JEREMI 17:3 - Bibəl ta Sar̄

³ Ḭ̄ ń o̰o̰ī ta rāā ɓesə̄ dɔ mbal̄ tə́ kem bembeé ní, m-ā m-ādə̄ de gə̄ ɔyn̄ yá̰a̰ kənge yāí gə̄ ō, yá̰a̰ kə́ gātə̄də́ i ngá̰ý gə̄ ń ə̄ndā dɔ jīí ní ō, dɔ gúú tə́. M-ā m-ādə̄ ɔyn̄ dɔ gúú tə́ najə̄ yā yá̰á̰ kə́ gōtə́ aĺ ń ī-rāā dɔ loo ndɔ̄ȳ gə̄ tə́ gō nang yāí tə́ kə taá malang ní.

Bible sar

³ Ḭ̄ ń o̰o̰ī ta rāā ɓesə̄ dɔ mbal̄ tə́ kem bembeé ní, m-ā m-ādə̄ de gə̄ ɔyn̄ yá̰a̰ kənge yāí gə̄ ō, yá̰a̰ kə́ gātə̄də́ i ngá̰ý gə̄ ń ə̄ndā dɔ jīí ní ō, dɔ gúú tə́. M-ā m-ādə̄ ɔyn̄ dɔ gúú tə́ najə̄ yā yá̰á̰ kə́ gōtə́ aĺ ń ī-rāā dɔ loo ndɔ̄ȳ gə̄ tə́ gō nang yāí tə́ kə taá malang ní.

JEREMI 17:3 Referans Kwoze

JEREMI 15:13

M-ādə̄ de gə̄ a ɔyn̄ yá̰a̰ kənge yāí gə̄ ō, yá̰a̰ yāí gə̄ kə́ gātə̄də́ i ngá̰ý ń ə̄ndā dɔ jīí ní ō dɔ gúú tə́. Yá̰á̰ ń m-ə̄gań kə̄rā majaĺ yāí gə̄ malang ń ī-rāā gō nang yāí tə́ kə taá malang ní n noó.

JEREMI 26:18

Mise nge koō ta kə́ Moreset tə́ ɔr̄ najə̄ ɓāl̄ yā Ejekias, mban̄g kə́ Juda tə́, əda gír de gə̄ malang kə́ Juda tə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A ndɔrə̄n̄ ɓē kə́ Siyo̰ tītə̄ loo ndɔr̄ loo beé ō, Jerusalem a tél ndəbā ɓē kə́ gájə́ yá̰á̰ kə́ tū tə́ gə̄ ra dɔ naā tə́ bing ō, mbal̄ kə́ kújə yā Kɔ́ɔ̄ɓē tə́ a tél loo kə́ kḭḭ kə̄ dɔɔ́ kə́ mu taā dɔ ō.

2 MBAN̄G 24:13

Tītə̄ ń Kɔ́ɔ̄ɓē ədań kété ní, Nabukodonosor ɔy yá̰a̰ kənge kə́ kem kújə yā Kɔ́ɔ̄ɓē tə́ ō, kə́ kem kújə yā mban̄g tə́ ō, malang aw̄ń. Ni tɔ̄ɔ̄ ngáń gájə́ yá̰a̰ rāā kəla gə̄ ń mban̄g Salomo̰ adə̄ rāān̄ kə lɔ́rɔ́ tām̄ yā kújə yā Kɔ́ɔ̄ɓē tə́ ní kɔ̄ɔ́ malang.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

EJEKIEL 16:39

M-ā m-ə́laī kem jī ngé sāāí gə̄ tə́. Nin̄ a nujən̄ loo yāí kə́ kḭḭ kə̄ dɔɔ́ gə̄ ń ī-rāā adə̄ majə ní kɔ̄ɔ́ malang. Nin̄ a ɔyn̄ kūbə̄ yāí gə̄ kɔ̄ɔ́ ō, a ɔyn̄ yá̰á̰ súū rɔ̄ yāí kə́ majə gə̄ kɔ̄ɔ́ ō, ba a əya̰īn̄ kɔ̄ɔ́ kadə̄ ā ī-ndi rɔ̄í karī.

