JEREMI 17:2 - Bibəl ta Sar̄

² Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

Bible sar

² *Loo tun̄ yá̰a̰ yādə́ gə̄ ō, kāgə̄ kə́ yā ɓōĺ gidə yādə́ gə̄ ń ran̄ ngɔr kadə ngé gə̄ ń ton̄ mbōl̄ ngándáńg tə́ dɔ ngán mbal̄ kə́ ngāl̄ gə̄ tə́ ō, ní a ɔrə̄n̄ najə̄də́ i tītə̄ loo kɔr̄ najə̄ ngáńdə́ gə̄.

JEREMI 17:2 Referans Kwoze

2 YÁ̰A̰ GƏ̄ 24:18

Adə̄ nin̄ əya̰n̄ kújə yā Kɔ́ɔ̄ɓē Nə́ɓā yā kaadə́ gə̄ kɔ̄ɔ́ ba rāān̄ ɓesə̄ kāgə̄ kə́ yā ɓōĺ gidə gə̄ ō, ɓesə̄ kə́ rang gə̄ ō. Yá̰á̰ kə́ gōtə́ aĺ ń nin̄ rāān̄ ní rāā adə̄ wōn̄g rāā Nə́ɓā kə dɔ nang yā Juda ō, kə ɓē kə́ Jerusalem ō.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

IJAI 17:8

Nin̄ a tūrə̄n̄ kumdə́ kə̄ loo tun̄ yá̰a̰ gə̄ ń nin̄ kɔ́ gə̄ rāān̄ tə́ ní alé. Kāgə̄ kə́ kudə kə́ yā ɓōĺ gidə gə̄ ō, loo róō ndujə̄ yá̰á̰ kə́ kotə majə gə̄ ō ń nin̄ kɔ́ gə̄ rāān̄ kə jīdə́ ní, nin̄ a̰a̰n̄ to̰ alé.

IJAI 1:29

Loo ń noō tə́ rɔ̄sí a sɔl̄sí najə̄ yā kāgə̄ kə́ yā ɓōĺ gidə gə̄ ń kété nel̄sí ngá̰ý ní tə́. Ndɔr̄ gə̄ ń ī-gə̄rāīdə́ yā rāā kəla kemeé kadə̄ nə́ɓā kə́ rɔ̄kum aĺ gə̄ ní a əlan̄ rɔ̄sɔl̄ dɔsí tə́.

2 YÁ̰A̰ GƏ̄ 33:3

Loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní ni tél rāādə́ gogə́ rang. Ni rāā loo tun̄ yá̰a̰ gə̄ kə́ yā tunəń yá̰a̰ kadə̄ ɓesə̄ Baal gə̄ ō, túdə̄ kāgə̄ ɓesə̄ kə́ yā ɓōĺ gidə gə̄ ō, ɔsə non nang tə́ no tə́yō̰ gə̄ malang kə́ dɔ rā̰ tə́ tə́ rɔȳńdə́ ō, rāā kəla adə̄də́ ō.

NGÉ SARYA 3:7

Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē Nə́ɓā alé. Dɔdə́ ndígə̄nalən kɔ̄ɔ́, adə̄ rāān̄ ɓesə̄ Baal gə̄ ō, Asera gə̄ ō.

EJEKIEL 20:28

Kété ní m̄-túbə kadə̄ m-ādə̄də́ dɔ nang kógə̄ḿ ō, m-ɔ́ŕdə́ ta róbə m-āw̄ sedə́ dɔ nang ní tə́ ō. Ba dan ń a̰a̰n̄ kāgə̄ kə́ mbīdə́ əga ku gə̄ dɔ ngán mbal̄ gə̄ kə́ kem ɓē ní tə́ anī, ndējə̄n̄ yá̰a̰ tun̄ yādə́ gə̄ tū tə́. Nin̄ ndējə̄n̄ yá̰a̰ ō, tunən̄ yá̰á̰ kə́ kotə majə gə̄ ō, ndējə̄n̄ kasə nduú gə̄ ō loo gə̄ ní tə́ adə̄mə̄n̄neé wōn̄g.

