JEREMI 17:5 - Bibəl ta Sar̄

⁵ Najə̄ ń Kɔ́ɔ̄ɓē əda ní n toó: Ndɔ̄ĺ i dɔ deē ń əndā kemən dɔ deē madə̄n gə̄ tə́ ō, əndā tɔ́gən dɔ yá̰á̰ kə́ dɔ nang tə́ gə̄ tə́ ō, mbātə́ Kɔ́ɔ̄ɓē ngarā̰ kemən tə́ ō ní.

Bible sar

⁵ Najə̄ ń Kɔ́ɔ̄ɓē əda ní n toó: Ndɔ̄ĺ i dɔ deē ń əndā kemən dɔ deē madə̄n gə̄ tə́ ō, əndā tɔ́gən dɔ yá̰á̰ kə́ dɔ nang tə́ gə̄ tə́ ō, mbātə́ Kɔ́ɔ̄ɓē ngarā̰ kemən tə́ ō ní.

JEREMI 17:5 Referans Kwoze

IJAI 2:22

I beé ní, ə́ya̰ī deē ndul gə̄! Ndidə́ kə kumdə́ i koō ngóy. Ní, nin̄ i rí kógə̄ḿ?

2 YÁ̰A̰ GƏ̄ 32:8

Ngé rɔ̄ɔ̄ gə̄ ń seneé ní i de gə̄, banī jḭḭ̄ ɓáa Kɔ́ɔ̄ɓē Nə́ɓā yājí n i sejí ní. Ni a dḭḭ̄jí adə̄ a rɔ̄ɔ̄ dɔjí tə́. Najə̄ ń mban̄g Ejekias ɔr̄ ní adə̄ de gə̄ malang tɔ́gə.

IJAI 36:6

I dɔ ɓē kə́ Ejiptə tə́ a? Ə̄ndā kemií i dɔ tə̄ɓā kə́ tetə kɔ̄ɔ́ ń a sēr̄ jī náā nəkɔ́ ń a ndə̄nā rɔ̄n tū tə́ ní tə́ a? Parao̰ mban̄g kə́ Ejiptə i tītə̄ ń noō kə de gə̄ malang ń a əndān̄ kemdə́ dɔn tə́ ní.

PĀ GƏ̄ 62:9

Sḭḭ̄ gír de gə̄ ə̄ndāī kemsí dɔn tə́ ngándáńg! Ə́daniī yá̰á̰ ń tōr̄ rɔ̄sí ní. Nə́ɓā i loo ɓɔ̄ɔ̄ rɔ̄ yājí.

PĀ GƏ̄ 18:21

Kɔ́ɔ̄ɓē rāā yá̰á̰ kə́ beé seḿ sɔɔ̄ń i hálə́ḿ kə́ gōtə́ ō, jīḿ kə́ unjə̄ njáý ō.

EJEKIEL 6:9

A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

OJEE 1:2

Ta kəla gír najə̄ ń Kɔ́ɔ̄ɓē əda gír deē yān gə̄ kə ta kūl̄ Ojee ní n toó. Ni-əda Ojee na: Āw̄ ī-taā dəyá̰ kə́ nge rāā ájə́ba gíŕ kújə ɓesēé. Ngán gə̄ ń ni a ojə yā kadī ní, i ngán dəyá̰ kə́ nge rāā ájə́ba. Tɔdɔ̄ de kə́ kem ɓē ń toō tə́ gə̄ rāān̄ ájə́ba, tām̄ nin̄ rɔyn̄ nə́ɓā kə́ rang gə̄ kanjə̄ kadə̄ i mā Kɔ́ɔ̄ɓē.

IJAI 59:15

A̰á̰ā̰, kɔr̄ najə̄ kə́ rɔ̄kum gətóo kɔ̄ɔ́ ō, deē ń ndigə ɓōĺ gidə yá̰a̰ rāā kə́ gōtə́ anī, a nārə̄n̄ yá̰a̰ yān malang kɔ̄ɔ́ ō. Kɔ́ɔ̄ɓē a̰a̰ yá̰a̰ gə̄ ń noō malang. Ni-a̰a̰ kadə̄ gətóo yā yá̰á̰ kə́ súmūú i yá̰á̰ kə́ majaĺ.

2 YÁ̰A̰ GƏ̄ 16:12

Asa əsō mo̰y ɓāl̄ ko̰o̰ ɓē yān kə́ nge ko̰ kutə mətá gidə i ndōhó tə́. I mo̰y kə́ nja tə́ kə́ ngan̄g ngá̰ý n rāān ní. Nəkɔ́ ń i mo̰y rāānneé noō gə̄gē ní Asa sāā nja Kɔ́ɔ̄ɓē alé, banī sāā i nja doktór gə̄ tá kadə̄ tɔlən̄ mo̰y dɔn tə́.

IJAI 20:5

Ngé gə̄ ń ənīn̄ kemdə́ mámák adə̄n̄ ɓē kə́ Etiopi, aláa ɔjən̄ rɔ̄də́ najə̄ rāā kə́ ɓē kə́ Ejiptə a rāā sedə́ tə́ ní, ɓōĺ a rāādə́ ō, rɔ̄də́ a sɔl̄də́ ō.

JEREMI 11:3

Ā ə́dádə́ na: Kɔ́ɔ̄ɓē, Nə́ɓā yā Israel ɔr̄ najə̄ tītə̄ ń toō beé: Ndɔ̄ĺ i dɔ deē ń oō najə̄ kə́ dɔ madə̄ naā ń toō tə́ aĺ ní tə́.