JEREMI 17:11 - Bibəl ta Sar̄

¹¹ Deē ń ɔsə dɔ dūbə̄ yá̰a̰ kənge naā tə́ kə róbəneé aĺ ní, to i tītə̄ kerwḛy kə́ ɔbə̄ kaa kə́ i ni n ənī ní alé. Teē kə̄ danaá rik anī, yá̰a̰ kənge yān a əya̰n kɔ̄ɔ́ dan majə kə́ ngá̰ý tə́. A əsō ō, a tél de kə́ kur̄ dɔn gətóo kə̄ non tə́ ō.

Bible sar

¹¹ Deē ń ɔsə dɔ dūbə̄ yá̰a̰ kənge naā tə́ kə róbəneé aĺ ní, to i tītə̄ kerwḛy kə́ ɔbə̄ kaa kə́ i ni n ənī ní alé. Teē kə̄ danaá rik anī, yá̰a̰ kənge yān a əya̰n kɔ̄ɔ́ dan majə kə́ ngá̰ý tə́. A əsō ō, a tél de kə́ kur̄ dɔn gətóo kə̄ non tə́ ō.

JEREMI 17:11 Referans Kwoze

Gōsə̄ najə̄ gə̄ 28:20

De kə́ gōtə́ ənge tɔ́r̄ ta ngá̰ý, banī deē ń gḛy kənge yá̰a̰ kənge láẃ ngá̰ý gidə kógə̄ḿ ní, a nal̄ ndéy alé.

Gōsə̄ najə̄ gə̄ 21:6

Yá̰á̰ kə́ kənge kə ta kūl̄ najə̄ kə́ soró i yá̰á̰ gól̄ rɔ̄ yā ngé sāā yo gə̄ kə́ a to dan i ngá̰ý alé.

JEREMI 22:17

Banī kumií ō, gír̄ kə́ kemií tə́ ō, ran̄ i dɔ yá̰á̰ kə́ tām̄ yāí īkɔ́ tə́ ngóy ō, gerə̄n̄ i kənī mósə de kə́ najə̄ gətóo dɔn tə́ nang tə́ ō, ī-rāā yá̰a̰ kə dɔ́nɔ́ ō, rāā kum de gə̄ ndoō tə́ ō ngóy.

JEREMI 22:13

Deē ń rāā kújə yān kanjə̄ kadə̄ usən dɔ yá̰a̰ rāā kə́ gōtə́ tə́ ō, rāā kújə yān gə̄ kə́ dɔ madə̄ tə́ gə̄ tə́ dɔɔ́ kanjə̄ kadə̄ usən dɔ yá̰á̰ kə́ súmūú tə́ ō, mēr̄ de gə̄ rāā kəla yān karī kanjə̄ kəgādə́ ō ní, yá̰á̰ kə́ to kum kaȳ aĺ a teē dɔn tə́.

Gōsə̄ najə̄ gə̄ 28:8

De kə́ nge rāā kadə̄ yá̰a̰ kənge yān reē ngá̰ý dɔ madə̄ tə́ kə ta kūl̄ nar yān kə́ adə̄ kūl̄ tə́ ba gān̄g manə̄n ngá̰ý dɔ tə́ ní, yá̰a̰ kənge yān ní a tél yā reē i kə̄ jī de kə́ nge ka̰a̰ kum to ndoō yā ngé tɔ́gə gətóo gə̄ tə́.

Gōsə̄ najə̄ gə̄ 15:27

De kə́ nge kə́ra de gə̄ i nge nujə kem de kə́ kem kújə yān tə́ gə̄, banī deē ń kəla jī nang tə́ yā nujəń sarya i yá̰á̰ kə́ dɔ kumən tə́ aĺ ní a ndi kə kumneé ta kaw̄ jóo.

2 PIYER 2:14

Kumdə́ a ndəle i dəyá̰ kə́ ngé rāȳ gə̄ ō, asədə́ rāā yá̰á̰ kə́ majaĺ aĺ bátə́ ō. Nin̄-əyān̄ gūmbə̄ əhɔn̄neé de kə́ tɔ́gə́də́ gətóo gə̄ ō. Yá̰á̰ ń i rāā ta nar ní, nin̄-gerə̄n̄ ngá̰ý ō. Ndɔ̄ĺ yā Nə́ɓā i dɔdə́ tə́!

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

SOPONI 1:9

Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.

Gōsə̄ najə̄ gə̄ 28:22

Nge ngɔ̄də̄ gō yá̰a̰ kənge i de kə́ kumən majə alé, ndoō kə́ ngá̰ý ń a rāā yā kəsō kum tə́ ní ni ger̄ alé.

