JEREMI 17:4 - Bibəl ta Sar̄

⁴ A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

Bible sar

⁴ A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

JEREMI 17:4 Referans Kwoze

JEREMI 15:14

M-ə́la dɔí gíŕ tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Wōn̄g yāḿ əɓa bup kə́ hor tə́ yā ko̰o̰sí kə́ njɔ́ḿ gə̄ tə́.

NŌŌ RƆ̄ 5:2

Télən̄ kə yá̰a̰ kənge yājí adə̄n̄ tə̄rā gə̄ ō, kújə yājí gə̄ télən̄ yá̰a̰ kənge yā de kə́ deē ger̄də́ aĺ gə̄ ō.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

JEREMI 16:13

M-ā m-ɔ́ýsí dɔ nang ń toō tə́ yā tə́nīsí dɔ nang kə́ rang kə́ sḭḭ̄ gə̄gē kaasí gə̄gē ī-gerī aĺ tə́. Loo ń noō tə́, ā ī-ndɔ̄yī nə́ɓā yā tə̄rā gə̄ ndɔ̄ɔ́ ō, kadaá ō. Ba ā ə̄ndāī kemsí dɔḿ tə́ kadə̄ m̄-dḭḭ̄sí to̰ alé.

IJAI 14:3

Israel, ndɔ̄ kógə̄ḿ tə́ anī, Kɔ́ɔ̄ɓē a adī kadə̄ ɔ̄r̄ koō gō ka̰a̰ tápə̄ yāí tə́, gō yá̰a̰ gə̄ ń nā̰ā̰īn̄ tə́ ní ō, gō kəhɔń əhɔīn̄ ɓəlo kə́ ngan̄g adə̄ ī-ger̄ tə́ ní ō.

EJEKIEL 21:31

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: A taān̄ ta kūbə̄ kənda dɔ yāí kɔ̄ɔ́ ō, a taān̄ jākā mbang yāí kɔ̄ɔ́ ō. Yá̰a̰ gə̄ a tūrə̄n̄! A ɔsən̄ de kə́ najə̄də́ gətóo gə̄ kə̄ dɔɔ́, ba a télən̄ kə de kə́ bo gə̄ kə̄ nang tə́.

NŌŌ RƆ̄ 1:12

Sḭḭ̄ malang ń ā ī-mānī kum róbə́ ń toō tə́ ní, yá̰á̰ kə́ beē rāāsí alé. Ə̄ndāī ma̰ȳ ō, á̰a̰ī ō, ké wur kɔl kə́ tītə̄ yāḿ ń toō i noó wa, kə́ tītə̄ nge ń tōr̄ rɔ̄ḿ ngá̰ý toō, adə̄ i nge ń Kɔ́ɔ̄ɓē rāā adə̄ m̄-ndi kum tə́ ndɔ̄ wōn̄g yān kə́ ngá̰ý tə́ ní.

JEREMI 12:7

M-ə́yá̰ kújə yāḿ kɔ̄ɔ́, m̄-mbātə́ yá̰a̰ kənge yāḿ kɔ̄ɔ́, m-ə́la nge ń m̄-tárən ngá̰ý ní jī madə̄ ba̰ā̰n gə̄ tə́.

JEREMI 5:29

Ní kə m̄-rāā yá̰a̰ kə de gə̄ ń toō aĺ i ba̰ý? kə m̄-dal ba̰ā̰ dɔ gír nápar de kə́ beé gə̄ tə́ aĺ i ba̰ý? Najə̄ ń Kɔ́ɔ̄ɓē əda ní n noó.

IJAI 66:24

Dan ń de gə̄ a teēn̄ kem ɓēé kə̄ ndágá anī, a a̰a̰n̄ nīń de gə̄ ń mbātə́n̄ najə̄ gōḿ tə́ ba əsōn̄ wōn̄g ní. Kəde gə̄ ń əsan̄də́ ní a oyn̄ aĺ bátə́ ō, hor ń o̰o̰də́ ní a oy aĺ bátə́ ō. I yá̰á̰ kógə̄ḿ kə́ majə ka̰ā̰ aĺ ngá̰ý kə́ a to tām̄ yā de gə̄ malang kə́ dɔ nang tə́ tə́.

IJAI 30:33

Rāān̄ hor kógə̄ḿ jóó ngá̰ý kɔ̄ɔ́. Hor ní i tām̄ yā mban̄g tə́ ō. Ɓōkə́n̄ kīr̄ ngá̰ý kem bəlo kógə̄ḿ kə́ laa tə́ ō, ɗúú tə́ ō, adə̄ gōr̄ gong tām̄ yā hor tə́. Koō kə́ ta Kɔ́ɔ̄ɓē tə́ ń to tītə̄ bā bursu kə́ təngā ní, a əla hor tū kīr̄ ní tə́.