EJEKIEL 6:3

ā ə́da na: De gə̄ ń ndin̄ ɓē dɔ mbal̄ bo gə̄ tə́ ō, dɔ ngán mbal̄ gə̄ tə́ ō, guúru loo gə̄ tə́ ō, wól loo gə̄ tə́ ō ní najə̄ ń mā Kɔ́ɔ̄ɓē Nə́ɓā m-ə́dádə́ ní n toó. M-ā m̄-reē kə ngé rɔ̄ɔ̄ gēé dɔsí tə́ yā nujəń loo ndɔ̄ȳ yāsí gə̄ kɔ̄ɔ́.

NŌŌ RƆ̄ 1:10

Nge rɔ̄ɔ̄ḿ əla jīn ɔyń yá̰a̰ yāḿ kə́ majə ngá̰ý gə̄ malang kɔ̄ɔ́. Jerusalem a̰a̰ nápar de gə̄ ń ɔ̄gə̄də́ kaw̄ dan ngé kán̄ naā yāí gə̄ tə́ ní loo kudə tə́ kem loo kə́ táĺ yān tə́.

JEREMI 12:12

Ngé nujə loo gə̄ a reēn̄ noó kə gō kə̄lá róbə gə̄ malang kə́ dəla loo tə́. Kaskar yā Kɔ́ɔ̄ɓē tɔ̄l̄ de gə̄ ta ngóy dɔ nang kógə̄ḿ tə́ bátə́ gān̄g kə́ noó tə́. De kógə̄ḿ kə́ ndi lɔm gə̄gē a gətóó bátə́.

IJAI 27:9

Loo kun ń a unən̄ yá̰a̰ rāā kə́ gōtə́ aĺ yā Jakob kɔ̄ɔ́ ní n toó, mā̰ȳ rɔ̄ kə́ dɔ yá̰a̰ rāān kə́ gōtə́ aĺ tə́ a ojə i yá̰á̰ ń toō: A tɔ̄ɔ̄n̄ mbal̄ gə̄ malang kə́ dɔ loo tun̄ yá̰a̰ gə̄ tə́ kɔ̄ɔ́, tītə̄ kə́ i yā rāā ndujə̄ tə́ beē. Kāgə̄ ɓesə̄ gə̄ kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ní, a ran̄ dɔɔ́ to̰ alé.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

PĀ GƏ̄ 78:58

Rāān̄ loo ndɔ̄ȳ gə̄ adə̄n̄neé Kɔ́ɔ̄ɓē wōn̄g. Ɓesə̄ yādə́ gə̄ rāān̄ Kɔ́ɔ̄ɓē adə̄ jang rāān.

JEREMI 20:5

Yá̰á̰ kə́ kəndā kon̄ tə́ gə̄ malang kə́ kem ɓē ń toō tə́ ō, yá̰a̰ gə̄ ń teēn̄ tū kəla rāān gə̄ tə́ malang ō, yá̰a̰ yān malang kə́ gātə̄də́ i ngá̰ý gə̄ ō, yá̰a̰ gə̄ malang kə́ kem kújə ngɔ̄m̄ yá̰a̰ kənge gə̄ yā mban̄g kə́ Juda tə́ gə̄ ō ní, m-ā m-ə́ya̰ m-ādə̄ madə̄ ba̰ā̰də́ gə̄ kadə̄ ɔyn̄ dɔ gúú tə́. A ɔyn̄ nánáḿ yā kaw̄ń Babilon.

SOPONI 1:13

I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.

JEREMI 21:13

Ḭ̄ ń ī-ndi wól loo tə́, dɔ mbal̄ tə́ ndágə looó ní, jḭḭ seí jōó ɓōólaā. Sḭḭ̄ ə́daī na deē na asə jə̄ngā kənīsí rɔ̄ɔ̄ aĺ ō, na a asə kudə loo tosí tə́ aĺ ō. Najə̄ ń Kɔ́ɔ̄ɓē əda ní n noó.

EJEKIEL 23:46

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ɔ́siī dɔ de gə̄ kə̄ naā tə́ ādə̄ rɔ̄ɔ̄n̄də́, ādə̄ rāān̄də́ kadə̄ ɓōĺ rāādə́ kadə̄ ndewn̄ ō, ādə̄ taān̄ yá̰a̰ malang ń nin̄ əngen̄ ní kɔ̄kə́ ō!