Gōsə̄ najə̄ gə̄ 13:11

Yá̰a̰ kə́ deē ənge ngá̰ý gidə kógə̄ḿ a gətóo láẃ ngá̰ý, ba yá̰á̰ ń deē ɔsə dɔ naā tə́ jəke jəke ní a ḭḭ kə gidənée.

PĀ GƏ̄ 55:23

Ī-tél kə yá̰a̰ kətō yāí kə́ ɔȳ ə̄ndā dɔ Kɔ́ɔ̄ɓē tə́. Ni a rāā kadə̄ ā ī-tél yā kənge tɔ́gə gogə́. Ni a əya̰ kadə̄ nja de kə́ súmūú ndetə aĺ bátə́.

Najə̄ kə́ Majə yā Jeju ń Luk ndang ní 12:20

Banī Nə́ɓā əda deē ní na: Ḭ̄ i de kə́ ger̄ yá̰a̰ alé! Ndɔ̄ɔ́ ɓōólaā nəkɔ́ ń toō ā óy kɔ̄ɔ́. Ní, yá̰á̰ ń ī-kán̄ kə̄ naā tə́ tām̄ yāí tə́ ní i náā n a tél kɔ́ɔ̄n tā?

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

1 TIMOTE 6:9

Ba ngé gə̄ ń gḛyn̄ kənge yá̰á̰ ngá̰ý ní, a əsōn̄ kum gūmbə̄ yā yá̰a̰ nāā tə́ ō, yā ngur yá̰á̰ kə́ to mbóo gə̄ tə́ ō, kə́ majaĺ gə̄ tə́ ō ń i yá̰á̰ kə́ a nujən̄ de gə̄ sák sák ō, a tḭ̄ḭ̄n̄ tadə́ ō ní.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JAKARI 5:4

Kɔ́ɔ̄ɓē kə́ bo kə́ tɔ́gən i ngá̰ý əda wáńg na: M-ə̄nī ndɔ̄ĺ ń noō i yā kadə̄ udə kem kújə yā ngé ɓogə gə̄ tə́ ō, kadə̄ udə ɓē de gə̄ malang ń unən̄ rīḿ a túbənə̄ń dɔ láḿ tə́ ní ō. Ndɔ̄ĺ ní a ndi noó ō, a nujə yá̰a̰ malang kɔ̄ɔ́ ō. A nujə sáā kāgə̄ gə̄ gə̄gē, mbal̄ gə̄ gə̄gē, kɔ̄ɔ́.

MISE 7:3

Rāā yá̰á̰ kə́ majaĺ ní, nin̄ ngangə̄n̄ ngá̰ý loon tə́. Ngār gə̄ adə̄ a mangən̄də́ i mbée ō, ngār sarya gə̄ a dəjen̄ i yá̰a̰ kəndā nja gə̄ ō, yá̰a̰ gə̄ ń de kə́ bo gə̄ gḛyn̄ kənge ní, nin̄ ədan̄ adə̄ kumən unjə̄ ō. Nin̄ əndān̄ rɔ̄də́ naā tə́ yā rāań yá̰a̰ yādə́ kə́ majaĺ gə̄ ō.

MISE 2:9

Sḭḭ̄ ī-tə̄ɓāī dəyá̰ gə̄ kə́ dan gír deē yāḿ gə̄ tə́ kɔ̄ɔ́ kem kújə gə̄ ń nel̄də́ tə́ ní. Kii ń m-íí ngáńdə́ gə̄ ní, sḭḭ̄ ī-taāī jīdə́ tə́ kɔ̄ɔ́, kə́ njɔ́ḿ gə̄ tə́.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

Gōsə̄ najə̄ gə̄ 28:16

Ngār kə́ ger̄ najə̄ aĺ rāā yá̰á̰ kə́ gōtə́ aĺ gə̄ ngá̰ý, banī deē ń gḛy kə́ra deē dɔ yá̰a̰ yān tə́ aĺ ní, a ənī ndɔ̄n ta madə̄ tə́.

Gōsə̄ najə̄ gə̄ 23:5

Kumií a a̰a̰ yá̰a̰ kənge ba sḛy beē a gətóo kɔ̄ɔ́, tɔdɔ̄ ni ger̄ kḭḭ bɔ̄gə̄! Ni a ḭḭ bɔ̄gə̄ kum kə̄ dɔ rā̰ tə́ tītə̄ kə̄rō beé.

PĀ GƏ̄ 49:13

Deē ń de gə̄ ɔsən̄ gɔnən ní a ndi dan i ngá̰ý alé. Ni to i tītə̄ dā̰ ń əhɔ tan kə̄ naā tə́ kɔ̄ɔ́ ní.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

Makətūbə̄ yā Job 20:21

Kəsa wa yān rāā adə̄ yá̰a̰ mān̄ tan alé, adə̄ ni a ndi majə dan i ngá̰ý alé.