JEREMI 17:1 - Bibəl ta Sar̄

¹ Yá̰á̰ kə́ gōtə́ aĺ yā Juda i kə́ ndang kə gəreé ō, kə diyamā̰a̰ kə́ ta nīmbə́ ō. Ndangən̄ i ngarā̰ kemdə́ tə́ ō, i dɔ gajə loo tun̄ yá̰a̰ gə̄ tə́ ō.

Bible sar

¹ Yá̰á̰ kə́ gōtə́ aĺ yā *Juda i kə́ ndang kə gəreé ō, kə *diyamā̰a̰ kə́ ta nīmbə́ ō. Ndangən̄ i ngarā̰ kemdə́ tə́ ō, i dɔ gajə *loo tun̄ yá̰a̰ gə̄ tə́ ō.

JEREMI 17:1 Referans Kwoze

Gōsə̄ najə̄ gə̄ 3:3

Ī-ra dɔ ndūí tə́ ngándáńg ō, ī-rāā yá̰á̰ kə́ rɔ̄kum ngándáńg ō, ə̄nīdə́ mədé tə́ kɔ́ɔ́í tə́ ō, ī-ndangdə́ dan wurií tə́ ō.

2 KORḚNTƏ 3:3

Kadə̄ sḭḭ̄ i makətūbə̄ kə́ Kərist ndang əla jījí tə́ kadə̄ j-adə̄ de gə̄ ní, nge ń noō to i kə̄ dɔ ndágá. Sḭḭ̄ i makətūbə̄ kə́ ndang kə man̄ yá̰á̰ kə́ nduluú alé, banī i kə́ ndang kə Ndíĺ Nə́ɓā kə́ ndi kə kumneé. Sḭḭ̄ i najə̄ kə́ ndang dɔ ngán mbal̄ kə́ laa gə̄ tə́ alé, ba i dan wur deē tə́.

Gōsə̄ najə̄ gə̄ 7:3

Ī-do̰ō̰də́ ta ngán jīí tə́, ī-ndangdə́ dan wurií tə́.

LEBI GƏ̄ 4:25

Nge tun̄ yá̰a̰ a ɔdə mósən kə ta ngōn̄ jīneé yā rāā ta gajə gə̄ kə́ dɔ loo tun̄ yá̰á̰ tə́. Gō tə́ anī a ɓōkə́ gotə mósə́ ní nja loo tun̄ yá̰á̰ ní tə́.

OJEE 12:11

Dan ngeé ń noō tə́ ní, m-ɔ̄r̄ najə̄ kə ngé koō ta gēé. Adə̄ yá̰á̰ kə́ yā ká̰ā̰ gə̄ ní, m-ə́lań i ngá̰ý m-ādə̄də́ adə̄ a̰a̰n̄. Tá kə ta kūl̄ ngé koō ta gə̄ ní, m-ə́da najə̄ yá̰a̰ gə̄ ń m̄-núm̄ rāā ní ɓáý to̰.

IJAI 49:16

A̰á̰ā̰, m̄-ndang rīí da jīḿ tə́. m̄-gír̄ dɔ ndogə̄ mbal̄ yāí gə̄ ń ā ī-rɔ̄ɔń dɔ rɔ̄í tə́ ní kanjə̄ kəya̰ ta.

JEREMI 2:22

Ká ré ī-ndogə̄ man̄ i kə sabūnūú aké ī-ndogə̄ man̄ i kə sabūn̄ katāá gə̄gē anī, yá̰á̰ kə́ to yḛr kum ń ī-rāā ní a to ta kumḿ tə́ ɓáý. Najə̄ ń Kɔ́ɔ̄ɓē Nə́ɓā əda ní n noó.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

OJEE 7:2

Banī nin̄ gírə̄n̄ yá̰á̰ ń toō alé: Yá̰á̰ kə́ majaĺ gə̄ malang ń nin̄ rāān̄ ní, əga kemḿ dɔ tə́. Ngɔlaā ní, yá̰a̰ rāādə́ gə̄ gīr̄ gidədə́ əla ta naā tə́. M-á̰á̰də́ ta kumḿ tə́ ngándáńg.

JAKARI 7:12

Nin̄ rāān̄ kemdə́ adə̄ ngan̄g tītə̄ mbal̄ diyamā̰a̰ beé. Yá̰á̰ ndóō gə̄ ō, najə̄ gə̄ ō, ń Kɔ́ɔ̄ɓē kə́ bo kə́ tɔ́gən i ngá̰ý ɔjədə́ kə ta kūl̄ ndílən, kə ta kūl̄ ngé koō ta gə̄ kété jóó ní, nin̄ mbātə́n̄ koō. Loo ń noō tə́ wōn̄g rāā Kɔ́ɔ̄ɓē kə́ bo kə́ tɔ́gən i ngá̰ý ngá̰ý

JEREMI 11:13

Ḭ̄ Juda, kutə nə́ɓā yāí gə̄ asə naā kə kutə ɓē yāí gə̄ ō, kutə loo tun̄ yá̰a̰ kə́ to rɔ̄sɔl̄ ń i loo róō yá̰á̰ kə́ tun̄ gə̄ yā kadə̄ Baal ní asə naā kə kutə kəla róbə gə̄ kə́ Jerusalem tə́ ō.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

OJEE 8:11

Epəraim rāā loo tun̄ yá̰a̰ gə̄ gír i ngá̰ý yā kɔrə̄ń mān̄ dɔ ndū Nə́ɓā yān, banī ni mān̄ dɔ ndū Nə́ɓā i kə ta kūl̄ loo tun̄ yá̰a̰ gə̄ ngeé ń toō.