JEREMI 16:4 - Bibəl ta Sar̄

⁴ Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

Bible sar

⁴ Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 16:4 Referans Kwoze

JEREMI 25:33

Əla gír dām̄ dɔ nang kógə̄ḿ tə́ bátə́ gān̄g kə́ noō tə́ ní, de gə̄ a əndān̄ yo ngé gə̄ ń Kɔ́ɔ̄ɓē a tɔldə́ ní, ndɔ̄ ń noō tə́ alé. De gə̄ a ɔyn̄də́ yā dubə̄də́ alé, adə̄ a télən̄ dɔ bū loo kə́ dɔ nang tə́.

PĀ GƏ̄ 83:10

Nə́ɓā, ī-rāādə́ yá̰á̰ ń ī-rāā kə Sisəra ō Yabin ō ta man̄ Kison tə́ ní, aláa ī-rāādə́ yá̰á̰ ń ī-rāā kə Madian gə̄ ní.

JEREMI 9:22

Najə̄ ń Kɔ́ɔ̄ɓē əda ní n toó: Ādə̄ nge kum kedə̄ tɔ̄ȳ rɔ̄n tām̄ kum kedə̄ yān tə́ aĺ ō, ādə̄ de kə́ tɔ́gən i ngá̰ý tɔ̄ȳ rɔ̄n dɔ tɔ́gən kə́ ngá̰ý tə́ aĺ ō. ādə̄ nge kənge yá̰a̰ tɔ̄ȳ rɔ̄n tām̄ yá̰a̰ kənge yān tə́ aĺ ō.

SOPONI 1:17

Kɔ́ɔ̄ɓē əda na: De gə̄ mānə̄n̄ dɔ ndūḿ. Ní, m-ā m-ə́la tadə́ kum wur kɔl tə́, adə̄ nin̄ a hə́yān̄ loo njə̄rā tə́ tītə̄ ngé kum tɔ̄ɔ̄ gə̄ beé. A ɓōkə́n̄ mósə́də́ tītə̄ loo ɓōkə́ bumbə́ru beé ō, nīńdə́ a ndum tītə̄ loo kə́ yḛr beé ō.

JEREMI 34:20

M-ə́ládə́ kem jī madə̄ ba̰ā̰də́ gə̄ tə́ ō, jī ngé ndə̄ngādə́ yo tə́ ō. Nīńdə́ a tél yá̰a̰ kəsa yā yel̄ kə́ dɔ rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 7:33

Nīń gír de gə̄ ń toō a téĺ yá̰a̰ kəsa yā yel̄ kə́ dɔ rā̰ tə́ gə̄ ō, yā dā̰ kə́ dɔ nang tə́ gə̄ ō, de kə́ yā tə̄ɓādə́ dɔ tə́ gətóo.

IJAI 18:6

Yā Etiopi gə̄ i tītə̄ ń noó ō, a əya̰n̄də́ kɔ̄ɔ́ yā kadə̄ kə̄rō gə̄ kə́ dɔ mbal̄ bo gə̄ tə́ ō, dā̰ kə́ kem bembeé gə̄ ō. Kə̄rō gə̄ a əsan̄də́ dan kə́ majə tə́ ō, dā̰ kə́ bembeé gə̄ a əsan̄də́ dan kə́ majaĺ tə́ ō.

EJEKIEL 5:12

Núsə de kə́ kem ɓēé gə̄ kə́ ta kəga dɔ a oyn̄ yo mo̰y ngāl̄bɔ̄gīí, aláa yo ɓō kem ɓēé. Núsə de kə́ kem ɓēé kə́ nge ko̰ jōó a oyn̄ yo kaskar kə gō gidə ɓēé. Núsə de kə́ kem ɓēé gə̄ kə́ nge ko̰ mətá ní, m-ā m̄-tə̄ndā yā tḭ̄ḭ̄də́ kə̄ loo gə̄ tə́, ba m-ā m̄-ngɔ̄də̄də́ kə kaskaraá.

JEREMI 44:27

M-ə̄ndā kumḿ gíŕdə́ tə́ i yā rāādə́ yá̰á̰ kə́ majaĺ, banī i yá̰á̰ kə́ majə alé. Juda gə̄ ń ndin̄ kem ɓē kə́ Ejiptə tə́ ní a oyn̄ yo kaskar ō, yo ɓō ō, bátə́ kadə̄ təgān̄neé.