NEHEMI 9:28

Ba dan ń əngen̄ loo taā koō anī tél əlan̄ gír a rāān̄ majaĺ ta kumií tə́. Tā anī ḭ̄ ə́yá̰də́ kə̄ jī madə̄ ba̰ā̰də́ gə̄ tə́ adə̄ rāān̄də́ ndoō tə́. Tél nōōn̄ kə̄ dɔí tə́ ɓáý to̰, anī ī-ndi dɔ rā̰ tə́ ōō nōō yādə́. Ájə́də́ nja i ngá̰ý tɔdɔ̄ ī-táŕdə́.

2 MBAN̄G 25:21

Mban̄g kə́ Babilon tɔ̄l̄də́ Ribəla, dɔ nang kə́ Hamat tə́. I beé n ɔyn̄neé de kə́ Juda gə̄ dɔ nang yādə́ tə́ aw̄n̄neé sedə́ sa̰y kɔ̄ɔ́ ní.

1 MBAN̄G GƏ̄ 9:7

na n-a n-tə̄ɓā ngán Israel gə̄ dɔ nang ń n-adə̄də́ tə́ ní kɔ̄ɔ́ ō, na n-a n-mbātə́ kújə́ ń n-ɔr̄ kamə̄n tayā kadə̄ ɓārə̄n̄ rīn dɔ tə́ ní ō, adə̄ n-a n-əndā kumən dɔ tə́ to̰ alé. Adə̄ Israel a tél i mēlē tām̄ ō, kur̄ kəgō ō, yā gír de gə̄ malang.

NDŪ NAJƏ̄ 28:25

Kɔ́ɔ̄ɓē a rāā kadə̄ madə̄ ba̰ā̰í gə̄ a tetənī rɔ̄ɔ̄. Ré ún i róbə́ kə́ kógə̄ḿ beē n āw̄ ə̄nińdə́ rɔ̄ɔ̄ anī, ā ī-tél yā ka̰ȳ nodə́ tə́ i kə ta róbə́ kə́ rang gēé gír sīrí. Ā ī-téĺ yá̰á̰ kə́ əga deē kə̄ngā sāā tə́ tām̄ yā ɓē ko̰o̰ gə̄ malang kə́ dɔ nang tə́ ń a a̰a̰n̄ yá̰á̰ ń a rāāī ní tə́.

JEREMI 2:14

Israel ní i ɓəlo a, ojənən̄ i ɓəloó a? I tām̄ rí tə́ á ɓē kə́ rang gə̄ lángə̄nən̄ ta naā tə́ tītə̄ dā̰ beé ní?

JEREMI 18:23

Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

JEREMI 22:28

Konia ngeé ń toō ní, i jóó kə́ tɔ̄ɔ̄ adə̄ majə rāań yá̰a̰ to̰ aĺ, aké i bay kə́ de gə̄ əyan̄ kɔ̄ɔ́ kə̄ nodə́ tə́ a? I tām̄ rí tə́ á tə́ɓānən̄ kə ngánən gēé ō, ɓōkə́n̄də́ kɔ̄ɔ́ dɔ nang kə́ gerə̄n̄ aĺ tə́ ō ní?

IJAI 50:11

Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

JEREMI 5:19

Dan ń sḭḭ̄ ā ə́daī na: I tām̄ rí tə́ á Kɔ́ɔ̄ɓē yājí rāā adə̄ yá̰a̰ gə̄ ń toō malang rāān̄jí ní? Anī ā ə́dádə́ na: Sḭḭ̄ ī-mbātə́mī ba ī-rāāī kəla ādī nə́ɓā yā tə̄rā gə̄ dɔ nang yāsí tə́ ní, ā ī-rāāī kəla tītə̄ ń noō yā kadə̄ tə̄rā gə̄ dɔ nang kə́ ndetəsí aĺ tə́.

EJEKIEL 7:24

M-ā m̄-reē kə nápar de gə̄ kə́ kemdə́ ndul ngá̰ý yā kadə̄ a taān̄ kújə yādə́ gə̄ kɔ̄ɔ́. M-ā m̄-nujə kɔjə rɔ̄ yā de kə́ ngan̄g ngá̰ý gə̄ kɔ̄ɔ́ ō, de gə̄ a rāān̄ loo yādə́ kə́ to ɓōĺ gidə i loo kə́ karī tə́ ō.