰ kemən nəkɔ́ ní i mbóo deē. Ba deē ń a rāā yá̰a̰ i kə kum kedēé ní yá̰á̰ kógə̄ḿ a rāān alé.

HEBƏRO 3:12

Ngákó̰ó̰ḿ gə̄, ə̄ndāī kum kedə̄ dɔ rɔ̄sí tə́, tɔdɔ̄ majanī deē kógə̄ḿ dɔ dáńsí tə́ i nge kem majaĺ, adə̄ taā kem aĺ yān ɔrə̄n kɔ̄ɔ́ rɔ̄ Nə́ɓā kə́ ndi kə kumneé tə́.

TA KƏLA 6:5

Kɔ́ɔ̄ɓē a̰a̰ kadə̄ kem de kə́ dɔ nang tə́ gə̄ ndul ngá̰ý ō, gír̄ yādə́ i kə́ majaĺ kə ndɔ̄ gə̄ ō.

TA KƏLA 8:21

Sēēn nel̄ Kɔ́ɔ̄ɓē, anī Kɔ́ɔ̄ɓē əda kə̄ kemən tə́ na n-a n-ndɔ̄ĺ dɔ nang tām̄ yā deē tə́ to̰ alé, tɔdɔ̄ gír̄ kə́ kem deē tə́ majaĺ i kə dūúneé. Adə̄ yá̰a̰ malang ń ndi kə kumuú ní, n-a n-tɔ̄l̄ kɔ̄ɔ́ tītə̄ ń na n-tɔ̄ləń noō i kə́ bátə́ gə̄ tə́.

MATIYE 13:15

Tɔdɔ̄ gír de gə̄ ń toō kemdə́ magə́rā kɔ̄ɔ́, mbīdə́ əja oō loo to̰ alé. Nin̄ kɔ́ gə̄ utə̄n̄ kumdə́ kɔ̄ɔ́ na sōgə́ kumdə́ a̰a̰ loo ō, tá utə̄n̄ mbīdə́ kɔ̄ɔ́ na sōgə́ mbīdə́ oō loo ō, yā kadə̄ ger̄nəń kum najə̄ kógə̄ḿ aĺ ō. Na sōgə́ nin̄-tūrə̄n̄ háĺdə́ anī, m̄-rāā adə̄ rɔ̄də́ ngáā.

JEREMI 16:12

Sḭḭ̄ tā anī ī-rāāī yá̰a̰ majaĺ tɔȳ yā kaasí gə̄ ɓáý. Náā nəkɔ́ ɓáa rāā dɔ ngan̄g kə́ dum̄ kəda ta tə́ kə̄ non tə́ ba ōōī najə̄ yāḿ alé.

PĀ GƏ̄ 51:5

Tɔdɔ̄ yá̰á̰ kə́ gōtə́ aĺ gə̄ ń m̄-rāā ní m̄-ger̄. Yá̰á̰ kə́ majaĺ ń m̄-rāā ní to ta kumḿ tə́ ngándáńg.

MARK 2:17

Loo ń Jeju oō beé anī ədadə́ na: I ngé rɔ̄ ngan̄g gə̄ n a sāān̄ nja doktór ní alé, ba i ngé rɔ̄ ngan̄g aĺ gə̄ n a sāān̄ njan ní.

Makətūbə̄ ń Pol ndang adə̄ Rom gə̄ ní 1:21

Tɔdɔ̄ nin̄-gerə̄n̄ Nə́ɓā ba ɔsən̄ gɔnən aĺ ō, ndadə̄nən̄ sḛ́ý tītə̄ ń de gə̄ a rāān̄neé kə Nə́ɓāá ní aĺ ō. Ba gír̄ yā de gə̄ i gír̄ kə́ ro karī ō, ger̄ yá̰a̰ aĺ kə́ kemdə́ tə́ ənī til kumdə́ tə́ kɔ̄ɔ́ ō.

Makətūbə̄ ń Pol ndang adə̄ Rom gə̄ ní 7:11

Tɔdɔ̄ dan ń gō míndə reē ní, yá̰á̰ kə́ majaĺ tetə rɔ̄n gōn tə́, ba kɔ́ləm̄ aw̄ seḿ kum yo tə́.

EPEJƏ 4:22

yá̰á̰ kə majaĺ gə̄ ń ī-rāāī kété jóó ní, majə kadə̄ ī-lōōī gírí. I beé n ā ī-lōōiń gíŕ háĺsí kə́ jóó tə́ ní. Tām̄ yá̰á̰ kə́ majaĺ gə̄ ń gólə̄n̄sí kété ní, a nujən̄ i deē.

2 SAMUEL 11:15

Najə̄ ń ni ndang kem makətūbūú ní n toó: Ə̄ndāī Uri kété no madə̄n gə̄ tə́ ta rɔ̄ɔ̄ tə́, loo kə́ rɔ̄ɔ̄ təngā ngá̰ý tū tə́ tə́, ba ī-téliī kɔ̄ɔ́ gōn tə́ adə̄ tɔ̄l̄nən̄.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

IJAI 1:6

Ḭḭ njasí tə́ bátə́ dɔsí tə́ ní, loosí kógə̄ḿ kə́ yá̰a̰ rāā aĺ gətóo. Rɔ̄sí malang i do ō, gotə ndéy ō, do kə́ ta ra kə wōyōó ō. Deē tə́go ta aĺ ō, deē ndem̄ ta aĺ ō, deē rāā yibə̄ ta tə́ aĺ ō.

IJAI 6:10

Ūtə̄ ta róbə kemdə́ kɔ̄ɔ́, ī-rāādə́ ādə̄ mbīdə́ oō loo aĺ ō, ādə̄ kumdə́ a̰a̰ loo aĺ ō. Ɔ̄gə̄ kumdə́ ka̰a̰ loo ō, ɔ̄gə̄ mbīdə́ koō loo ō, ɔ̄gə̄ kemdə́ ger̄ najə̄ ō, i beé tá a tūrə̄n̄ rɔ̄də́ kə̄ rɔ̄ḿ tə́ aĺ ō, a əngen̄ rɔ̄ ngáā aĺ ō.

PĀ GƏ̄ 64:7

Nin̄ gírə̄n̄ yá̰á̰ kə́ majaĺ yā rāā ba ədan̄ na: Yá̰á̰ ń jə-sāā rāā ní jə-nóm̄ loon majə, deē asə ger̄ gír̄ kə́ kem deē tə́ alé!

JEREMI 7:24

Banī nin̄ oōn̄ ndūḿ alé. Nin̄ nēlə̄n̄ mbīdə́ aĺ ō, ba rāān̄ yá̰a̰ kə gō kemdə́ ɔjəń dɔ dɔ ngan̄g yādə́ kə́ al̄ naā ngá̰ý ō, tūrə̄n̄ gidədə́ taḿ tə́ kɔ̄ɔ́ ō.