JEREMI 36:30

Ɓá anī mā Kɔ́ɔ̄ɓē m-ə́da najə̄ ń toō dɔ Joakim mban̄g kə́ Juda tə́: Ni a ənge deē kógə̄ḿ kə́ kadə̄ a ndi dɔ kōr̄ kāgə̄ mbang yā Dabid tə́ gotən tə́ alé. Nīnə́n a to kum mbang tə́ kadaá ō, kum kūl̄ tə́ ndɔ̄ɔ́ ō.

JEREMI 34:17

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Sḭḭ̄ ōōī najə̄ yāḿ kadə̄ ə́ya̰īneé ngákó̰ó̰sí gə̄ ō, ngáń ngé ɓē gə̄ ō dɔɔ́ aĺ ní, mā m-ā m-ə́yá̰sí kadə̄ ə̄sōī ta kaskar tə́ ō, kadə̄ mo̰y ngāl̄bɔ̄gīí ō, ɓō ō əsōn̄ dɔsí tə́. M-ā m̄-rāā kadə̄ ī-téliī yá̰a̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. Najə̄ ń Kɔ́ɔ̄ɓē əda ní n noó.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

PĀ GƏ̄ 78:64

Ngé tun̄ yá̰a̰ gə̄ oyn̄ yo kaskar, banī dəyá̰ kə́ ngaa koy gə̄ nōōn̄ alé.

2 MBAN̄G 9:10

Ba Jesabel tā a deē a dubə̄n alé, tɔdɔ̄ bísə gə̄ a əsan̄ nīnən kem ndɔr̄ kə́ Jisreel tə́. Dan ń balsáá ní əda najə̄ gə̄ ń noō oy anī, teē ta kújə ba a̰ȳ.

JEREMI 44:12

M-ā m-ə̄ndā kumḿ gír Juda gə̄ ń teēn̄ ta yo tə́ á əsōn̄ róbó yā kaw̄ ɓɔ̄ɔ̄ rɔ̄də́ Ejiptə tə́ ní kə gōó. Nin̄ malang a oyn̄, a tə́sōn̄ kem ɓē kə́ Ejiptə tə́. A oyn̄ yo kaskar ō, yo ɓō ō, a télən̄ yá̰á̰ kə́ to kum ko̰ ō, a ndə̄ngān̄də́ yo ō, a ndɔ̄lə́n̄də́ ō, a tájə̄n̄də́ ō.

NDŪ NAJƏ̄ 28:26

I yel̄ kə́ dɔɔ́ gə̄, kə dā̰ kə́ bembeé gə̄ n a əsan̄ nīní ní. De kə́ yā tə̄ɓādə́ dɔ tə́ a gətóo.

JEREMI 19:7

m-ā m-ādə̄ i ngé ndə̄ngān̄də́ yo gə̄ n a tɔ̄lə̄n̄də́ kə jīdə́ ní. M-ā m-ādə̄ nīń de kə́ ngá̰ý gə̄ ń toō yel̄ kə́ dɔ rā̰ tə́ gə̄ ō, dā̰ kə́ dɔ nang tə́ gə̄ ō kadə̄ əsan̄.

NŌŌ RƆ̄ 4:9

De gə̄ ń oyn̄ yo kaskar ní, yādə́ i sótə́ tɔȳ yā ngé gə̄ ń oyn̄ yo ɓō á ndəlēn̄ ngandəra najə̄ kōō kə́ gətóo ndɔrɔ́ tə́ ní.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

NDŪ NAJƏ̄ 28:22

Ni a rāāī kadə̄ ōn̄g ō, a ənī mo̰y gajə ō, rɔ̄ kagə̄ ō dɔí tə́. A rāā kadə̄ rɔ̄í a təngā tólóló ō, a rāā kadə̄ man̄ a əhɔ laa ō, a ənī mo̰y dɔ kōō gə̄ tə́ kadə̄ kərēn̄ ngéŕ ngéŕ ō, kadə̄ kumdə́ teē aĺ ō. Yá̰á̰ kə́ tōr̄ gə̄ ń noō a rāānī bátə́ kadə̄ ī-gətóoń kɔ̄ɔ́.

JEREMI 21:6

M-ā m-ə́nda de gə̄ ō, dā̰ gə̄ ō ń ndin̄ kem ɓē ń toō tə́ ní. Nin̄ a oyn̄ yo mo̰y ngāl̄bɔ̄gīí kə́ majaĺ ngá̰ý.