JEREMI 17:21 - Bibəl ta Sar̄

²¹ Kɔ́ɔ̄ɓē ɔr̄ najə̄ i tītə̄ ń toō beé: Ī-lōōī kətō yá̰á̰ kə́ kɔȳ gə̄ ndɔ̄ sabat tə́, ī-mānīneé ta róbə́ kə́ Jerusalem gə̄ tə́ aĺ ō.

Bible sar

²¹ Kɔ́ɔ̄ɓē ɔr̄ najə̄ i tītə̄ ń toō beé: Ī-lōōī kətō yá̰á̰ kə́ kɔȳ gə̄ ndɔ̄ * sabat tə́, ī-mānīneé ta róbə́ kə́ Jerusalem gə̄ tə́ aĺ ō.

JEREMI 17:21 Referans Kwoze

NDŪ NAJƏ̄ 11:16

Ī-lōōī kadə̄ deē gól̄sí kadə̄ ī-tɔ̄ɔ̄ī róbə ō, kadə̄ ī-rāāī kəla ādī ɓesə̄ gə̄ ō, kadə̄ ɔ́siī nosí nang tə́ nodə́ tə́ ō.

NDŪ NAJƏ̄ 4:23

Ī-lōōī kadə̄ dɔsí ndígə̄nal madə̄ naā ń Kɔ́ɔ̄ɓē Nə́ɓā yāsí əhɔ sesí ní ba kḭḭ rāā ɓesə̄ gə̄ ō, tɔ́sə̄ yá̰a̰ rāā ndíĺ yá̰a̰ gə̄ ń ni ɔgə̄sí rāā tə́ ní ō.

NDŪ NAJƏ̄ 4:15

Ə̄ndāī kumsí gír rɔ̄sí sḭḭ̄ kɔ́ gə̄ tə́ majə, tɔdɔ̄ ndɔ̄ ń Kɔ́ɔ̄ɓē ɔrə̄ń najə̄ sesí kum hor tə́ dɔ mbal̄ Horeb tə́ ní, á̰a̰ī ngarā̰ kumən nəkɔ́ alé.

NDŪ NAJƏ̄ 4:9

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

Najə̄ kə́ Majə yā Jeju ń Luk ndang ní 8:18

I beé ní á̰a̰ī loo koō ń ōōī loo ní majə. Tɔdɔ̄ deē ń i kə yá̰á̰ ní Nə́ɓā adə̄n madə̄ dɔ tə́. Ba deē ń i kə yá̰á̰ aĺ ní, yá̰á̰ ń ni-ɔjəń na i yá̰a̰ yān ní gə̄gē, Nə́ɓā a taā jīn tə́ kɔ̄ɔ́.

MARK 4:24

Ni ədadə́ ɓáý to̰ na: Ə̄ndāī ma̰ȳ yá̰á̰ ń ā oōī ní. A mbɔ̄jə́n̄ yá̰a̰ adə̄n̄sí i kem kār̄ tɔ̄jə̄ yá̰á̰ ń sḭḭ̄ ī-mbɔ̄jíīneé yá̰a̰ ādī tə́ ní ō, tá a adə̄n̄sí dɔ tə́ ɓáý to̰ ō.

Gōsə̄ najə̄ gə̄ 4:23

Ə̄ndā may yá̰á̰ ń ī-gír kemií tə́ ní majə. A rāā seí tɔȳ gotə yá̰a̰ gə̄ malang tɔdɔ̄ a ī-ndi kə kumií i kə ta kulneé.

JOJUE 23:11

Adə̄ ə̄ndāī kumsí majə dɔ rɔ̄sí sḭḭ̄ kɔ́ gə̄ tə́ ī-táriīń Kɔ́ɔ̄ɓē Nə́ɓā yāsí.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

IJAI 56:2

Rɔ̄nel̄ i kə deē ń rāā yá̰á̰ m-ə́dá ní, i kə deē ń ra dɔ tə́ ngan̄g ní. Rɔ̄nel̄ i kə deē ń ɓōĺ gidə ndɔ̄ sabat ō, rā dɔ ndūn tə́ loon tə́ ō ní, deē ń gōn̄g yá̰a̰ rāā kə́ majaĺ ní.

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

Teē Ngán Israel gə̄ 20:8

Ādə̄ dɔí ndígə̄nal dɔ ngɔ̄m̄ ndɔ̄ sabat tə́ tām̄ yāḿ tə́ alé.