JEREMI 17:24 - Bibəl ta Sar̄

²⁴ Ré sḭḭ̄ ōōī najə̄ kɔrə̄ḿ kə́ rɔ̄kum tə́ ō, ī-rāāī ādə̄ de gə̄ ətōn̄ yá̰á̰ kə́ kɔȳ gə̄ mānə̄n̄neé ta róbə gə̄ ń toō tə́ ndɔ̄ sabat tə́ aĺ ō, ī-ɓōlíī gidə ndɔ̄ sabat ō, ī-rāāī kəla ndɔ̄ ngeé ń noō tə́ aĺ ō anī,

Bible sar

²⁴ Ré sḭḭ̄ ōōī najə̄ kɔrə̄ḿ kə́ rɔ̄kum tə́ ō, ī-rāāī ādə̄ de gə̄ ətōn̄ yá̰á̰ kə́ kɔȳ gə̄ mānə̄n̄neé ta róbə gə̄ ń toō tə́ ndɔ̄ *sabat tə́ aĺ ō, ī-ɓōlíī gidə ndɔ̄ sabat ō, ī-rāāī kəla ndɔ̄ ngeé ń noō tə́ aĺ ō anī,

JEREMI 17:24 Referans Kwoze

NDŪ NAJƏ̄ 11:13

Ré yá̰a̰ gə̄ ń ɓōólaā m-ə̄ndā dɔsí tə́ kadə̄ ī-rāāī ní ī-rāāīdə́ rɔ̄kum, adə̄ ī-táriī Kɔ́ɔ̄ɓē Nə́ɓā yāsí ō, ī-rāāī kəla ādə̄niī kə ngarā̰ kemsí gēé malang ō, kə rɔ̄sí malang ō anī,

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

JAKARI 6:15

Ngé gə̄ ń nin̄ i sa̰y ní, a reēn̄ yā tél rāā kújə yā Kɔ́ɔ̄ɓē gogə́ rang. Loo ń noō tə́ ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý rɔ̄kum n əlam̄ kə̄ rɔ̄sí tə́ ní. Yá̰á̰ ń noō a rāā yá̰a̰ dan ń ōōī ta Kɔ́ɔ̄ɓē Nə́ɓā yāsí rɔ̄kum ní.

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

IJAI 21:7

Ré ní a̰a̰ púsə rɔ̄ɔ̄ gə̄ kógə̄ḿ kə́ i sə́nda gə̄ jōó n a unən̄ aláa a̰a̰ de gə̄ dɔ kərō gə̄ tə́ aláa a̰a̰ de gə̄ dɔ jámbal gə̄ tə́ anī, majə kadə̄ əndā kumən gírí, a̰á̰ā̰ majə, kadə̄ əndā kumən gírí ngá̰ý.

NDŪ NAJƏ̄ 11:22

Tɔdɔ̄ yá̰a̰ malang ń m-ə̄ndā dɔsí tə́ kadə̄ ī-rāāī ní, ré ī-rāāīdə́ rɔ̄kum adə̄ ī-táriī Kɔ́ɔ̄ɓē Nə́ɓā yāsí ō, úniī gō róbə yān gə̄ malang ō, ə́hɔī gōn ō anī,

Teē Ngán Israel gə̄ 20:8

Ādə̄ dɔí ndígə̄nal dɔ ngɔ̄m̄ ndɔ̄ sabat tə́ tām̄ yāḿ tə́ alé.

EJEKIEL 20:20

Ɔ̄rī ndɔ̄ sabat tām̄ yāḿ tə́. Nge ń noō i yá̰á̰ kə́ to dɔ dáńjí tə́, sḭḭ̄ ō mā ō. I beé tá a əga kemsí dɔ tə́ kadə̄ Kɔ́ɔ̄ɓē Nə́ɓā yāsí i mā.