JEREMI 16:17 - Bibəl ta Sar̄

¹⁷ Tɔdɔ̄ m-ə̄ndā kumḿ dɔ róbə njə̄rādə́ gə̄ tə́ malang. Nin̄ ton̄ loo ɓɔ̄ɔ̄ rɔ̄ tə́ ta kumḿ tə́ aĺ ō, yá̰á̰ kə́ gōtə́ aĺ yādə́ a to ta kumḿ tə́ ngándáńg ō.

Bible sar

¹⁷ Tɔdɔ̄ m-ə̄ndā kumḿ dɔ róbə njə̄rādə́ gə̄ tə́ malang. Nin̄ ton̄ loo ɓɔ̄ɔ̄ rɔ̄ tə́ ta kumḿ tə́ aĺ ō, yá̰á̰ kə́ gōtə́ aĺ yādə́ a to ta kumḿ tə́ ngándáńg ō.

JEREMI 16:17 Referans Kwoze

Gōsə̄ najə̄ gə̄ 15:3

Kum Kɔ́ɔ̄ɓē a̰a̰ loo i kə̄ loo gə̄ tə́ malang, ni-əndā ma̰ȳ de kə́ majə gə̄ ō, ngé kem ndul gə̄ ō.

JEREMI 23:24

Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

Gōsə̄ najə̄ gə̄ 5:21

A̰á̰ā̰, Kɔ́ɔ̄ɓē a̰a̰ hál de gə̄ kógə̄ḿ kógə̄ḿ malang ō, əndā ma̰ȳ gō róbə yādə́ gə̄ kógə̄ḿ kógə̄ḿ malang ō.

PĀ GƏ̄ 90:8

Ḭ̄ ī-tə́ndā yá̰á̰ kə́ gōtə́ aĺ gə̄ ń jə-rāā ní ta kumií tə́. Loo kə́ unjə̄ kow yāí unjə̄ dɔ yá̰a̰ yājí gə̄ kə́ ton̄ loo mundə̄ tə́.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

JEREMI 32:19

Nə́ɓā kə́ nge ger̄ kadə̄ kɔjə ngá̰ý ō, nge ger̄ rāā yá̰á̰ ngá̰ý ō, ə̄ndā kumií gíŕ hál de gə̄ tə́ malang ō, ə̄ndā njadə́ kógə̄ḿ kógə̄ḿ kə gō hál rāādə́ gēé ō, yá̰a̰ rāādə́ gēé ō.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

IJAI 29:15

I yá̰á̰ kə́ to kum kaȳ aĺ ngá̰ý tām̄ yā de gə̄ ń noō ń nin̄ a rāān̄ yá̰a̰ i loo mundə̄ tə́ ní! Nin̄ ɓɔ̄ɔ̄n̄ dɔ yá̰a̰ gə̄ ń nin̄ sāān̄ rāā ní kadə̄ Kɔ́ɔ̄ɓē a̰a̰ alé. Nin̄ əndān̄ dɔ yá̰a̰ yādə́ gə̄ danaá i kum loo kə́ risə til tə́. Nin̄ ədan̄ na: I náā n asə ka̰a̰jí ní? I náā n ger̄ yá̰a̰ rāājí ní?

PĀ GƏ̄ 139:3

Ré mā i ndágá aláa kújú anī, ḭ̄ ī-ger̄ kɔ̄ɔ́ ō, ī-ger̄ yá̰a̰ rāāḿ gə̄ malang ō.

EJEKIEL 8:12

Nə́ɓā ədam̄ na: Ḭ̄ ngōn̄ deē, yá̰á̰ ń kum kɔɔ̄ gə̄ yā ngán Israel gə̄ ndi a rāān̄ loo ɓɔ̄ɔ̄ rɔ̄ tə́, nin̄ kógə̄ḿ kógə̄ḿ kə̄ loo yādə́ gə̄ tə́ kə̄ no ɓesə̄ yādə́ gə̄ tə́ ní á̰a̰ā̰ a? Nin̄ ədan̄ na Kɔ́ɔ̄ɓē na asə ka̰a̰də́ alé, Kɔ́ɔ̄ɓē na mbātə́ ɓē kɔ̄ɔ́.

PĀ GƏ̄ 51:9

Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.

PĀ GƏ̄ 109:15

Ādə̄ əga kem Kɔ́ɔ̄ɓē dɔ tə́ ngándáńg ō, ādə̄ ni-rāā adə̄ rī de gə̄ ń noō gətóo kem ɓēé ō!

JEREMI 2:22

Ká ré ī-ndogə̄ man̄ i kə sabūnūú aké ī-ndogə̄ man̄ i kə sabūn̄ katāá gə̄gē anī, yá̰á̰ kə́ to yḛr kum ń ī-rāā ní a to ta kumḿ tə́ ɓáý. Najə̄ ń Kɔ́ɔ̄ɓē Nə́ɓā əda ní n noó.

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

SOPONI 1:12

Kum mbang ngeé ń noō tə́ ní, m-ā m-ə̄ndā hor tū lámbá kógə̄ḿ tə́, yā ndəleń ɓē kə́ Jerusalem. De kə́ kem ɓēé gə̄ ń ndin̄ kanjə̄ rāā yá̰á̰ kógə̄ḿ, tītə̄ kasə nduú kə́ ɗīgə̄ adə̄ manə̄n a ɔr̄ koō dɔ bisə̄n tə́ ní, m-ā m̄-rāā yá̰á̰ kógə̄ḿ sedə́. Nin̄ ədan̄ na: Kɔ́ɔ̄ɓē na asə rāā yá̰á̰ kógə̄ḿ alé. Ni na asə rāā yá̰á̰ kə́ majə aĺ ō, kə́ majaĺ aĺ ō.

Makətūbə̄ yā Job 10:14

I kadə̄ ré m̄-rāā yá̰a̰ majanī, á̰a̰m̄ ō, m̄-rāā yá̰a̰ gōtə́ aĺ anī, ə́da na najə̄ na gətóo dɔḿ tə́ aĺ ō.

Makətūbə̄ yā Job 31:4

Hálə́ḿ mā ní, ni a̰ā̰ aĺ a? Ni tə́da kutə njaḿ ń m̄-njə̄rań ní malang aĺ a?

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

JEREMI 7:11

Sḭḭ̄, ī-rāāī kújə́ ń rīḿ ɓār̄ dɔ tə́ ní i loo ɓɔ̄ɔ̄ rɔ̄ yā ngé tɔ̄l̄ de gə̄ tə́ a? Mā tā a, m-á̰a̰ kadə̄ i beé. Najə̄ ń Kɔ́ɔ̄ɓē əda ní n noó.