JEREMI 17:8 - Bibəl ta Sar̄

⁸ Ni to tītə̄ kāgə̄ ń əhɔn kadə man̄ tə́ ní. Əla ngəran kum kə̄ maná. Ni a ger̄ gō ngā nəngā ń a reē ní alé. Mbīn to mbōl̄ ngándáńg. Ɓāl̄ ń man̄ əhɔń laa tə́ ní, ni sōl̄ yá̰a̰ alé. Ni an̄ kə̄ non tə́.

Bible sar

⁸ Ni to tītə̄ kāgə̄ ń əhɔn kadə man̄ tə́ ní. Əla ngəran kum kə̄ maná. Ni a ger̄ gō ngā nəngā ń a reē ní alé. Mbīn to mbōl̄ ngándáńg. Ɓāl̄ ń man̄ əhɔń laa tə́ ní, ni sōl̄ yá̰a̰ alé. Ni an̄ kə̄ non tə́.

JEREMI 17:8 Referans Kwoze

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

EJEKIEL 47:12

Gír kāgə̄ kə́ tayā tayā gə̄ kə́ a anə̄n̄ a əɓan̄ kadə man̄ ní tə́ dɔ gɔ́sə bāá dām̄ jōó mbak. Mbīdə́ a ndəlē aĺ ō, kan̄də́ a təgā aĺ ō. Nin̄ a anə̄n̄ kə dɔ nāā gə̄, tɔdɔ̄ man̄ ní teē i kem loo kə́ táĺ tə́. De gə̄ a əsan̄ kan̄də́ gə̄ ō, mbīdə́ a adə̄ de kə́ mo̰y rɔ̄ ngan̄g ō.

Makətūbə̄ yā Job 8:16

Ni-ra kum mbang tə́ tītə̄ kāgə̄ kə́ bəton i ngá̰ý rɔ̄n tə́ beé, adə̄ tə́nī ta jīn gə̄ dɔ ndɔr̄ tá̰a̰ yān tə́.

Makətūbə̄ yā Job 29:19

m̄-to tītə̄ kāgə̄ kə́ əla ngəran kum man̄ tə́ beé ō, tal əhɔ dɔ ta jīḿ gə̄ tə́ ndɔ̄ɔ́ bátə́ loo tīī ō.

Gōsə̄ najə̄ gə̄ 11:28

De kə́ nge kəndā kemən dɔ yá̰a̰ kənge yān tə́ a əsō, banī de kə́ súmūú gə̄ a tḭ̄ḭ̄n̄ rɔ̄də́ tītə̄ kāgə̄ kə́ mbīn dībə̄ dii beē.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

JEREMI 39:18

M-ā m-ájiī gáŕ adə̄ a oy yo kaskar alé. Ré ə̄nī kemií ādə̄m̄ anī, ā ī-rāā rɔ̄nel̄ teē ń ā ī-teē ta yo tə́ ní. Najə̄ ń Kɔ́ɔ̄ɓē əda ní n noó.

EJEKIEL 31:3

Ī-to i tītə̄ kāgə̄ sedər kə́ Liban ń ta jīn kə́ tɔ̄ɔ̄ gə̄ majən̄ ngá̰ý ō, ndílən utə̄ dɔ yá̰a̰ malang ō ní. Ni ngāl̄ ngá̰ý kum kə̄ dɔɔ́ adə̄ dɔn ɔdə kil̄ man̄ gə̄.