JEREMI 7:18

Ngán gə̄ ɔyn̄ kīr̄ ō, bɔbə̄də́ gə̄ unjə̄n̄ hor ō, dəyá̰ gə̄ ló̰ȳn̄ ndujə̄ ō yā rāań mápá kə́ kə yibīí yā kadə̄ Mban̄g kə́ dəyá̰ kə́ dɔ rā̰ tə́. Sḭḭ̄ ī-téteī kasə nang tə́ ādī nə́ɓā kə́ rang gə̄ ādə̄mīneé wōn̄g.

PĀ GƏ̄ 78:58

Rāān̄ loo ndɔ̄ȳ gə̄ adə̄n̄neé Kɔ́ɔ̄ɓē wōn̄g. Ɓesə̄ yādə́ gə̄ rāān̄ Kɔ́ɔ̄ɓē adə̄ jang rāān.

2 YÁ̰A̰ GƏ̄ 33:19

Ba najə̄ ń ɔr̄ kem ndɔ̄ȳ yān tə́ ō, loo koō ń Nə́ɓā oō ndūn ba rāā yá̰á̰ ń dəjen ní ō, yá̰á̰ kə́ majaĺ gə̄ malang ń ni-rāā ō, háĺ kə́ gōtə́ aĺ gə̄ ń rāā kə Nə́ɓāá ní ō, rī loo gə̄ ń ni-rāā loo ndɔ̄ȳ gə̄ tū tə́ ō, túdə̄ kāgə̄ ɓesə̄ kə́ yā ɓōĺ gidə gə̄ tū tə́ ō, túdə̄ yá̰á̰ kə́ tɔ́sə̄ ba rāādə́ kum gotə yá̰a̰ gə̄ tū tə́ ō, pá tá kadə̄ tél ger̄ yá̰a̰ rāān kə́ majaĺ gə̄ ta kum Kɔ́ɔ̄ɓē tə́ ní, ndangən̄ yá̰a̰ gə̄ ń noō malang i kem makətūbə̄ ń rīn na i kəla gə̄ ń Hojai rāā ní tə́.

Teē Ngán Israel gə̄ 34:13

Ā ī-tɔ̄ɔ̄ī loo tun̄ yá̰a̰ yādə́ gə̄ kɔ̄ɔ́ ō, ā ī-tɔ̄ɔ̄ī mbal̄ yādə́ gə̄ ń túdə̄n̄ kə nja kə́ dɔɔ́ ní kɔ̄ɔ́ ō, ā ī-jéngī kāgə̄ ɓesə̄ yādə́ kə́ yā ɓōĺ gidə gə̄ ń túdə̄n̄ ní kɔ̄ɔ́ ō.

JEREMI 3:6

Ɓāl̄ ko̰o̰ ɓē yā mban̄g Josias tə́ ní Kɔ́ɔ̄ɓē ədam̄ na: Yá̰á̰ ń Israel nge túy taā kem rāā ní á̰a̰ā̰ a? Ni al̄ aw̄ rāā ájə́ba dɔ mbal̄ malang kə́ ngāl̄ gə̄ tə́ ō, gír kāgə̄ malang kə́ to mbōl̄ gə̄ tə́ ō.

JEREMI 3:23

Kə́ rɔ̄kum gə̄ tə́ ní, yá̰á̰ kə́ ḭḭ dɔ ngán mbal̄ gə̄ tə́ i yá̰á̰ kə́ rɔ̄kum alé. De gə̄ rāān̄ adə̄ i kōōdə́ ngóy n ɓār̄ dɔ mbal̄ gə̄ tə́ ní. Kə́ rɔ̄kum gə̄ tə́ ní, Israel ənge kajə i kem Kɔ́ɔ̄ɓē Nə́ɓā yājí tə́ ngóy.

NDŪ NAJƏ̄ 12:2

Loo rāā ɓesə̄ yā nápar de gə̄ ń ā ī-taāī dɔ nang yādə́ á i dɔ mbal̄ bo gə̄ tə́ ō, dɔ ngán mbal̄ gə̄ tə́ ō, gír kāgə̄ gə̄ kə́ mbīdə́ i ngá̰ý tə́ ō ní, ā ī-nujiīneé kɔ̄ɔ́ malang.