JEREMI 16:16 - Bibəl ta Sar̄

¹⁶ M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

Bible sar

¹⁶ M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

JEREMI 16:16 Referans Kwoze

AMOS 4:2

Kɔ́ɔ̄ɓē túbə̄ əda na: Tītə̄ nəkɔ́ ń mā i Nə́ɓā kə́ táĺ rɔ̄kum noó, ndɔ̄ a reē noó yā kadə̄ de gə̄ a əhɔn̄sí yā kaw̄ sesí ō, a ndɔ́rə̄n̄sí kógə̄ḿ kógə̄ḿ tītə̄ kānjə̄ gə̄ kə́ əhɔn̄də́ kə gində̄ kə́ ta ruguú, aláa kə kuyú beē yā kaw̄ń ndo̰ kanjāá.

MISE 7:2

Ngé ra dɔ ndūdə́ tə́ gə̄ kə Nə́ɓāá gətóon̄ kɔ̄ɔ́ kem ɓēé, deē kógə̄ḿ kə́ rɔ̄kum gətóo. Nin̄ malang a sāān̄ i ta róbə tɔ̄l̄ deē. Nin̄ kógə̄ḿ kógə̄ḿ ní, a əyān̄ gūmbə̄ i yā kəhɔń madə̄də́ gə̄.

1 SAMUEL 26:20

Ba mā m̄-ndigə koy sa̰y rɔ̄ Kɔ́ɔ̄ɓē tə́ alé. Kɔ́ɔ̄ ɓē gə̄, i tām̄ rí tə́ á ī-rɔ̄ɔ̄m̄ mā ń i ngáɓer kə̄njá ní? I tām̄ rí tə́ á ā ī-ngɔ̄də̄m̄ tītə̄ loo ngɔ̄də̄ kerwḛy dɔ mbal̄ gə̄ tə́ ní?

TA KƏLA 10:9

Nemrod i gáẃ kə́ nge ndo̰ kə̄ ta kum Kɔ́ɔ̄ɓē tə́. I tām̄ najə̄ ń toō tə́ n kāgə̄ najə̄ əda na: Gáẃ kə́ nge ndo̰ kə̄ ta kum Kɔ́ɔ̄ɓē tə́ tītə̄ Nemrod ní.

JEREMI 25:9

m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

AMOS 5:19

Ndɔ̄ ní a to i tītə̄ deē kógə̄ḿ kə́ a̰ȳ ɓɔl ba əsō ta dā̰ kə́ rang kə́ majaĺ tə́ beē. Gō tə́ anī, deē ní aw̄ udə kújú ɓēé, ba əndā jīn kadə bɔr tə́, anī lī kógə̄ḿ do̰o̰n!

1 SAMUEL 24:11

Ḭ̄kɔ́ á̰a̰ā̰ kə kumií ɓōólaā kadə̄ Kɔ́ɔ̄ɓē əlaī jīḿ tə́ kem bəlo mbal̄ ń toō tə́. Deē yāḿ gə̄ mēr̄mə̄n̄ tɔ̄lī, banī kumḿ o̰o̰m̄ tām̄ yāí tə́ adə̄ m-ə́da na: M-ā m-ə́la jīḿ yā kɔdəń rɔ̄ kɔ́ɔ̄ḿ alé, tɔdɔ̄ ni i deē ń Kɔ́ɔ̄ɓē ur yibə̄ ngār dɔn tə́ ní.

IJAI 2:21

Nin̄ a aw̄n̄ yā ɓɔ̄ɔ̄ rɔ̄də́ gír mbal̄ gə̄ tə́ ō, yā túdə̄ kə̄ kem bəlo gə̄ kə́ dɔ nang tə́ tə́ ō, yā ka̰ȳń Kɔ́ɔ̄ɓē kə́ nge rāā deē kadə̄ ndew ndew ɓōĺ ō, yā ka̰ȳń bo yān kə́ unjə̄ kow ō ndə́lē ngá̰ý ō, dan ń ni a ḭḭ dɔɔ́ yā yéȳ dɔ nang ní.

