JEREMI 17:7 - Bibəl ta Sar̄

⁷ Ba tɔ́r̄ ta i dɔ deē ń əndā kemən dɔ Kɔ́ɔ̄ɓē tə́ ní. Kɔ́ɔ̄ɓē a rāā kadə̄ ni a ənī kemən báŕ báŕ.

Bible sar

⁷ Ba tɔ́r̄ ta i dɔ deē ń əndā kemən dɔ Kɔ́ɔ̄ɓē tə́ ní. Kɔ́ɔ̄ɓē a rāā kadə̄ ni a ənī kemən báŕ báŕ.

JEREMI 17:7 Referans Kwoze

PĀ GƏ̄ 34:8

Nge kaw̄ kəla yā Kɔ́ɔ̄ɓē a ngɔ̄m̄ dɔ ngé ɓōĺ ndíĺ Kɔ́ɔ̄ɓē gə̄ ō, a ɔr̄də́ kɔ̄ɔ́ kum yá̰á̰ kə́ majaĺ gə̄ tə́ ō.

PĀ GƏ̄ 40:4

Ni-əndā pā kə́ kijə taḿ tə́, i pā tɔ̄ȳ Nə́ɓā yājí. Ngá̰ý gə̄ a a̰a̰n̄, adə̄ a ɓōlə́n̄ ō, a əndān̄ kemdə́ dɔ Kɔ́ɔ̄ɓē tə́ ō.

PĀ GƏ̄ 125:1

Pā kə́ yā kaw̄ń kə̄ loo kə́ táĺ tə́. Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé. Ni yéȳ aĺ ō, ra ngándáńg ō.

IJAI 30:18

Tá Kɔ́ɔ̄ɓē a ngóō i kum mbang kə́ yā kɔjəńsí kem majə yān kə́ tām̄ yāsí tə́. Ni a ḭḭ dɔɔ́ yā kɔjəsí táŕ kə́ kemən tə́. A̰á̰ā̰, Kɔ́ɔ̄ɓē i Nə́ɓā kə́ nge rāā yá̰á̰ kə́ gōtə́. Ngé gə̄ ń əndān̄ kemdə́ dɔn tə́ ō, ndi a ngóōnən̄ ō ní, rɔ̄də́ nel̄də́.

Gōsə̄ najə̄ gə̄ 16:20

De kə́ gír̄ najə̄ dɔ yá̰á̰ tə́ majə a ndi majə najə̄ yá̰á̰ ní tə́. Rɔ̄nel̄ i kə deē ń ənī kemən mámák adə̄ Kɔ́ɔ̄ɓē ní.

PĀ GƏ̄ 84:12

A̰á̰ā̰, Kɔ́ɔ̄ɓē Nə́ɓā i mbang ō i der ō. Kɔ́ɔ̄ɓē i nge rajə deē ō, i nge rāā kadə̄ rī deē ɓār̄ ō. Ngé gə̄ ń háĺdə́ i súmūú ní, yá̰á̰ kógə̄ḿ kə́ majə kə́ ni ɔgə̄də́ gətóo.

PĀ GƏ̄ 146:5

Deē ń Nə́ɓā yā Jakob i nge rāā seneé ō, əndā kemən dɔ Kɔ́ɔ̄ɓē Nə́ɓā yān tə́ ō ní, rɔ̄n nelə̄n!

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

EPEJƏ 1:12

I beé ní, jḭḭ̄ ń j-əndāī kemjí dɔ Kərist tə́ ta kəga dɔ ní, ādə̄ jə-tɔ̄yī Nə́ɓā ń i de kə́ bo ní.

PĀ GƏ̄ 71:5

Kɔ́ɔ̄ɓē Nə́ɓā, m-ə̄ndā kemḿ i dɔí ḭ̄ tə́. M-ə́lá gír kənī kemḿ kadī i kə ngōn̄ dūúḿ.

IJAI 61:3

Nin̄ əhɔn̄ ndoō i najə̄ yā Siyo̰ tə́. Banī majə kadə̄ m-ādə̄də́ kūbə̄ kənda dɔ kə́ majə kum gotə bū kə́ dɔdə́ tə́. Majə kadə̄ m̄-tə́te yibə̄ kə́ ítər i kum tə́ dɔdə́ tə́, kə́ ɔjə rɔ̄nel̄ kə̄ ndágá ba i kəhɔ ndoō alé. Majə kadə̄ m-ə́la kūbə̄ rāā nāā rɔ̄də́ tə́ kum gotə tɔ́gə́də́ kə́ ur̄ wak. Loo ń noō tə́ de gə̄ a ədan̄ na nin̄ na ton̄ tītə̄ kāgə̄ gə̄ kə́ ɔrən̄ ta Nə́ɓā beé, na ton̄ tītə̄ ndɔr̄ kə́ ɔjə kɔsə gɔn yā Kɔ́ɔ̄ɓē beé.

JEREMI 39:18

M-ā m-ájiī gáŕ adə̄ a oy yo kaskar alé. Ré ə̄nī kemií ādə̄m̄ anī, ā ī-rāā rɔ̄nel̄ teē ń ā ī-teē ta yo tə́ ní. Najə̄ ń Kɔ́ɔ̄ɓē əda ní n noó.

DANIEL 3:28

Nabukodonosor un najə̄ ɔr̄, əda na: Ādə̄ de gə̄ tɔ̄ȳn̄ Nə́ɓā yā Sadərak ō Mesak ō Abed Nego ō ń əla deē yān kə́ dɔ rā̰ tə́ adə̄ reē ajə ngé kəla yān gə̄ ní. Tɔdɔ̄ nin̄ ənīn̄ kemdə́ mámák adə̄nən̄ ba mbātə́n̄ najə̄ ta mban̄g tə́. Nin̄ a̰a̰n̄ kadə̄ rāā kəla kadə̄ nə́ɓā kə́ rang gə̄ ō, rɔȳ nə́ɓā kə́ rang gə̄ ō, kanjə̄ kadə̄ i Nə́ɓā yādə́ ní, kəya̰ rɔ̄ kadə̄ yá̰á̰ kə́ tōr̄ i só tə́, adə̄ nin̄ əya̰n̄ rɔ̄də́ adə̄n̄ yá̰á̰ kə́ tōr̄.

PĀ GƏ̄ 20:8

De kə́rēý gə̄ əndān̄ kemdə́ i dɔ púsə rɔ̄ɔ̄ yādə́ gə̄ tə́ ō, kə́ madə̄ gə̄ əndān̄ kemdə́ i dɔ sə́nda yādə́ gə̄ tə́ ō. Ba jḭḭ tā a jə-nōō i kə̄ dɔ Kɔ́ɔ̄ɓē Nə́ɓā yājí tə́.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.