JEREMI 16:21 - Bibəl ta Sar̄

²¹ I tām̄ ń toō tə́ n m-ā m̄-rāā kadə̄ gerə̄n̄ tɔ́gə jīḿ kə́ ɔl watang ō, a gerə̄n̄ kadə̄ rīḿ i Kɔ́ɔ̄ɓē ō.

Bible sar

²¹ I tām̄ ń toō tə́ n m-ā m̄-rāā kadə̄ gerə̄n̄ tɔ́gə jīḿ kə́ ɔl watang ō, a gerə̄n̄ kadə̄ rīḿ i Kɔ́ɔ̄ɓē ō.

JEREMI 16:21 Referans Kwoze

PĀ GƏ̄ 9:16

Nápar de kə́ rang gə̄ əsōn̄ kem bəlo ń nin̄ kɔ́ gə̄ ndērə̄n̄ tə́ ní, əlan̄ njadə́ kum gūmbə̄ ń nin̄ kɔ́ gə̄ əyān̄ ní tə́.

JEREMI 33:2

Kɔ́ɔ̄ɓē ń rāā dɔ nang ō, Kɔ́ɔ̄ɓē ń rāān adə̄ ra ngan̄g ō, ni ń rīn na i Kɔ́ɔ̄ɓē ní, ɔr̄ najə̄ i tītə̄ ń toō beé:

PĀ GƏ̄ 83:18

Ādə̄ ɓōĺ rāādə́ ngándáńg ō, rɔ̄də́ sɔl̄də́ ngándáńg ō, ādə̄ yá̰á̰ ń əndān̄ kemdə́ dɔ tə́ ní əngen̄ aĺ ō, ādə̄ tɔ́gə́də́ gətóo ō!

AMOS 5:8

I ni n rāā ɓūtə̄ tə́yō̰ gə̄ ní: Adə̄ i ngáń ngé rāā kār̄ gə̄ ō, dɔgə́ loo tīī ō. Ni tūr̄ loo kə́ risə til nding adə̄ tél loo kə́ unjə̄ kow kə́ dəloí ō, ɓɔ̄ɔ̄ loo kə́ kadaá yā kadə̄ loo kə́ ndɔ̄ɔ́ teēń ō. Ni ɓāŕ man̄ bā bo ba ɓōkə́n dɔ nang tə́. Rīn na i Kɔ́ɔ̄ɓē.

IJAI 43:3

Tām̄ mā Kɔ́ɔ̄ɓē, mā i Nə́ɓā yāí. Mā Nə́ɓā kə́ táĺ yā Israel, mā i nge kajií. Yá̰á̰ ń m-ā m-ādə̄ yā gāngəń dɔí ní, i ɓē kə́ Etiopi ō, i ɓē kə́ Seba ō.

Teē Ngán Israel gə̄ 15:3

Kɔ́ɔ̄ɓē i go̰ rɔ̄ɔ̄, rīn əhɔ dɔn majə ngá̰ý, a ɓāŕnən̄ na i Kɔ́ɔ̄ɓē.

EJEKIEL 25:14

M-ā m-ə́yá̰ Israel gə̄ ń i gír deē yāḿ gə̄ ní kadə̄ dalən̄ ba̰ā̰ dɔ Edom gə̄ tə́ adə̄mə̄n̄. Israel gə̄ a rāān̄də́ yá̰á̰ ń wōn̄g yāḿ kə́ ngá̰ý ndḛḛ̄ kadə̄ yā rāā sedə́ ní. I tītə̄ ń noō tá Edom gə̄ a gerə̄n̄ kadə̄ rāā majaĺ seḿ māá i yá̰á̰ kə́ a ojə yá̰á̰ kə́ tōr̄ ngá̰ý. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 24:27

Ndɔ̄ ngeé ń noō tə́ ní, gír kəlā ndo̰í a do̰ō̰ naā to̰ alé, ā ī-tél yā kɔr̄ najə̄ gogə́, adə̄ ā ɔ̄r̄ najə̄ kə deē ń teē ta yo tə́ ní. Ā ī-tél i de kə́ nge tāā ngán Israel gə̄, loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 24:24

Dan ń Ejekiel rāā yá̰a̰ beé ní, tāāsí i najə̄ yā yá̰á̰ ń a rāā yā reē ní. Ā ī-rāāī yá̰a̰ i tītə̄ yān jéjé. Ba ré yá̰á̰ ní reē ugə̄ anī, ā ī-gerī kadə̄ Kɔ́ɔ̄ɓē Nə́ɓā i mā.

EJEKIEL 6:7

De gə̄ a oyn̄ dɔ dáńsí tə́, adə̄ ā ī-gerī kadə̄ mā i Kɔ́ɔ̄ɓē.

Teē Ngán Israel gə̄ 14:4

M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.

Teē Ngán Israel gə̄ 6:3

Dan ń m̄-ndɔ̄bə̄ Abəraham ō, Isaak ō, Jakob ō ní, nin̄-ger̄mə̄n̄ i kə rīḿ ń na i Nə́ɓā kə́ bo kə́ tɔ́gən i ngá̰ý ní, ba rīḿ ń na i Kɔ́ɔ̄ɓē ní tá nin̄-gerə̄n̄ alé.