IJAI 7:19

Nin̄ malang a reēn̄ yā ndi wól man̄ gə̄ kə́ mbal̄ gə̄ i tū tə́ tə́ ō, mbo̰ō̰ mbal̄ kə́ njár̄ gə̄ tə́ ō, kem túpə́ kámbə gə̄ tə́ malang ō, loo malang ń man̄ i tū tə́ ní tə́ ō.

JEREMI 4:29

Dan ń kōō ngé kal̄ sə́nda gə̄ ō, ngé kur gə̄ra gə̄ ō a ɓār̄ anī, de kə́ kem ɓēé gə̄ malang a̰ȳn̄ naā kɔ̄ɔ́. Udən̄ kem ku kāgə̄ gə̄ tə́ ō, alə̄n̄ dɔ mbal̄ gə̄ tə́ ō, teēn̄ kɔ̄ɔ́ kem ɓē bo gə̄ tə́ malang. De kógə̄ḿ kə́ na̰y kem ɓēé gətóó bátə́.

JEREMI 6:9

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ādə̄ kə̄tón̄ ngán Israel gə̄ ń na̰yn̄ ní náḿ náḿ tītə̄ loo ɓur gotə kan̄ kāgə̄ nduú beē. Ādə̄ jīí aw̄ ō tél ō dɔ ta jīn gə̄ tə́, tītə̄ yā nge kəja kan̄ kāgə̄ nduú beē.

JEREMI 49:5

I beé tā anī, mā m-ā m-ə́la ɓōĺ kə́ ngá̰ý kemsí tə́ kə ta kūl̄ madə̄ ɓēsí gə̄. I Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý n əda ní. A tə̄ndā tḭn̄sí kə̄ loo gə̄ tə́, yā kadə̄ náā nəkɔ́ ɓáa aw̄ súmūú kə̄ non tə́ ō, de kə́ yā kɔsə dɔ ngé ka̰ȳ naā gə̄ kə̄ naā tə́ a gətóo ō.

NŌŌ RƆ̄ 4:18

De gə̄ unən̄ gō tóo njají ngɔ̄də̄n̄neéjí, adə̄ dum̄ kadə̄ j-ugə̄ loo ndijí gə̄ tə́. Gír yājí a gān̄g ngɔr, ndɔ̄jí asə kɔ̄ɔ́. Rɔ̄kum ta ngóy ndɔ̄jí ugə̄.

OJEE 10:10

Kɔ́ɔ̄ɓē əda na: M-ā m̄-reē yā kəndadə́. Gír de gə̄ a ɔsən̄ dɔdə́ naā tə́ yā rɔ̄ɔ̄də́, a əndan̄də́ najə̄ yá̰a̰ rāādə́ kə́ gōtə́ aĺ ń gír i jōó ní tə́.

SOPONI 1:12

Kum mbang ngeé ń noō tə́ ní, m-ā m-ə̄ndā hor tū lámbá kógə̄ḿ tə́, yā ndəleń ɓē kə́ Jerusalem. De kə́ kem ɓēé gə̄ ń ndin̄ kanjə̄ rāā yá̰á̰ kógə̄ḿ, tītə̄ kasə nduú kə́ ɗīgə̄ adə̄ manə̄n a ɔr̄ koō dɔ bisə̄n tə́ ní, m-ā m̄-rāā yá̰á̰ kógə̄ḿ sedə́. Nin̄ ədan̄ na: Kɔ́ɔ̄ɓē na asə rāā yá̰á̰ kógə̄ḿ alé. Ni na asə rāā yá̰á̰ kə́ majə aĺ ō, kə́ majaĺ aĺ ō.

NŌŌ RƆ̄ 4:19

Ngé rāājí ndoō tə́ gə̄ ɔlən̄ tɔȳ kə̄rō kə́ dɔ rā̰ tə́ gə̄. Njadə́ ra gōjí tə́ dɔ mbal̄ gə̄ tə́, déwn̄ kem dəla loo tə́ yā kəsō sejí.